Sontga Elisabet, regina dall’Ungaria. pdf: cheu l'entira historia / Sontga Elisabet, regina dall’Ungaria Ils 19 da november: Sontga Elisabet, regina dall’Ungaria Sontga Elisabet ei naschida igl onn …Daplü
Sontga Elisabet, regina dall’Ungaria.
pdf: cheu l'entira historia / Sontga Elisabet, regina dall’Ungaria
Ils 19 da november: Sontga Elisabet, regina dall’Ungaria
Sontga Elisabet ei naschida igl onn 1207 sco feglia dil retg Andriu II d’Ungaria. Gia cun tschun onns deva ella d’enconuscher da vuler survir sulettamein a Diu. Pertgei savens urava ella en la caplutta dil palaz. Sogn Gion Battesta honorava ella per sogn patrun dalla castiadad e Nossadunna per sontga advocata. Pli veglia che Elisabet vegneva e pli virtuusa ch’ella fuva. Per obedir a siu bab sespusa Elisabet cul podestat Ludivic da Turingia. Diu benedescha la lètg cun treis fegls. Denton fa ella il vut da castiadad, sch’ella vessi da surviver siu mariu. Cun sesezza resta la sontga regina adina fetg strentga, ferton culs paupers fetg liberala. Per saver dar agid a malsauns e basignus, lai ella baghegiar in spital, quei che ha dau alla sontga il num mumma dils paupers. Da quei temps han ils cristians giu da batter en Tiarasontga culs nuncartents. Sin cussegl da Elisabet batta era Ludivic sco taffer cavalier ella Palestina. Mo da retuorn vegn el malsauns e miera a Otranto en Sicilia igl onn 1227. Bein confrontada cun la voluntad da Diu, procura ella sco emprem per l’olma da siu car mariu. Lu pren ella la libertad da far mo pli ovras da pietad. Quei pon ils parents da siu um per miert buca vertir ed els declaran che Elisabet disfetschi il patrimoni dils prencis. Cun talas stgisas sepatruna il quinau dil tron e catscha la sontga cun ses fegls ord il palaz. Paupradad e miseria sforzan la mumma cun ses treis fegls da seretrer en in nuegl. Pertgei ord tema dalla cuort ughegia negin da dar ni albiert ni vivonda als scatschai. Tuts untgeschan la sontga, perfin quels ch’ella veva giu susteniu e gidau sbettan ella. Sulet in bien augsegner demuossa cumpassiun culs bandunai e retscheiva els en sia casa. Mo era quei cuozza buca ditg. Pertgei ils regents han buca lubiu ch’enzatgi detti albiert alla vieua. Mo era ussa en quella miserabla situaziun ei Elisabet cuntenza e selegra da saver daventar semeglionta a siu bandunau e cruzifigau Jesus Cristus. Siu bab ed igl uestg da Bamberg che fuva siu aug havessen bugen priu la sontga en lur palaz. Mo ella ei sedustada per saver salvar sia humilitonza e paupradad e buca daventar princessa. Sin la rueida dil retg lai igl odi suenter. Ils affons anflan in dacasa tier parents e la sontga mumma che ha retschiert sia reha dota, baghegia a Marburg in spital e secasa en quel. En siu spital rimna e medeghescha la sontga tut ils paupers malsauns che negin autra casa retscheveva. Siu sogn viver era in cuntinuau urar, meditar e luvrar per il basegns dils paupers. Ina tala olma caritativa e mortificada ha beinduras astgau guder visiuns e revelaziuns celestialas. Igl onn 1228 banduna sontga Elisabet tut il mundan e retscheiva il tierz uorden da sogn Francestg. Sco vera veneratura dil sogn patriarc pratichescha ella pli che mai la vertid dalla humilitonza cun survir als leprus. Cun sia oraziun ha la sontga pudiu menar beinenqual giuvna persuna tier la tema da Diu. Alla fin da sia passiun ei Jesus cumparius alla sontga survienta ed envidau ella tier la cumpignia dils beai enta parvis. Surpida d’ ina nauscha febra, retscheiva Elisabet ils sogns sacraments e sedurmenta en Cristus ils 17 da november digl onn 1231 pleina da merets e bunas ovras. Duront quater dis sa il grond pievel prender cumiau, avon ch’il sogn tgierp vegn satraus a Marburg el spital da sogn Francestg. Biaras miraclas leu daventadas han dau perdetga da sia sontgadad, aschia ch’ella ei gia suenter quater onns vegnida canonisada da papa Gregor IX.
