Sogn Damasus, papa e confessur. pdf: cheu l’entira historia / Sogn Damasus, papa e confessur Ils 11 da december: Sogn Damasus, papa e confessur Damasus ei naschius igl onn 304 en Spagna. Il bab ch’era …Daplü
Sogn Damasus, papa e confessur.
pdf: cheu l’entira historia / Sogn Damasus, papa e confessur
Ils 11 da december: Sogn Damasus, papa e confessur
Damasus ei naschius igl onn 304 en Spagna. Il bab ch’era vieus ei lu seretratgs cun ses dus affons a Ruma. Leu eis el daventaus spiritual e pli tard cardinal. Il fegl pren igl exempel da siu bab e crescha en pietat sco era els studis. Pervia da ses gronds talents vegn el fetg stimaus dil clerus. El, sco siu bab survevan alla baselgia da sogn Luregn. En quella ei Damasus vegnius nominaus cardinal da papa Liberius. Quei papa fuva igl onn 355 vegnius scatschaus da Ruma entras igl imperatur heret Constans. Lez veva sco finamira da metter in auter per papa che fussi buca schi cuntraris als arians. Cardinal Damasus ei semess encunter ed engirau ch’el vegni a prender negina nominaziun sco papa, schi ditg che papa Liberius seigi en veta. Sin siu cussegl tuorna il papa puspei a Ruma, sa denton mo per cuort temps reger la sontga Baselgia, pertgei el miera gia igl onn sisu. Ussa dat ei negin auter pli capavel e meriteivel per la dignitad papala che cardinal Damasus. Ils buns cartents selegran da haver in pastur schi excellent e sogn. Auters ein semess culs arians encunter el e tschentau cardinal Ursicin sco cunter-papa, in dils principals e loschs denter ils diacons. Tala nunvaleivla proclamaziun caschuna grond scumbegl e meina tier il schisma. 130 persunas laien la veta en quels cumbats. Sin camond digl imperatur Valentinian ha il cunter-papa Ursicin e sia partida stuiu seretrer da Ruma. La verdad ha victorisau e la pasch havess giu da turnar en la Baselgia romana. Mo per papa Damasus entscheiva ussa in burasclus temps. Dapertut scurvaneschan e derasan ils arians heresias e faulsas ductrinas. Per puder bandischar quellas e dar ruaus alla Baselgia, cloma il sogn papa ensemen ils uestgs tier sinodas a Ruma, Constantinopel, Alexandria ed Aquileia. En quels concils ein tuts herets cun lur ductrinas diabolicas vegni scommunicai. Imperatur Teodosi tarmetta sin quei ora quels decrets e declara per herets u chezers tut quels che muossan il cuntrari da quei dil concil da Nicea. Il sogn papa baghegia el marcau da Ruma ina magnifica baselgia en honur da sogn Luregn e l’autra ordeifer sper la via Ardeatina. Lura ha el era consecrau ed ornau il liug Platonia, nua ch’ils corps dils sogns apostels Pieder e Paul havevan per in temps giu ruassau. Plinavon ha papa Damasus scret biaras e bialas caussas, particularmein il cudisch en laud e defensiun dil purschaladi. Il grond doctur Hieronimus ei schizun staus siu secretari e sabi cussegliader. Sco perdert doctur ha el giu da sligiar differents dubis davart la sontga Scartira ed era sin camond da sogn Damasus giu da transmetter la sontga Scartira dil lungatg hebrer vi el latin; ina translaziun che vegn aunc oz tenida per la vera e legitima bibla. Quei sabi papa ha per exempel era cumandau ch’ils psalms da David hagien da vegnir cantai en las baselgias da dus cors, aschia ch’in rispundi a l’auter e da metter alla fin da mintga psalm „il Gloria Patri“. Papa Damasus ha contonschiu la vegliadetgna da 80 onns. Pleins da merets e vertids eis el morts ils 11 da december digl onn 384. Siu tgierp ruaussa uss ella baselgia da sogn Luregn, la quala el sez veva giu baghegiau.
pdf: cheu l’entira historia / Sogn Damasus, papa e confessur
Ils 11 da december: Sogn Damasus, papa e confessur
Damasus ei naschius igl onn 304 en Spagna. Il bab ch’era vieus ei lu seretratgs cun ses dus affons a Ruma. Leu eis el daventaus spiritual e pli tard cardinal. Il fegl pren igl exempel da siu bab e crescha en pietat sco era els studis. Pervia da ses gronds talents vegn el fetg stimaus dil clerus. El, sco siu bab survevan alla baselgia da sogn Luregn. En quella ei Damasus vegnius nominaus cardinal da papa Liberius. Quei papa fuva igl onn 355 vegnius scatschaus da Ruma entras igl imperatur heret Constans. Lez veva sco finamira da metter in auter per papa che fussi buca schi cuntraris als arians. Cardinal Damasus ei semess encunter ed engirau ch’el vegni a prender negina nominaziun sco papa, schi ditg che papa Liberius seigi en veta. Sin siu cussegl tuorna il papa puspei a Ruma, sa denton mo per cuort temps reger la sontga Baselgia, pertgei el miera gia igl onn sisu. Ussa dat ei negin auter pli capavel e meriteivel per la dignitad papala che cardinal Damasus. Ils buns cartents selegran da haver in pastur schi excellent e sogn. Auters ein semess culs arians encunter el e tschentau cardinal Ursicin sco cunter-papa, in dils principals e loschs denter ils diacons. Tala nunvaleivla proclamaziun caschuna grond scumbegl e meina tier il schisma. 130 persunas laien la veta en quels cumbats. Sin camond digl imperatur Valentinian ha il cunter-papa Ursicin e sia partida stuiu seretrer da Ruma. La verdad ha victorisau e la pasch havess giu da turnar en la Baselgia romana. Mo per papa Damasus entscheiva ussa in burasclus temps. Dapertut scurvaneschan e derasan ils arians heresias e faulsas ductrinas. Per puder bandischar quellas e dar ruaus alla Baselgia, cloma il sogn papa ensemen ils uestgs tier sinodas a Ruma, Constantinopel, Alexandria ed Aquileia. En quels concils ein tuts herets cun lur ductrinas diabolicas vegni scommunicai. Imperatur Teodosi tarmetta sin quei ora quels decrets e declara per herets u chezers tut quels che muossan il cuntrari da quei dil concil da Nicea. Il sogn papa baghegia el marcau da Ruma ina magnifica baselgia en honur da sogn Luregn e l’autra ordeifer sper la via Ardeatina. Lura ha el era consecrau ed ornau il liug Platonia, nua ch’ils corps dils sogns apostels Pieder e Paul havevan per in temps giu ruassau. Plinavon ha papa Damasus scret biaras e bialas caussas, particularmein il cudisch en laud e defensiun dil purschaladi. Il grond doctur Hieronimus ei schizun staus siu secretari e sabi cussegliader. Sco perdert doctur ha el giu da sligiar differents dubis davart la sontga Scartira ed era sin camond da sogn Damasus giu da transmetter la sontga Scartira dil lungatg hebrer vi el latin; ina translaziun che vegn aunc oz tenida per la vera e legitima bibla. Quei sabi papa ha per exempel era cumandau ch’ils psalms da David hagien da vegnir cantai en las baselgias da dus cors, aschia ch’in rispundi a l’auter e da metter alla fin da mintga psalm „il Gloria Patri“. Papa Damasus ha contonschiu la vegliadetgna da 80 onns. Pleins da merets e vertids eis el morts ils 11 da december digl onn 384. Siu tgierp ruaussa uss ella baselgia da sogn Luregn, la quala el sez veva giu baghegiau.