Sontga Petronilla, purschala. pdf: cheu l’entira historia Ils 31 da matg: Sontga Petronilla, purschala Da sontga Petronilla ch‘ei vivida il temps dils apostels, san ins leger fetg pauc. Pertgei da …Daplü
Sontga Petronilla, purschala.
pdf: cheu l’entira historia
Ils 31 da matg: Sontga Petronilla, purschala
Da sontga Petronilla ch‘ei vivida il temps dils apostels, san ins leger fetg pauc. Pertgei da gliez temps miravan ils cristifideivels da viver e murir per amur da Cristus e mettevan nuot a scret. Ella gliesta dils marters vegn la sontga numnada feglia da sogn Pieder che fuva staus maridaus avon ch’el vegni clamaus da Cristus per apiestel. Sogn Clemens Alexandrin denton scriva che sogn Pieder hagi suenter il clom da Cristus viviu en perpetna castiadad e buca pli habitau en casa cun sia dunna. Denton hagi el educau la feglia Petronilla en tema da Diu e schau vegnir ella cun el a Ruma. Auters denton scrivan, che Petronilla seigi stada ina dunschala romana che seigi ensemen cun sia famiglia vegnida convertida e battegiada da sogn Pieder. Consequentamein fussi ella stada figliola e feglia spirituala da sogn Pieder. Petronilla semeglionta a Maria Madleina tedlava adina la ductrina da sogn Pieder. Ella fuva scaldada dil fiug dalla carezia tier Diu ch’ella desiderava da saver sponder il saung per amur da Jesus Cristus ch‘ella veva eligiu per siu spus. Enstagl dil marteri dil saung, ha Cristus signau ella cun ina liunga e dolorusa malsogna che ha ligiau ella vid il letg. Cun suffrir tala malsogna ei la casa da Petronilla daventada per sogn Pieder ed ils cristians da Ruma in spieghel da pazienzia cristiana. Cheu en quella casa vegnevan els ensemen e sogn Pieder deva d’entelgir ch’ins duei engraziar a Diu per las malsognas e dolurs, pertgei cun suffrir quellas daventien ins semeglionts a Jesus Cristus. Cun la mort da sogn Pieder ei sontga Petronilla vegnida libra da sia liunga e dolorusa malsogna, tras la quala ella fuva vegnida schi perfetga e sontga, ch’ella medegava cun sias oraziuns biars malsauns. Era sche Diu veva priu dad ella sias dolurs, sche semortificava Petronilla vinavon cun grevas penetienzias per esser semeglionta a siu divin spus. Lunsch entuorn Ruma udev’ins dalla virtuusa e sontga Petronilla. Quei veva era il cont Flaccus udiu ed vess bugen priu la dunschala per sia spusa. Petronilla plein fetgas damonda per treis dis da ponderar e metter sias caussas en uorden. Ella di lu ch’el sappi suenter quels treis dis tarmetter sias survientas per accumpignar ella solemnamein tier sia cuort. La sontga ei seserrada ils treis dis en sia combra cun far di e notg penetienzia e rugar siu divin spus da vegnir en agid. La damaun dil tierz di viseta in giuven e sogn spiritual ella e celebrescha la sontga messa. Suenter la sontga Communiun ei Petronilla semessa avon il pass digl altar, engraziau a Diu e recumandau ses quitaus a siu divin spus. Gest en quei mument vegn ella liberada da tuttas anguoschas e renda l‘olma a siu spus divin. Las dunschalas da Flaccus ch’ein cuort suenter arrivadas, han saviu far nuot auter che accumpignar il sogn tgierp alla fossa enstagl alla cuort. La Baselgia fa memoria dalla sontga patruna da Ruma ils 31 da matg. Suenter biars onns, entuorn igl onn 757 ha papa Paul I schau dislocar il sarcofag cun las reliquias da sontga Petronilla dallas catacumbas vi en la baselgia da sogn Pieder.
pdf: cheu l’entira historia
Ils 31 da matg: Sontga Petronilla, purschala
Da sontga Petronilla ch‘ei vivida il temps dils apostels, san ins leger fetg pauc. Pertgei da gliez temps miravan ils cristifideivels da viver e murir per amur da Cristus e mettevan nuot a scret. Ella gliesta dils marters vegn la sontga numnada feglia da sogn Pieder che fuva staus maridaus avon ch’el vegni clamaus da Cristus per apiestel. Sogn Clemens Alexandrin denton scriva che sogn Pieder hagi suenter il clom da Cristus viviu en perpetna castiadad e buca pli habitau en casa cun sia dunna. Denton hagi el educau la feglia Petronilla en tema da Diu e schau vegnir ella cun el a Ruma. Auters denton scrivan, che Petronilla seigi stada ina dunschala romana che seigi ensemen cun sia famiglia vegnida convertida e battegiada da sogn Pieder. Consequentamein fussi ella stada figliola e feglia spirituala da sogn Pieder. Petronilla semeglionta a Maria Madleina tedlava adina la ductrina da sogn Pieder. Ella fuva scaldada dil fiug dalla carezia tier Diu ch’ella desiderava da saver sponder il saung per amur da Jesus Cristus ch‘ella veva eligiu per siu spus. Enstagl dil marteri dil saung, ha Cristus signau ella cun ina liunga e dolorusa malsogna che ha ligiau ella vid il letg. Cun suffrir tala malsogna ei la casa da Petronilla daventada per sogn Pieder ed ils cristians da Ruma in spieghel da pazienzia cristiana. Cheu en quella casa vegnevan els ensemen e sogn Pieder deva d’entelgir ch’ins duei engraziar a Diu per las malsognas e dolurs, pertgei cun suffrir quellas daventien ins semeglionts a Jesus Cristus. Cun la mort da sogn Pieder ei sontga Petronilla vegnida libra da sia liunga e dolorusa malsogna, tras la quala ella fuva vegnida schi perfetga e sontga, ch’ella medegava cun sias oraziuns biars malsauns. Era sche Diu veva priu dad ella sias dolurs, sche semortificava Petronilla vinavon cun grevas penetienzias per esser semeglionta a siu divin spus. Lunsch entuorn Ruma udev’ins dalla virtuusa e sontga Petronilla. Quei veva era il cont Flaccus udiu ed vess bugen priu la dunschala per sia spusa. Petronilla plein fetgas damonda per treis dis da ponderar e metter sias caussas en uorden. Ella di lu ch’el sappi suenter quels treis dis tarmetter sias survientas per accumpignar ella solemnamein tier sia cuort. La sontga ei seserrada ils treis dis en sia combra cun far di e notg penetienzia e rugar siu divin spus da vegnir en agid. La damaun dil tierz di viseta in giuven e sogn spiritual ella e celebrescha la sontga messa. Suenter la sontga Communiun ei Petronilla semessa avon il pass digl altar, engraziau a Diu e recumandau ses quitaus a siu divin spus. Gest en quei mument vegn ella liberada da tuttas anguoschas e renda l‘olma a siu spus divin. Las dunschalas da Flaccus ch’ein cuort suenter arrivadas, han saviu far nuot auter che accumpignar il sogn tgierp alla fossa enstagl alla cuort. La Baselgia fa memoria dalla sontga patruna da Ruma ils 31 da matg. Suenter biars onns, entuorn igl onn 757 ha papa Paul I schau dislocar il sarcofag cun las reliquias da sontga Petronilla dallas catacumbas vi en la baselgia da sogn Pieder.