Sontga Sita, purschala e fintschala. pdf: cheu l’entira historia Ils 27 d’avrel: Sontga Sita, purschala e fintschala Sontga Sita, in affon da paupers geniturs ei stada duront 50 onns fumitgasa. Ella …Daplü
Sontga Sita, purschala e fintschala.
pdf: cheu l’entira historia
Ils 27 d’avrel: Sontga Sita, purschala e fintschala
Sontga Sita, in affon da paupers geniturs ei stada duront 50 onns fumitgasa. Ella fuva naschida igl onn 1212 a Monte Segrado damaneivel dil marcau da Lucca en l’Italia. Ella ha era buca dau als geniturs gronds quitaus per emprender e suandar il bien, pertgei ella fuva gia da pign ensi humiliteivla, mudesta e steva bugen persula. Aschi gleiti ch’ella ei stada in tec carschida e saviu capir, tgei quei vegli dir: survir bein a Diu, teneva ella adina Diu en siu cor, cun schar vegnir endamen che Diu seigi dapertut e vesi tut.
Cun 12 onns ha ella stuiu ir en plazza en casa da Fantinelli, in burgheis dil marcau da Lucca. Quella casa vegn aunc ozildi stimada ed els zulèrs pendan bials maletgs che representan las lavurs e las miraclas da sontga Sita. La damaun levava ella beinmarvegl per saver far sias oraziuns e tedlar ina sontga messa avon ch’il patrun camondi ad ella sia lavur. Ella adempleva siu survetsch humiliteivlamein e cun gronda premura. E tuttina vegneva ella mai ludada, anzi schizun da biars denigrada; pertgei sia virtuusa veta fuva ina spina els egls dils auters. Pervia dallas nauschas buccas mussava era la patruna pauc plascher da sia lavur. Havend Diu in liung temps empruau sia fideivla survienta, ha el scuvretg las bunas vertids da Sita. Ussa vegneva ella buca mo tenida bein dils patruns, mobein era dils auters dalla casa. Pli che 50 onns ha ella guvernau la casa, senza mai esser stada in quart ura lischenta en tut quels onns. Era siu purschaladi pertgirava ella cun grond quitau. Sita durmeva pau, mo fagieva bia penetienzia, urava bia e teneva grondas giginas. Tut che smarvigliava ch’ella sappi viver cun schi paupra vivonda e cun tontas mortificaziuns. La notg duront meditar, vegneva sia combra glischada d’ina clarezia surnaturala. Sita veva ina particulara devoziun tier il sontgissim Sacrament digl altar e tier
Nossadunna, la Regina dallas purschalas. Quella benedida Mumma ha lu era honorau sia survienta en questa veta.
Ina gronda vertit ch‘ella veva, fuva dad esser segideivla culs basignus. Per saver spargnar zatgei per ils paupers, giginava cun paun ed aua. Quella carezia ha Diu honorau cun biaras miraclas. Ina gada ha in pauper jester rugau per amur da Diu per empau vin. Mo per quella ga tunscheva ei buca da dar. Per tuttina saver far in’ovra da misericordia, cuora ella tier in puoz per aua frestga e porscha quella al pauper jester. En quei mument vegn quella midada en in prezius vin. Sin quella miracla vegn il puoz aunc oz numnaus il puoz da sontga Sita. Medemamein veva ella era dau ina gada siu bi manti d’unviern ch’ella veva survegniu dil patrun ad in pauper miez schelau ora sper via. Tras quella carezia proximala vegneva ella zun stimada.
Havend sontga Sita pli che 50 onns fatg la fumitgasa senza mai ver negligiu il survetsch a Diu, ha ella survegniu gronda febra. Suenter tschun dis, bein provedida culs sogns Sacraments, ha ella terminau siu survetsch cheu …
pdf: cheu l’entira historia
Ils 27 d’avrel: Sontga Sita, purschala e fintschala
Sontga Sita, in affon da paupers geniturs ei stada duront 50 onns fumitgasa. Ella fuva naschida igl onn 1212 a Monte Segrado damaneivel dil marcau da Lucca en l’Italia. Ella ha era buca dau als geniturs gronds quitaus per emprender e suandar il bien, pertgei ella fuva gia da pign ensi humiliteivla, mudesta e steva bugen persula. Aschi gleiti ch’ella ei stada in tec carschida e saviu capir, tgei quei vegli dir: survir bein a Diu, teneva ella adina Diu en siu cor, cun schar vegnir endamen che Diu seigi dapertut e vesi tut.
Cun 12 onns ha ella stuiu ir en plazza en casa da Fantinelli, in burgheis dil marcau da Lucca. Quella casa vegn aunc ozildi stimada ed els zulèrs pendan bials maletgs che representan las lavurs e las miraclas da sontga Sita. La damaun levava ella beinmarvegl per saver far sias oraziuns e tedlar ina sontga messa avon ch’il patrun camondi ad ella sia lavur. Ella adempleva siu survetsch humiliteivlamein e cun gronda premura. E tuttina vegneva ella mai ludada, anzi schizun da biars denigrada; pertgei sia virtuusa veta fuva ina spina els egls dils auters. Pervia dallas nauschas buccas mussava era la patruna pauc plascher da sia lavur. Havend Diu in liung temps empruau sia fideivla survienta, ha el scuvretg las bunas vertids da Sita. Ussa vegneva ella buca mo tenida bein dils patruns, mobein era dils auters dalla casa. Pli che 50 onns ha ella guvernau la casa, senza mai esser stada in quart ura lischenta en tut quels onns. Era siu purschaladi pertgirava ella cun grond quitau. Sita durmeva pau, mo fagieva bia penetienzia, urava bia e teneva grondas giginas. Tut che smarvigliava ch’ella sappi viver cun schi paupra vivonda e cun tontas mortificaziuns. La notg duront meditar, vegneva sia combra glischada d’ina clarezia surnaturala. Sita veva ina particulara devoziun tier il sontgissim Sacrament digl altar e tier
Nossadunna, la Regina dallas purschalas. Quella benedida Mumma ha lu era honorau sia survienta en questa veta.
Ina gronda vertit ch‘ella veva, fuva dad esser segideivla culs basignus. Per saver spargnar zatgei per ils paupers, giginava cun paun ed aua. Quella carezia ha Diu honorau cun biaras miraclas. Ina gada ha in pauper jester rugau per amur da Diu per empau vin. Mo per quella ga tunscheva ei buca da dar. Per tuttina saver far in’ovra da misericordia, cuora ella tier in puoz per aua frestga e porscha quella al pauper jester. En quei mument vegn quella midada en in prezius vin. Sin quella miracla vegn il puoz aunc oz numnaus il puoz da sontga Sita. Medemamein veva ella era dau ina gada siu bi manti d’unviern ch’ella veva survegniu dil patrun ad in pauper miez schelau ora sper via. Tras quella carezia proximala vegneva ella zun stimada.
Havend sontga Sita pli che 50 onns fatg la fumitgasa senza mai ver negligiu il survetsch a Diu, ha ella survegniu gronda febra. Suenter tschun dis, bein provedida culs sogns Sacraments, ha ella terminau siu survetsch cheu …