Igl ei bi ch'ins ha adina puspei la caschun da mirar quella bellezia presentaziun (engraziament alla redacziun !).
Dall'entschatta tochen alla fin sent'ins ina misteriusa letezia sco sch'igl affon Jesus fagess sguezia buca mo a Sia mumma, mobein era al predicatur ed a tuts involvei en quei survetsch divin festiv e lu en consequenza schizun als auditurs a casa.

Quels plaids ein era buca lungurus, ins sto mo bein tedlar, lu aud'ins ils daguots d'aua che bugnan e fan crescher mellis flurs.