JESU DULCIS, Inno, Schola Gregoriana Mediolanensis, Giovanni Vianini, Milano, Italia.
IESU DULCIS MEMORIAE
Jesu, dulcis memoria, dans vera cordis gaudia: sed super mel et omnia ejus dulcis praesentia. Nil canitur suavius, nil auditur jucundius, nil cogitatur dulcius, quam Jesus Dei Filius. Jesu, spes paenitentibus, quam pius es petentibus! quam bonus te quaerentibus! sed quid invenientibus? Nec lingua valet dicere, nec littera exprimere: expertus potest credere, quid sit Jesum diligere. Sis, Jesu, nostrum gaudium, qui es futurus praemium: sit nostra in te gloria, per cuncta semper saecula. Amen