Sogn Giusep da Copertino, confessur. pdf: cheu l'entira historia / Sogn Giusep da Copertino, confessur Ils 18 da settember: Sogn Giusep da Copertino, confessur Giusep ei naschius igl onn 1603 a …Daplü
Sogn Giusep da Copertino, confessur.
pdf: cheu l'entira historia / Sogn Giusep da Copertino, confessur
Ils 18 da settember: Sogn Giusep da Copertino, confessur
Giusep ei naschius igl onn 1603 a Copertino egl uestgiu da Neapel. Siu bab veva tons deivets ch’ils ministers dalla giustia ein vegni per stumar ora la casa. Per buca stuer mirar tier quei, ei la mumma che fuva purtonta fugida en in nuegl e gest leu parturiu il pauper Giusep. Ses giuvens onns ha el varghentau innocentamein cun star en baselgia, urar il sogn Rusari, cantar litanias ed embellir ils altars. Gia cun 8 onns vegneva el tschaffaus da caussas celestiaslas ch’el steva tut retratgs cun bucca aviarta ed egls fixai encunter tschiel. Cun 17 onns ha il sogn giuven retschiert il habit dils caputschins. Suenter ils 9 meins da noviziat eis el vegnius relaschaus ord claustra, pertgei el fuva semper culs patratgs naven dallas caussas. Giusep ha adina sperau ed el anfla suenter ditg spluntar ureglia tiels paders dalla Grotella. Quei denton mo sch’el fetschi il fumegl en stalla. Quei bas stan ha el adempliu schi bein ch’il convent ha retschiert el denter ils clericals igl onn 1625. Era sch’el saveva strusch leger e scriver, eis el suenter treis onns vegnius ordinaus spiritual. Ussa vul Giusep en tuts graus suandar la veta da sogn Francestg cun tener en las grevas giginas e mortificaziuns. Siu cor arda taluisa per Diu ch’el scheva: Aunc lu sche Diu havess scaffiu mei per metter egl uffiern, sche lessel jeu survir ad El, sco ils pli gronds sogns dil parvis han surviu. Sche enzatgi rugava el per agid ni per ina miracla, recureva el adina tier Nossadunna. In survient schi fideivel e virtuus ha Diu honorau cun biars e buns duns. Cura che Giusep Copertino celebrava la sontga messa, udeva el ils aunghels cantond laud a Diu e enqual maletg da Niessegner, da Nossadunna e da sogn Francestg. Buca mo il spért, mobein era il tgierp sesalzava savens ord tiara sco sch’el vess alas. El restava entiras urialas ell’aria sur ils tgaus dil cartents che fuvan en baselgia entochen che Diu veva dau ad el misteris zuppai. A Copertino en la baselgia dallas muniessas da sontga Clara ha el pigliau pil maun ad in pader da sogn Francestg e purtau quel tras l’aria. Ad Assisi ha el embratschau il pader Rafael Palma ed ius cun el ault sur la tiara tier la statua da Nossadunna immaculata. Quellas caussas nuncapeivlas, denton verdeivlas, ein vegnidas examinadas cun fermas perdetgas e tenidas a ferm tiel process da canonisaziun avon il papa Urban VIII. Tontas miraclas surpridas e visiuns han era scaffiu inimitgs.
Buca mo il demuni ha empruau da metter il sogn per tiara, mobein era in cert spiritual ha tgisau il sogn avon in uffeci ecclesiastic per fauls Messias che surmeini il pievel. La sontga inquisaziun ha sin quei examinau el rigurusamein e relaschau il sogn pader innocentamein. Senza paus e ruaus ei sogn Giusep da Copertino vegnius sfurzaus da viandar sco bandischau a Ruma, ad Assisi, e lu vinavon tochen alla fin
ad Osimo. Sin quels viadis vegneva el mintgamai tenius sc’in perschunier en ina combra stgira cul scamond da ver contact cun autras persunas. Tut quei ha il sogn suffriu cun fatscha legreivla, pertgei Diu consolava e confortava siu survient cun visiuns, revelaziuns e specialas favurs. En la vegliadetgna da biabein 60 onns ha el revelau siu di da mort. Ils 18 da settember digl onn 1663 giavischa il sogn da retscheiver ils sogns Sacraments dils moribunds e miera lu beadamein ad Osimo. Quater onns pli tard ha papa Clemens XIII tschentau quei grond survient da Diu en las retschas dils sogns dil parvis.
