Has ti bugen mei pli ch’ils auters? damonda Niessegner a sogn Pieder. Daveras ina damonda che fa perplex: tgei rispunder? giebein, e veser ô sco megliers? Sogn Pieder ha semplamein rispundiu cun gie. Quei dialog stat el davos capetel dils evangelis, en sogn Gion 21.
Tgei vul Niessegner cun quella damonda: amar pli fetg che ils auters, ni haver pli bugen ch’ils auters ? Tenor il text grec ei da capir: amar pli fetg Niessegner ch’ils auters apostels.
Suonda ina damonda pli dificila: Daco cammonda Niessegner duas ga da pascolar ils tschuts e mo ina ga da pascolar las nuorsas? Tgei muntan ils tschuts, e tgei las nuorsas?
La risposta stat egl evangeli dalla Transfiguraziun nua che sogn Pieder propona da baghegiar camonas per Niessegner, Elias e Moses. In evangelist fa la remarca che sogn Pieder saveva buca tgei ch’el raschunava.
En quella constataziun entscheiva l’explicaziun.
Duront la sontga tscheina, cura che Niessegner lavava ils peis dils apostels, schev’El siper sogn Pieder che el …More