Sontga Rosalia, purschala e las sontgas Eufemia, Dorothea, Tecla ed Erasma, martras e purschalas. pdf: cheu l'entira historia / Sontga Rosalia, purschala, sontga Eufemia, sontga Dorothea, sontga Tecla …Daplü
Sontga Rosalia, purschala e las sontgas Eufemia, Dorothea, Tecla ed Erasma, martras e purschalas.
pdf: cheu l'entira historia / Sontga Rosalia, purschala, sontga Eufemia, sontga Dorothea, sontga Tecla e sontga Erasma, martras e
Ils 4 da settember: Sontga Rosalia, purschala e las sontgas Eufemia, Dorothea, Tecla ed Erasma, martras e purschalas
Sontga Rosalia ei naschida entuorn igl onn 1100 a Palermo. Gia fetg giuvna banduna ella il mund e serenda sco eremita en ina tauna damaneivel da Palermo. Ils bustabs screts el grep dattan aunc oz perdetga da quei. En quella tauna steva Rosalia di e notg zuppada per viver sulettamein cun Diu. Ina veta schi retratga, sontga e marvigliusa displascheva al demuni. Pliras ga ha quel empruau da tementar ed unfisar giu la sontga. Mo Rosalia enconuscha spert quels rampins diabolics. Suenter liung temps eis ella vegnida inspida da bandunar quella tauna ed ir en in’autra sil cuolm Monte Pelegrino, damaneivel da Palermo. Diu ha vuliu che Rosalia vegni tier quella grotta, per ch’ella vesi da leu anora sia casa paterna ed hagi aschia aunc pli fetg da batter cun sesezza per per far penetienzia. La sontga eremita meditescha cheu il marteri e las plagas da Jesus. Ils 4 da settember digl onn 1160 ha siu divin spus clamau ella en la gloria dil parvis. 500 onns pli tard ha Papa Urban VIII anflau las reliquias sil Monte Pelegrino. Muort urbida e merets da sontga Rosalia ei l’entira Sicilia stada liberada dalla greva muria che regeva da gliez temps. Cheu aunc la veta ed il marteri dallas 4 sontgas purschalas Eufemia, Dorothea, Tecla ed Erasma. Quellas fuvan naschidas ad Aquilea. Eufemia e Dorothea fuvan feglias da Valenzius, in bab pagaun. Tecla ed Erasma feglias da Valentinian, siu frar ch‘era in cristian. El mussava era la ductina catolica a sias duas niazas ed ellas han desiderau da vegnir battegiadas digl uestg sogn Hermagoras. Quei sogn steva dad in vart dad in flum e las purschalas da l’autra vart da quei dil flum. Senza barca fuv‘ei buca pusseivel da traversar quel. Las feglias fan oraziun e l’aua ei sespartgida, aschia ch’il sogn uestg ha saviu arrivar cun peis schetgs da l’autra vart e battegiar las duas dunschalas. Denton vuleva Valenzius che sias feglias maridien. Mo ellas ein fugidas tier lur aug e leu ein tuttas 4 dunschalas vegnidas pigliadas e surdadas al tiran president d’Aquilea. Perquei ch’ellas ein stdas fideivlas en la cardientscha ha quei grobian torturau ellas vid il tgierl a moda crudeivla e turpegiusa. L’auter di ha Valenzius sez priu la spada e tagliau giu il tgau allas sontgas purschalas e schau fierer ellas el flum. La notg sisu han dus bials giuvens menau ils corps ed ils tgaus dallas quater sontgas en ina barca tier Valentinian ed igl uestg. Valentinian ha satrau quels en sia casa e baghegiau quella entuorn en ina baselgia.
pdf: cheu l'entira historia / Sontga Rosalia, purschala, sontga Eufemia, sontga Dorothea, sontga Tecla e sontga Erasma, martras e
Ils 4 da settember: Sontga Rosalia, purschala e las sontgas Eufemia, Dorothea, Tecla ed Erasma, martras e purschalas
Sontga Rosalia ei naschida entuorn igl onn 1100 a Palermo. Gia fetg giuvna banduna ella il mund e serenda sco eremita en ina tauna damaneivel da Palermo. Ils bustabs screts el grep dattan aunc oz perdetga da quei. En quella tauna steva Rosalia di e notg zuppada per viver sulettamein cun Diu. Ina veta schi retratga, sontga e marvigliusa displascheva al demuni. Pliras ga ha quel empruau da tementar ed unfisar giu la sontga. Mo Rosalia enconuscha spert quels rampins diabolics. Suenter liung temps eis ella vegnida inspida da bandunar quella tauna ed ir en in’autra sil cuolm Monte Pelegrino, damaneivel da Palermo. Diu ha vuliu che Rosalia vegni tier quella grotta, per ch’ella vesi da leu anora sia casa paterna ed hagi aschia aunc pli fetg da batter cun sesezza per per far penetienzia. La sontga eremita meditescha cheu il marteri e las plagas da Jesus. Ils 4 da settember digl onn 1160 ha siu divin spus clamau ella en la gloria dil parvis. 500 onns pli tard ha Papa Urban VIII anflau las reliquias sil Monte Pelegrino. Muort urbida e merets da sontga Rosalia ei l’entira Sicilia stada liberada dalla greva muria che regeva da gliez temps. Cheu aunc la veta ed il marteri dallas 4 sontgas purschalas Eufemia, Dorothea, Tecla ed Erasma. Quellas fuvan naschidas ad Aquilea. Eufemia e Dorothea fuvan feglias da Valenzius, in bab pagaun. Tecla ed Erasma feglias da Valentinian, siu frar ch‘era in cristian. El mussava era la ductina catolica a sias duas niazas ed ellas han desiderau da vegnir battegiadas digl uestg sogn Hermagoras. Quei sogn steva dad in vart dad in flum e las purschalas da l’autra vart da quei dil flum. Senza barca fuv‘ei buca pusseivel da traversar quel. Las feglias fan oraziun e l’aua ei sespartgida, aschia ch’il sogn uestg ha saviu arrivar cun peis schetgs da l’autra vart e battegiar las duas dunschalas. Denton vuleva Valenzius che sias feglias maridien. Mo ellas ein fugidas tier lur aug e leu ein tuttas 4 dunschalas vegnidas pigliadas e surdadas al tiran president d’Aquilea. Perquei ch’ellas ein stdas fideivlas en la cardientscha ha quei grobian torturau ellas vid il tgierl a moda crudeivla e turpegiusa. L’auter di ha Valenzius sez priu la spada e tagliau giu il tgau allas sontgas purschalas e schau fierer ellas el flum. La notg sisu han dus bials giuvens menau ils corps ed ils tgaus dallas quater sontgas en ina barca tier Valentinian ed igl uestg. Valentinian ha satrau quels en sia casa e baghegiau quella entuorn en ina baselgia.