Dating Nunsyo sa US: Pinagtakpan ni Francis ang mga Homoseksuwal na Pang-aabuso
Si Viganò ay kilala na sa kasong ito simula noong [nasa] 1998. Mula 2011 hanggang 2016 siya ang Apostolic Nuncio ng USA. Siya at ang kanyang dalawang hinalinhan sa Washington ay nagbabala sa Holy See tungkol kay McCarrick, ngunit walang napala.
Ayon kay Viganò [palihim na] pinagbawalan ni Benedict XVI si McCarrick sa anumang pampublikong ministro noong 2009 o 2010.
Francis Binaliktad ang Parusa
Matapos ang pagkakahalal kay Pope Francis, si McCarrick ay agad na bumalik. Hindi lamang siya nagsimula muling maglakbay at magbigay ng mga pangaral at panayam, naging isa din siyang mahalagang tagapayo ni Francis.
Noong 2014, nagtanong si Viganò sa nakatataas sa kanya na si Kardinal Pietro Parolin, kung naroon pa rin ang parusa laban kay McCarrick ngunit pinili ni Parolin na hindi sumagot.
Binanggit ni Viganò ang maraming prelado sa Vatican na "alam ang bawat detalye ng sitwasyon tungkol kay Kardinal McCarrick": Ouellet, Baldisseri, Coccopalermio, Paglia, Becciu, Mamberti.
Sinabi din ni Viganò na si Kardinal Wuerl na humalinhin kay McCarrick sa Washington, "ay alam ang lahat" ng tungkol sa kaso. Tinawag niyang "lubos na nakatatawa" at "malaking kasinungalinan" ang kamakailan lamang na sinabi ni Wuerl na wala siyang alam.
Binatikos din ni Viganó ang mga pagtanggi nina Kardinals Farrell at O’Malley.
Patibong ni Francis: “Ano ang Masasabi Mo Kay McCarrick?”
Ibinunyag ni Viganò ang ilang nakababahalang katotohanan tungkol kay Francis na kanyang nakasalamuha sa unang pagkakaton sa panahon ng pakikinig para sa mga nunsyo noong Hunyo 21, 2013. Isang araw bago iyon, nakita niya si McCarrick sa Roma na kinausap ni Francis noong Hunyo 19 at maglalakbay patungong Tsina. Pagkatapos nito, nalaman ni Viganò ang tungkol sa "matagal ng pagkakaibigan" sa pagitan nina McCarrick at Bergoglio.
Nakipag-usap si Francis sa mga nunsyo sa isang pila, ng paisa-isa. Noong pagkakataon na ni Viganò, umangil siya dito, "Ang mga obispo sa Estados Unidos ay hindi dapat maging ideolohiya! Dapat sila ay maging mga pastol!"
Dahil nasorpresa sa silakbo, humiling si Viganò ng pakikinig na natanggap niya noong Hunyo 23. Sa panahon ng pakikinig, si Francis ay tila ang kabaligtaran, halos malambing, "Oo, ang mga obispo sa Estados Unidos ay hindi dapat gawing ideolohiya", sinabi niya kay Viganò, "Hindi sila dapat maging right-wing tulad ng Arsobispo ng Philadelphia, dapat sila ay maging mga pastol, at hindi dapat sila mga left-wing — at idinagdag niya, habang itinataas ang dalawang braso — at kapag sinabi kong left-wing ang ibig kong sabihin ay homoseksuwal".
Tinanong ni Francis si Viganò, "Ano ang masasabi mo kay Kardinal McCarrick?". Ibinunyag ni Viganò ang katotohanan ngunit dahil walang reaksyon si Francis ay binago niya ang paksa.
Naniniwala si Viganò na isa itong "patibong". Nais malaman ni Francis kung ano ang katayuan ng mga nunsyo.
Si McCarrick ay ang Tagapagluklok ni Francis
Nakasalumha muli ni Viganò si Francis noong Oktubre 10, 2013. Sa pagkakataong ito, tinanong ni Francis si Viganò: “Ano ang masasabi mo kay Kardinal Wuerl, mabuti ba siya o masama?”
Sinabi ni Viganò kay Francis ang tungkol sa pastoral na kapabayaan ni Wuerl tungkol sa mga paglilihis sa Georgetown University at tungkol sa isang imbitasyon sa mga batang nagnanais pumasok sa pagpapari upang makipagkita kay McCarrick. Muli, hindi nagpakita si Francis ng anumang reaksyon.
Ipinaliwanag ni Viganò na si McCarrick at ang nakompromisong si Kardinal Maradiaga ay “ang mga tagapagluklok para sa mga pagtatalaga sa Curia at sa Estados Unidos”. Kasama si Wuerl, sila ang nag-ayos ng pagtatalaga ni Cupich sa Chicago at ni Tobin sa Newark.
Dapat Magbitiw si Francis Dahil sa Pagtatakip sa mga Pang-aabuso
Sa tingin ni Viganò, alam ni Francis ang tungkol sa mga pang-aabuso ni McCarrick ngunit piniling pagtakpan siya,
“Hindi niya itinuloy ang parusang iniatang ni Pope Benedict sa kanya at ginawa siyang mapagkakatiwalaang tagapayo kasama si Maradiaga.”
picture: Carlo Maria Viganò, © lifesitenews.com, #newsGcravpggjz