L'enzenna dil Retg glorius,S'avonza tras il mund splendus:
La crusch, bandiera dil salit,
Ha veta dau e ferm agid.

Sil cuolm la lontscha dil schuldau
Il cor dil Segner ha plagau,
Che saung ed aua ein curdai,
Purificond nus maculai.

Beada plonta,cun tes bratschs
L'unfrenda tegnas pils pupratschs,
Il tgierp de quel che spendra nus
Sil lenn alzau schi dolorus.

O crusch,da cor tei venerein,
Sin tei sperond nos ègls alzein,
El temps ch'il Segner ha pitiu,
La grazia dai al mund perdiu.

Fontauna de tut bien,o Diu,
Ei seigi laud a Ti unfriu,
Al Bab,al Fegl,al Spért divin,
O Trinitad , ch'eis senza fin. Amen.