03:27
U BATTISIMU DI GESÙ (Matteo 3, 13-17; Giovanni, 1, 29-34) - in versi SICILIANI a cura di don Pino Licciardi. U BATTISIMU DI GESÙ (Matteo 3, 13-17; Giovanni, 1, 29-34) - in versi SICILIANI a cura di …Altro
U BATTISIMU DI GESÙ (Matteo 3, 13-17; Giovanni, 1, 29-34) - in versi SICILIANI a cura di don Pino Licciardi.
U BATTISIMU DI GESÙ (Matteo 3, 13-17; Giovanni, 1, 29-34) - in versi SICILIANI a cura di don Pino Licciardi
U BATTISIMU DI GESÙ
(Matteo 3, 13-17; Giovanni, 1, 29-34)
Mentri Giuvanni nto desertu stava
e a genti a bona nova pridicava,
Gesù senti ca u tempu era arrivatu
p’essiri avanti o populu annunziatu.
Da Galilea si parti ca ncuntrari
voli a Giuvanni e farisi vattiari.
Si movi da so casa cu primura
ca d’essiri o Giordanu un vidi l’ura.
U jornu appressu arriva a lu Giordanu
e Giuvanni lu vidi di luntanu
e già lu ricanusci, ca na vuci
dintra o cori ci parra duci duci:
“U vidi? È propriu chiddu chi aspittavi
e p’annunziallu a tutti ti mannavi!”.
Giuvanni allura, cu vuci putenti,
isannu i manu dici a tutta a genti:
“Eccu c’arriva Chiddu c’aspittati:
è l’Agneddu di Diu ca li piccati
di tuttu u munnu leva. Doppu i mia
-vi ricurdati nzoccu vi dicia?-
Unu veni ch’è assai cchiù granni i mia,
picch’iddu c’era già prima di mia!
Pi chistu fui mannatu a battiari,
picchì a genti iu l’avia a manifestari”.
Nta stu mentri Gesù ddà mmenzu arriva,
si mettti a turnu du Giordanu a riva
aspittannu pi farisi vattiari
ca davanti a Giuvanni sta a ‘rrivari.
Giuvanni lu talia: “Chi veni a fari?
Tu m’addumanni ch’iu t’ê vattiari?
-ci dici- Chistu mancu l’hai a pinsari.
Sugnu iu semmai c’ a tia l’ê dumannari”.
Cu vuci ferma e calma, Gesù allura
ci arrispunni: ”Giuvanni nun è l’ura
di discurriri ancora, picchì ê fari
tuttu chiddu ch’è giustu pi mia i fari”
A sti paroli u lassa avvicinari
e nsemmula cu l’autri u sta a battiari.
Appena nesci i l’acqua u fa acchianari
all’asciuttu e Gesù sta ddà a priari.
Nta ddu mumentu u celu si rapiu,
e Gesù vitti u Spiritu di Diu
ca nforma di palumma ci calau
e supra la so testa si pusau.
Nto stessu tempu ‘i ncelu si sintiu
na vuci diri: “Chistu è u Figghiu miu,
l’amatu e lu me cori si cumpiaci,
picchì fa sempre chiddu c’a mia piaci!”.
Puru Giuvanni ncelu sta taliannu
e u Spiritu di Diu chi sta vulannu
vidi comu palunna iri a pusari
supra a Gesù, e u sta ddà a cuntimplari.
Poi chinu d’emozioni e gioia granni,
chi ci nesci di fora i tutti i banni,
grida: “Vogghiu testimoniari quantu viu:
“Chistu è pi veru lu Figghiu di Diu!”.
Giuseppe Licciardi (Padre Pino)
U BATTISIMU DI GESÙ (Matteo 3, 13-17; Giovanni, 1, 29-34) - in versi SICILIANI a cura di don Pino Licciardi
U BATTISIMU DI GESÙ
(Matteo 3, 13-17; Giovanni, 1, 29-34)
Mentri Giuvanni nto desertu stava
e a genti a bona nova pridicava,
Gesù senti ca u tempu era arrivatu
p’essiri avanti o populu annunziatu.
Da Galilea si parti ca ncuntrari
voli a Giuvanni e farisi vattiari.
Si movi da so casa cu primura
ca d’essiri o Giordanu un vidi l’ura.
U jornu appressu arriva a lu Giordanu
e Giuvanni lu vidi di luntanu
e già lu ricanusci, ca na vuci
dintra o cori ci parra duci duci:
“U vidi? È propriu chiddu chi aspittavi
e p’annunziallu a tutti ti mannavi!”.
Giuvanni allura, cu vuci putenti,
isannu i manu dici a tutta a genti:
“Eccu c’arriva Chiddu c’aspittati:
è l’Agneddu di Diu ca li piccati
di tuttu u munnu leva. Doppu i mia
-vi ricurdati nzoccu vi dicia?-
Unu veni ch’è assai cchiù granni i mia,
picch’iddu c’era già prima di mia!
Pi chistu fui mannatu a battiari,
picchì a genti iu l’avia a manifestari”.
Nta stu mentri Gesù ddà mmenzu arriva,
si mettti a turnu du Giordanu a riva
aspittannu pi farisi vattiari
ca davanti a Giuvanni sta a ‘rrivari.
Giuvanni lu talia: “Chi veni a fari?
Tu m’addumanni ch’iu t’ê vattiari?
-ci dici- Chistu mancu l’hai a pinsari.
Sugnu iu semmai c’ a tia l’ê dumannari”.
Cu vuci ferma e calma, Gesù allura
ci arrispunni: ”Giuvanni nun è l’ura
di discurriri ancora, picchì ê fari
tuttu chiddu ch’è giustu pi mia i fari”
A sti paroli u lassa avvicinari
e nsemmula cu l’autri u sta a battiari.
Appena nesci i l’acqua u fa acchianari
all’asciuttu e Gesù sta ddà a priari.
Nta ddu mumentu u celu si rapiu,
e Gesù vitti u Spiritu di Diu
ca nforma di palumma ci calau
e supra la so testa si pusau.
Nto stessu tempu ‘i ncelu si sintiu
na vuci diri: “Chistu è u Figghiu miu,
l’amatu e lu me cori si cumpiaci,
picchì fa sempre chiddu c’a mia piaci!”.
Puru Giuvanni ncelu sta taliannu
e u Spiritu di Diu chi sta vulannu
vidi comu palunna iri a pusari
supra a Gesù, e u sta ddà a cuntimplari.
Poi chinu d’emozioni e gioia granni,
chi ci nesci di fora i tutti i banni,
grida: “Vogghiu testimoniari quantu viu:
“Chistu è pi veru lu Figghiu di Diu!”.
Giuseppe Licciardi (Padre Pino)