pdf: cheu l'entira historia / Sontga Elisabet, regina dall’Ungaria
Ils 19 da november: Sontga Elisabet, regina dall’Ungaria
Sontga Elisabet ei naschida igl onn 1207 sco feglia dil retg Andriu II d’Ungaria. Gia cun tschun onns deva ella d’enconuscher da vuler survir sulettamein a Diu. Pertgei savens urava ella en la caplutta dil palaz. Sogn Gion Battesta honorava ella per sogn patrun dalla castiadad e Nossadunna per sontga advocata. Pli veglia che Elisabet vegneva e pli virtuusa ch’ella fuva. Per obedir a siu bab sespusa Elisabet cul podestat Ludivic da Turingia. Diu benedescha la lètg cun treis fegls. Denton fa ella il vut da castiadad, sch’ella vessi da surviver siu mariu. Cun sesezza resta la sontga regina adina fetg strentga, ferton culs paupers fetg liberala. Per saver dar agid a malsauns e basignus, lai ella baghegiar in spital, quei che ha dau alla sontga il num mumma dils paupers. Da quei temps han ils cristians giu da batter en Tiarasontga culs nuncartents. Sin cussegl da Elisabet batta era Ludivic sco taffer cavalier ella Palestina. Mo da retuorn vegn el malsauns e miera a Otranto en Sicilia igl onn 1227. Bein confrontada cun la voluntad da Diu, procura ella sco emprem per l’olma da siu car mariu. Lu pren ella la libertad da far mo pli ovras da pietad. Quei pon ils parents da siu um per miert buca vertir ed els declaran che Elisabet disfetschi il patrimoni dils prencis. Cun talas stgisas sepatruna il quinau dil tron e catscha la sontga cun ses fegls ord il palaz. Paupradad e miseria sforzan la mumma cun ses treis fegls da seretrer en in nuegl. Pertgei ord tema dalla cuort ughegia negin da dar ni albiert ni vivonda als scatschai. Tuts untgeschan la sontga, perfin quels ch’ella veva giu susteniu e gidau sbettan ella. Sulet in bien augsegner demuossa cumpassiun culs bandunai e retscheiva els en sia casa. Mo era quei cuozza buca ditg. Pertgei ils regents han buca lubiu ch’enzatgi detti albiert alla vieua. Mo era ussa en quella miserabla situaziun ei Elisabet cuntenza e selegra da saver daventar semeglionta a siu bandunau e cruzifigau Jesus Cristus. Siu bab ed igl uestg da Bamberg che fuva siu aug havessen bugen priu la sontga en lur palaz. Mo ella ei sedustada per saver salvar sia humilitonza e paupradad e buca daventar princessa. Sin la rueida dil retg lai igl odi suenter. Ils affons anflan in dacasa tier parents e la sontga mumma che ha retschiert sia reha dota, baghegia a Marburg in spital e secasa en quel. En siu spital rimna e medeghescha la sontga tut ils paupers malsauns che negin autra casa retscheveva. Siu sogn viver era in cuntinuau urar, meditar e luvrar per il basegns dils paupers. Ina tala olma caritativa e mortificada ha beinduras astgau guder visiuns e revelaziuns celestialas. Igl onn 1228 banduna sontga Elisabet tut il mundan e retscheiva il tierz uorden da sogn Francestg. Sco vera veneratura dil sogn patriarc pratichescha ella pli che mai la vertid dalla humilitonza cun survir als leprus. Cun sia oraziun ha la sontga pudiu menar beinenqual giuvna persuna tier la tema da Diu. Alla fin da sia passiun ei Jesus cumparius alla sontga survienta ed envidau ella tier la cumpignia dils beai enta parvis. Surpida d’ ina nauscha febra, retscheiva Elisabet ils sogns sacraments e sedurmenta en Cristus ils 17 da november digl onn 1231 pleina da merets e bunas ovras. Duront quater dis sa il grond pievel prender cumiau, avon ch’il sogn tgierp vegn satraus a Marburg el spital da sogn Francestg. Biaras miraclas leu daventadas han dau perdetga da sia sontgadad, aschia ch’ella ei gia suenter quater onns vegnida canonisada da papa Gregor IX.