Sogn Eustachi, sia dunna Teopista e dus fegls, marters. pdf: cheu l'entira historia / Sogn Eustachi, sia dunna Teopista e dus fegls, marters Ils 20 da settember: Sogn Eustachi, sia dunna Teopista e …Daplü
Sogn Eustachi, sia dunna Teopista e dus fegls, marters.
pdf: cheu l'entira historia / Sogn Eustachi, sia dunna Teopista e dus fegls, marters
Ils 20 da settember: Sogn Eustachi, sia dunna Teopista e dus fegls, marters
Sogn Eustachi ei staus in dils emprems capitanis dall’armada imperiala. Sia pli gronda pissiun era la catscha. In di seferma tut anetg in tschierv avon el cun in cruzifix denter la corna che plaida: Pertgei persequiteschas ti mei? Eustachi semetta en schanuglias e damonda: Tgi eis ti che plaidas tier mei? Il cruzifix rispunda: Jeu sun Cristus, il fegl da Diu, morts per tei vid questa crusch e che garegia da salvar tei. Retscheiva il sogn Batten cun tut tia famiglia e suonda mei cun purtar cun pazienzia las travaglias che vegnan sur da tei tut il temps da tia veta. Eustachi tuorna el marcau tier sia dunna e raquenta il fatg passau. Ella enconuscha la veglia da Diu ed omisdus sevolvan cun lur fegls tier in augsegner per retscheiver il sogn Batten. Cristus tuorna puspei tier el, lauda sia obedientscha ed animescha da cunterstar allas tentaziuns dil demuni e suffierer las sventiras temporalas. Suenter cuort temps emprova Diu siu niev survient cun tarmetter sur dad el in quitau suenter l’auter. Eustachi croda en gronda paupradad e piarda ses amitgs. Cheu seconsolescha el sulettamein cun Diu e sefida dalla divina providientscha. Ensemen cun sia famiglia semettan els viers l’Egipta per gudignar leu il da viver. Mo aunc pli grondas ein las travaglias vegnidas sur dalla famiglia sin quei viadi sur mar. Eustachi vegn a moda fetg tresta separaus da sia dunna e da ses dus fegls. Fetgas e dolurs han perfurau il cor da Eustachi che resta ussa cun larmas bandunaus da tuts! Tuccaus el profund mira el encunter tschiel ed excloma: O Segner, Ti has dau a mi e Ti has uss priu a mi; Tia veglia daventi! Vesend ch’el veva piars tut bien e confiert dil mund, passa il sogn vinavon e contonscha il vitg da Badisa. Leu selai el pladir sco fumegl. Mo miracla! Diu ha durtont tuts 15 onns che Eustachi steva cheu en survetsch, vegliau sur da sia dunna e ses affons. Quei ei stau la veglia da Diu che tuts vegnien tratgs si da purs, senza saver zatgei in da l’auter. La divina providientscha restituescha ussa sin miraculusa moda tut quei che Eustachi veva piars. Imperatur Traianus anfla il versau capitani Eustachi piars e tschenta el per general da sia armada. A caschun d’in cumbat egl Orient s’entaupa il bab ussa cun ses dus fegls schuldai. Els aduran la divina providientscha e speran aunc d’anflar la mumma. Per veglia da Diu fa l’armada in paus gest el vischinadi nua che la dunna Teopista fuva fumitgasa. Ella auda il raschieni dil general sur dalla sentupada dils fegls cun Eustachi. Bargend sefiera ella avon ses peis e relatta da sia tresta sort davon 16 onns. Cun agid da quei general sentaupen ussa tuts puspei en la tenda da Eustachi. Cheu engrazian tuts al car bien Diu e semettan viers Ruma. Leu retscheiva il niev imperatur Adrianus cun tutta pumpa il taffer officier ed ordeina per engraziament in solemn sacrifeci a lur dieus. Eustachi renviescha tut quei e vegn gest leu privaus da tuttas honurs. La finala lai il tiran serrar l’entira famiglia en in bov d’irom e barsar els vivs lien. En quei horribel turment infernal han ils sogns terminau lur veta gloriusamein ils 20 da settember entuorn igl onn 120. Suenter treis dis ein ils corps dils sogns marters vegni allontanai tut bials ed entirs. Da quella miracla ein danovamein biars seconverti tier la vera cardientscha da Cristus.
