Novitads
2355

Dus novs consorzis da scola en la Foppa

Alla radunonza da vischnaunca dils 11 da december 2013 han ils da Lags cun lur gie dau glisch verda al niev consorzi da scola per il scalem primar denter las duas vischnauncas Falera e Lags. Quel duei ir en vigur cun igl onn da scola 2014/15. Las empremas duas classas primaras dils da Falera e dils da Lags vegnan instruidas a Falera ed ils affons dalla 3. tochen la 6. classa a Lags. Las scolettas duein restar sco tochen dacheu en mintga vischnaunca.

Plinavon han ils da Lags era dau il gie al consorzi da scola pil scalem superiur che duei cumpigliar las vischanuncas da Falera, Lags, Sagogn e Schluein (FLSS). Ei maunca mo aunc la decisiun dils da Sagogn, la quala vegn prida venderdis proxim, ils 13 da december a caschun dalla radunonza communala.
Abramo
Donn ch'ins sa buca cumprar affons cun ils daners. Lu fussan nus rehs.
Acedian
Bia daners e pauc affons.
Pli baul er'ei il cuntrari.