Canzun d'Advent

Salvader empermess a nus,neu giu sil mund schi dolorus.
Tiu Israel ei en puccaus e sto schemer encadenaus:
Stenda or,o bien Diu,Tiu bratsch pussent,e dai al mund il spindrament!

O neu Ti car divin Pastur,las nuorsas cloman en dolur,
fai liber ellas ord il latsch,pren ord las spinas nus sin bratsch:
steda or,o bien Diu Tiu bratsch pussent,e dai al mund il spindrament!

La muntanera spetga Tei,o neu e meina pei a pei
Tiu pievel en in liug segir,ch'il luv leu possi buc vegnir:
Stenda or,o bien Diu,Tiu bratsch pussent,e dai al mund il spindrament!

O stai cun nus Emanuel,defenda Tiu car Israel,
va ordavon e dai avis,e fai nus salvs en Tiu parvis:
Stenda or,o bien Diu Tiu bratsch pussent,e dai a nus il spindrament!