Adeste Fideles.

www.youtube.com/watch
Adeste fideles,
laeti triumphantes;
venite, venite in Bethlehem;
natum videte regem angelorum,
venite, adoremus Dominum.

En, grege relicto,
humiles ad cunas,
vocati pastores approperant.
Et nos ovanti gradu festinemus,
venite, adoremus Dominum.

Aeterni Parentis
splendorem aeternum
velatum sub carne videbimus,
Deum infantem,
pannis involutum,
venite, adoremus Dominum.

Pro nobis egenum
et faeno cubantem
piis foveamus amplexibus;
sic nos amantem quis non redamaret?
Venite, adoremus Dominum.

Adeste fideles,
laeti triumphantes;
venite, venite in Bethlehem;
natum videte regem angelorum,
venite, adoremus Dominum.