Plaisch
1409

Il spért e la spusa cloman: vegni Segner (seria d'explicaziuns liturgicas)

Jeu lessel entscheiver ina seria irregulara dad explicar passadis hanai els sogns Evangelis neu da lur posiziun el sistem dallas staziuns romanas. Vus anfleis quellas els cudischs da messa tradiziunals duront ils temps violets e las octavas da Pastgas e da Tschuncheismas.

Ei dat 43 altars nua che las Messas vegnevan detgas dils papas anteriurs, ed ei dat 86 liturgias que serepartevan sin quels 43 altars. Ei dat mintgamai ina relaziun denter la posiziun dil patrun-staziun e il misteri celebrau, ferton ch’ins ha ualti savens breigias dad anflar il cavazin cumin enteifer lecziun ed Evangeli. P.ex. oz ei Sontga Maria Maggiore, che vegn visitada cu Niessegner se fa veser.

Tgi che ha interess sa bugen empustar in schema dallas staziuns = 86 liturgias. Mo ton: ei dat 12 fracziuns cun mintgamai 7 dis = 84, plinavon ha il 9avel di 3 messas = 86 liturgias. Il venderdis sogn ha negina messa, denton mava il papa quel di a sontga Crusch en Jerusalem. Quei ei la suletta staziun ch’ei buca dedicada ad in Sogn.

Ei dat in svilup denter las liturgias cun distanza regulara denter il diember dallas staziuns, p. ex. staziuns 12 e 32, la distanza ei 20, e denter las staziuns 23 e 43 e 63 (oz) dat ei era in svilup. Da studegiar il sistem dallas staziuns ei fetg emperneivel e meina daveras sillas pastiras eternas.
Per far cuorturiala fetschel lu mo paucas explicaziuns e dundel buca tschien referenzas.

Bia devoziun giavischa sur Plaisch
Abramo
Engraziel per quella iniziativa. Quei ei fetg interessant!