Notg misteriusa

Unviern s'ei sur la tiara,ils suffels fan barlot,
schurmetg uss tut empiara ,enquera cauld dabot.

Mo ussa tuttenina ei tut sco semidau,
in vent bufatg carsina la tiara giud tschiel blau.

Ei para che las steilas s'enclinien incontin,
e segien zun migeivlas,sclareschien schi carin.

Pertut sur la surfatscha dil mund s'ei misterius,
il tschiel la tiar'embratscha,vul far schenghetg grazius.

A Betlehem uss nescha nies Diu,gl'affon divin,
la steila annunziescha il liug dil grond destin.

E sontga ei la mumma ch'El ha gest parturiu,
IL bab Giusep senumna,nutrider preferiu.

Sogns umens aunc arriven,perfin er animals
che vegnan spert e miran,gl'affon che pren tuts mals.

Ils aunghels ussa contan;o audas con sonor?
Els tuts schi bein s'accordan sco mo dil tschiel in chor.

Nadal ei uss resuna pertut cun legherment,
la mumma porta cruna,glisch dil Tutpussent.

Quei ei notg misteriusa,ni vul ti quei snegar,
tras Diu la ei graziusa,Dieus vegn per nus spindrar.