Sogn Cosmas e sogn Damian, marters. pdf: cheu l'entira historia / Sogn Cosmas e sogn Damian, marters Ils 27 da settember: Sogn Cosmas e sogn Damian, marters Quels dus frars schumellins ein naschi el …Daplü
Sogn Cosmas e sogn Damian, marters.
pdf: cheu l'entira historia / Sogn Cosmas e sogn Damian, marters
Ils 27 da settember: Sogn Cosmas e sogn Damian, marters
Quels dus frars schumellins ein naschi el tierz tschentaner el marcau da Egea en Arabia bassa. Els piardan lur bab gia da pign. La pietusa mumma Teodora educhescha ses buobs en las vertids ed en la tema da Diu. Ils dus giuvens studegian lu la medischina e daventan miedis. Damai ch’els desideravan da trer ils pagauns tier Cristus, porscha lur clamada buna caschun leutier. Ils dus excellents miedis pon cugl agid da Diu medegar malsauns ch’ins teneva per nuncurabels.Tut daventa per amur dil Segner e buca per daventar rehs. Lur principala medischina ei adina ina cuorta profunda oraziun. Cun l’enzenna dalla sontga crusch sur dil malsaun schavan las dolurs suenter e las febras tschessavan. Sin quella moda han Cosmas e Damian medegau tschocs, suords, schirai, malspirtai ed auters buca mo da tgierp, mobein era dall’olma. Suenter in temps entuorn igl onn 305, tarmetta imperatur Dioclezian il crudeivel Lisias per guvernatur d’Egea. Quei grond inimitg dils cristians lai clamar ils dus capavels miedis ed examinescha els da rudien. Ils dus sogns frars lain saver ch’els han aunc treis auters frars e che tuts seigien cristians. Els dus denton seigien miedis e medegheschien ils malsauns buca ton cun la medischina sco cun la forza da Jesus Cristus. Il guvernatur smarveglia dalla statteivladad da quels dus umens e lai gest leu era clamar ils treis auters frars. Cun migeivla vusch e lu cun plaids smanatschonts vul Lisias far adurar tuts tschun ils dieus el tempel. Mo quels generus frars rispundan resolut e franc: Ni empermischuns ni smanatschas muentan nus; e nus essan promts da dar veta e saung per amur da Jesus Cristus. Sin quels plaids lai il ravgiau tiran torturar els crudeivlamein. Cun ludar Diu ed engraziar pil bien retschiert, cudezzan ils sogns umens il tiran che quel lai ligiar peis e mauns cun cadeinas e fierer tuts en la mar. Mo igl aunghel dil Segner cumpara, sligia las cadeinas e meina els saunamein a riva. Aunc pli fetg trumpaus pervia da tala protecziun divina, lai il tiran metter Cosmas e Damian en in grond fiug. Mo las flommas sespartan ed arsentan ils pagauns leu dentuorn. Il derschader che mira tut quei per caussa diabolica, lai gheslegiar ils dus sogns e pender els vid duas lattas cruschadas per schar encarpar e trer paliats sils torturai. La crappa sco era ils paliats han buca tuccau ils sogns, mobein ein returnai anavos e blessau ils torturaders. Pér ussa sto il tiran dar si sia crudeivladad ed el dat la sentenzia da scavazzar Cosmas e Damian. Ils dus sogns aulzan egls e mauns encunter tschiel, engrazian a Diu per quella sentenzia e retscheivan la cruna dil marteri ils 27 da settember. Carteivlamein ein era ils treis auters frars vegni scavazzai quei di. Diu ha lu glorificau ils sogns marters cun biaras miraclas. Malsauns che visitavan lur fossa, bandunavan quella medegai ni ch’ils dus sogns miedis cumparevan per dar cussegls tgei far per daventar sauns. Las reliquias da sogn Cosmas e Damian sesanflan oz a Ruma en la baselgia che porta lur nums.
pdf: cheu l'entira historia / Sogn Cosmas e sogn Damian, marters
Ils 27 da settember: Sogn Cosmas e sogn Damian, marters
Quels dus frars schumellins ein naschi el tierz tschentaner el marcau da Egea en Arabia bassa. Els piardan lur bab gia da pign. La pietusa mumma Teodora educhescha ses buobs en las vertids ed en la tema da Diu. Ils dus giuvens studegian lu la medischina e daventan miedis. Damai ch’els desideravan da trer ils pagauns tier Cristus, porscha lur clamada buna caschun leutier. Ils dus excellents miedis pon cugl agid da Diu medegar malsauns ch’ins teneva per nuncurabels.Tut daventa per amur dil Segner e buca per daventar rehs. Lur principala medischina ei adina ina cuorta profunda oraziun. Cun l’enzenna dalla sontga crusch sur dil malsaun schavan las dolurs suenter e las febras tschessavan. Sin quella moda han Cosmas e Damian medegau tschocs, suords, schirai, malspirtai ed auters buca mo da tgierp, mobein era dall’olma. Suenter in temps entuorn igl onn 305, tarmetta imperatur Dioclezian il crudeivel Lisias per guvernatur d’Egea. Quei grond inimitg dils cristians lai clamar ils dus capavels miedis ed examinescha els da rudien. Ils dus sogns frars lain saver ch’els han aunc treis auters frars e che tuts seigien cristians. Els dus denton seigien miedis e medegheschien ils malsauns buca ton cun la medischina sco cun la forza da Jesus Cristus. Il guvernatur smarveglia dalla statteivladad da quels dus umens e lai gest leu era clamar ils treis auters frars. Cun migeivla vusch e lu cun plaids smanatschonts vul Lisias far adurar tuts tschun ils dieus el tempel. Mo quels generus frars rispundan resolut e franc: Ni empermischuns ni smanatschas muentan nus; e nus essan promts da dar veta e saung per amur da Jesus Cristus. Sin quels plaids lai il ravgiau tiran torturar els crudeivlamein. Cun ludar Diu ed engraziar pil bien retschiert, cudezzan ils sogns umens il tiran che quel lai ligiar peis e mauns cun cadeinas e fierer tuts en la mar. Mo igl aunghel dil Segner cumpara, sligia las cadeinas e meina els saunamein a riva. Aunc pli fetg trumpaus pervia da tala protecziun divina, lai il tiran metter Cosmas e Damian en in grond fiug. Mo las flommas sespartan ed arsentan ils pagauns leu dentuorn. Il derschader che mira tut quei per caussa diabolica, lai gheslegiar ils dus sogns e pender els vid duas lattas cruschadas per schar encarpar e trer paliats sils torturai. La crappa sco era ils paliats han buca tuccau ils sogns, mobein ein returnai anavos e blessau ils torturaders. Pér ussa sto il tiran dar si sia crudeivladad ed el dat la sentenzia da scavazzar Cosmas e Damian. Ils dus sogns aulzan egls e mauns encunter tschiel, engrazian a Diu per quella sentenzia e retscheivan la cruna dil marteri ils 27 da settember. Carteivlamein ein era ils treis auters frars vegni scavazzai quei di. Diu ha lu glorificau ils sogns marters cun biaras miraclas. Malsauns che visitavan lur fossa, bandunavan quella medegai ni ch’ils dus sogns miedis cumparevan per dar cussegls tgei far per daventar sauns. Las reliquias da sogn Cosmas e Damian sesanflan oz a Ruma en la baselgia che porta lur nums.