De humilitate.

Et venerunt Capharnaum. Qui, cum domi essent, interrogabat eos: Quid in via tractabatis? At illi tacebant; siquidem in via inter se disputaverant quis eorum maior esset. Et residens vocavit duodecim et ait illis: Si quis vult primus esse, erit omnium novissimus et omnium minister. Et accipiens PUERUM, statuit eum in medio eorum; quem cum complexus esset, ait illis:
Quisquis unum ex huiusmodi PUERIS receperit in momine meo ME RECIPIT, et quicumque me susceperit non me suscipit, sed eum qui misit me.