pdf: cheu l'entira historia / Sogn Eustachi, sia dunna Teopista e dus fegls, marters
Ils 20 da settember: Sogn Eustachi, sia dunna Teopista e dus fegls, marters
Sogn Eustachi ei staus in dils emprems capitanis dall’armada imperiala. Sia pli gronda pissiun era la catscha. In di seferma tut anetg in tschierv avon el cun in cruzifix denter la corna che plaida: Pertgei persequiteschas ti mei? Eustachi semetta en schanuglias e damonda: Tgi eis ti che plaidas tier mei? Il cruzifix rispunda: Jeu sun Cristus, il fegl da Diu, morts per tei vid questa crusch e che garegia da salvar tei. Retscheiva il sogn Batten cun tut tia famiglia e suonda mei cun purtar cun pazienzia las travaglias che vegnan sur da tei tut il temps da tia veta. Eustachi tuorna el marcau tier sia dunna e raquenta il fatg passau. Ella enconuscha la veglia da Diu ed omisdus sevolvan cun lur fegls tier in augsegner per retscheiver il sogn Batten. Cristus tuorna puspei tier el, lauda sia obedientscha ed animescha da cunterstar allas tentaziuns dil demuni e suffierer las sventiras temporalas. Suenter cuort temps emprova Diu siu niev survient cun tarmetter sur dad el in quitau suenter l’auter. Eustachi croda en gronda paupradad e piarda ses amitgs. Cheu seconsolescha el sulettamein cun Diu e sefida dalla divina providientscha. Ensemen cun sia famiglia semettan els viers l’Egipta per gudignar leu il da viver. Mo aunc pli grondas ein las travaglias vegnidas sur dalla famiglia sin quei viadi sur mar. Eustachi vegn a moda fetg tresta separaus da sia dunna e da ses dus fegls. Fetgas e dolurs han perfurau il cor da Eustachi che resta ussa cun larmas bandunaus da tuts! Tuccaus el profund mira el encunter tschiel ed excloma: O Segner, Ti has dau a mi e Ti has uss priu a mi; Tia veglia daventi! Vesend ch’el veva piars tut bien e confiert dil mund, passa il sogn vinavon e contonscha il vitg da Badisa. Leu selai el pladir sco fumegl. Mo miracla! Diu ha durtont tuts 15 onns che Eustachi steva cheu en survetsch, vegliau sur da sia dunna e ses affons. Quei ei stau la veglia da Diu che tuts vegnien tratgs si da purs, senza saver zatgei in da l’auter. La divina providientscha restituescha ussa sin miraculusa moda tut quei che Eustachi veva piars. Imperatur Traianus anfla il versau capitani Eustachi piars e tschenta el per general da sia armada. A caschun d’in cumbat egl Orient s’entaupa il bab ussa cun ses dus fegls schuldai. Els aduran la divina providientscha e speran aunc d’anflar la mumma. Per veglia da Diu fa l’armada in paus gest el vischinadi nua che la dunna Teopista fuva fumitgasa. Ella auda il raschieni dil general sur dalla sentupada dils fegls cun Eustachi. Bargend sefiera ella avon ses peis e relatta da sia tresta sort davon 16 onns. Cun agid da quei general sentaupen ussa tuts puspei en la tenda da Eustachi. Cheu engrazian tuts al car bien Diu e semettan viers Ruma. Leu retscheiva il niev imperatur Adrianus cun tutta pumpa il taffer officier ed ordeina per engraziament in solemn sacrifeci a lur dieus. Eustachi renviescha tut quei e vegn gest leu privaus da tuttas honurs. La finala lai il tiran serrar l’entira famiglia en in bov d’irom e barsar els vivs lien. En quei horribel turment infernal han ils sogns terminau lur veta gloriusamein ils 20 da settember entuorn igl onn 120. Suenter treis dis ein ils corps dils sogns marters vegni allontanai tut bials ed entirs. Da quella miracla ein danovamein biars seconverti tier la vera cardientscha da Cristus.