pdf: cheu l'entira historia / Sogn Giusep da Copertino, confessur
Ils 18 da settember: Sogn Giusep da Copertino, confessur
Giusep ei naschius igl onn 1603 a Copertino egl uestgiu da Neapel. Siu bab veva tons deivets ch’ils ministers dalla giustia ein vegni per stumar ora la casa. Per buca stuer mirar tier quei, ei la mumma che fuva purtonta fugida en in nuegl e gest leu parturiu il pauper Giusep. Ses giuvens onns ha el varghentau innocentamein cun star en baselgia, urar il sogn Rusari, cantar litanias ed embellir ils altars. Gia cun 8 onns vegneva el tschaffaus da caussas celestiaslas ch’el steva tut retratgs cun bucca aviarta ed egls fixai encunter tschiel. Cun 17 onns ha il sogn giuven retschiert il habit dils caputschins. Suenter ils 9 meins da noviziat eis el vegnius relaschaus ord claustra, pertgei el fuva semper culs patratgs naven dallas caussas. Giusep ha adina sperau ed el anfla suenter ditg spluntar ureglia tiels paders dalla Grotella. Quei denton mo sch’el fetschi il fumegl en stalla. Quei bas stan ha el adempliu schi bein ch’il convent ha retschiert el denter ils clericals igl onn 1625. Era sch’el saveva strusch leger e scriver, eis el suenter treis onns vegnius ordinaus spiritual. Ussa vul Giusep en tuts graus suandar la veta da sogn Francestg cun tener en las grevas giginas e mortificaziuns. Siu cor arda taluisa per Diu ch’el scheva: Aunc lu sche Diu havess scaffiu mei per metter egl uffiern, sche lessel jeu survir ad El, sco ils pli gronds sogns dil parvis han surviu. Sche enzatgi rugava el per agid ni per ina miracla, recureva el adina tier Nossadunna. In survient schi fideivel e virtuus ha Diu honorau cun biars e buns duns. Cura che Giusep Copertino celebrava la sontga messa, udeva el ils aunghels cantond laud a Diu e enqual maletg da Niessegner, da Nossadunna e da sogn Francestg. Buca mo il spért, mobein era il tgierp sesalzava savens ord tiara sco sch’el vess alas. El restava entiras urialas ell’aria sur ils tgaus dil cartents che fuvan en baselgia entochen che Diu veva dau ad el misteris zuppai. A Copertino en la baselgia dallas muniessas da sontga Clara ha el pigliau pil maun ad in pader da sogn Francestg e purtau quel tras l’aria. Ad Assisi ha el embratschau il pader Rafael Palma ed ius cun el ault sur la tiara tier la statua da Nossadunna immaculata. Quellas caussas nuncapeivlas, denton verdeivlas, ein vegnidas examinadas cun fermas perdetgas e tenidas a ferm tiel process da canonisaziun avon il papa Urban VIII. Tontas miraclas surpridas e visiuns han era scaffiu inimitgs.
Buca mo il demuni ha empruau da metter il sogn per tiara, mobein era in cert spiritual ha tgisau il sogn avon in uffeci ecclesiastic per fauls Messias che surmeini il pievel. La sontga inquisaziun ha sin quei examinau el rigurusamein e relaschau il sogn pader innocentamein. Senza paus e ruaus ei sogn Giusep da Copertino vegnius sfurzaus da viandar sco bandischau a Ruma, ad Assisi, e lu vinavon tochen alla fin
ad Osimo. Sin quels viadis vegneva el mintgamai tenius sc’in perschunier en ina combra stgira cul scamond da ver contact cun autras persunas. Tut quei ha il sogn suffriu cun fatscha legreivla, pertgei Diu consolava e confortava siu survient cun visiuns, revelaziuns e specialas favurs. En la vegliadetgna da biabein 60 onns ha el revelau siu di da mort. Ils 18 da settember digl onn 1663 giavischa il sogn da retscheiver ils sogns Sacraments dils moribunds e miera lu beadamein ad Osimo. Quater onns pli tard ha papa Clemens XIII tschentau quei grond survient da Diu en las retschas dils sogns dil parvis.