10:33
Gloria.tv
15.1K
Tgei direcziun pren la mia veta. Sur Reto Nay Sedrun, ils 2 da november 2010Daplü
Tgei direcziun pren la mia veta.

Sur Reto Nay
Sedrun, ils 2 da november 2010
Virgina
Miu siemi
Jeu sun sin la collina sisur miu vitg patern,
l'egliada en furtina contempla siu intern.
Leu enamiez sesaulzan baselgia e clutger,
e tut quiet ruaussan ils morts sper il carner.
En siemi jeu uss audel ils zenns schi clar tunar,
quei bi concert jeu gaudel en silenzius urar.
Denton ei en santeri bia pievel radunau,
ei para ch'el enqueri zatgei zun carezau.
Vonzei ei lu seslargia,ei van dals …Daplü
Miu siemi

Jeu sun sin la collina sisur miu vitg patern,
l'egliada en furtina contempla siu intern.

Leu enamiez sesaulzan baselgia e clutger,
e tut quiet ruaussan ils morts sper il carner.

En siemi jeu uss audel ils zenns schi clar tunar,
quei bi concert jeu gaudel en silenzius urar.

Denton ei en santeri bia pievel radunau,
ei para ch'el enqueri zatgei zun carezau.

Vonzei ei lu seslargia,ei van dals morts naven,
mo tscheu e leu in bragia sper ina crusch da lenn.

En quest mument jeu vesel parents,enconuschents,
mes geniturs plidentel sco'i fussen aunc vivents.

E mia mumma tonscha riend a mi siu maun,
schend:affon,mo buca plonscha,ti sas vegnir damaun.