Sogn Tumaisch da Vilanova, uestg e confessur. pdf: cheu l'entira historia / Sogn Tumaisch da Vilanova, uestg e confessur Ils 25 da settember: Sogn Tumaisch da Vilanova, uestg e confessur Sogn Tumaisch …Altro
Sogn Tumaisch da Vilanova, uestg e confessur.
pdf: cheu l'entira historia / Sogn Tumaisch da Vilanova, uestg e confessur
Ils 25 da settember: Sogn Tumaisch da Vilanova, uestg e confessur
Sogn Tumaisch ei naschius en Spagna igl onn 1488. Ses geniturs ein stai nobels e rehs, denton virtuus e da gronda carezia enviers tuts basignus. Era lur fegl Tumaisch mussava gia da pop particulara pietad visavi paupra glieud. Meinsvart turnava el a casa senza caltscheuls ni senza calzers, pertgei quels veva el dau a paupers affons. Era ha il giuvenot beinsavens rugau il bab d’esser buntadeivels cun ses debiturs paupers che savevan buca pagar lur deivets. Siu sedepurtar e plidar era adina mudests, sincers e da cor. Sia emprema ductrina dada dalla mumma ei stada da saver pronunziar ils sogns nums Jesus e Maria. Aschia ei Tumaisch daventaus in grond veneratur da Nossadunna ed ins numnava el fegl da Maria. Suenter la scola bassa frequenta il talentau giuven l’universitad e daventa docter e professer dalla teologia. Lu sedecida il sogn um da 30 onns per la veta claustrala ed entra a Salamanca egl uorden da sogn Augustin e quei gest il di che Martin Luther banduna quei uorden e daventa chezer e heret. Per el sco novit ei il semortificar, giginar ed urar stau negin fastedi, pertgei la mumma veva da pign ensi mussau quei. Suenter haver retschiert il stan sacerdotal ei Tumasch daventaus in schi fervent predicatur, ch’el ha survegniu il surnum: apiestel dalla Spagna. Il pli grond plascher veva il sogn da setener si en sia combra, en baselgia, sigl altar, en stanza da leger e tiels malsauns. Muort l’aulta sabientscha e las tarlischontas vertids daventa el pader superiur dalla claustra. Dad ussa naven flurescha la disciplina claustrala. Ils survetschs divins ston vegnir celebrai tenor l’ordinaziun dalla sontga Baselgia e digl uorden da sogn Augustin. Dils conventuals spetga el pasch, concordia e carezia fraterna. Imperatur Carli V elegia il sogn schizun per siu teolog e predicatur persunal e vul aunc surdar ad el igl arzuestgiu da Granada. Mo quei ha el buca vuliu. Denton per buca esser malobedeivels alla veglia da Diu ed a ses superiurs, surpren sogn Tumaisch igl onn 1544 igl uestgiu da Velenzia. Cumpignaus d’in sulet pader e dus survients e vestgius cun siu vegl habit claustral, pren il sogn possess da siu arzuestgiu. Ils canonis han malpuccau e regalan ad el 4‘000 ducatas. Mo quels daners dat il sogn al spital. Sogn Tumaisch desista da tutta beinstonza, per saver viver en paupradad e sustener glieud basignusa. Il patratg e la tema da buca far avunda las obligaziuns e d’esser condemnaus, smaccan di per di siu cor. Bugen vess el dau giu siu buordi, mo negin tedlava siu rugar e sias raschuns. Cheu recuora sogn Tumaisch tier il cruzifigau Jesus e roga da prender quei malnizeivel pastur ord igl uestgiu. E daveras, Cristus plaida tar il cruzifix: Tumaisch, hagies pazienzia; sil di da naschientscha da mia mumma vegns ti a retscheiver la pagaglia. Ils 29 d’uost croda il sogn en ina greva malsogna e vegn provedius culs sogns sacraments. Ils 8 da settember digl onn 1555, suenter haver tedlau la sontga messa e clamau ils sogns nums Jesus e Maria, renda Tumaisch dultschamein siu spért a Diu. Biaras miraclas han lu confirmau sia sontgadad. Suenter 33 onns ei il tgierp vegnius exhumaus bials ed entirs. Papa Alexander VII ha lu canonisau quei grond survient da Diu e tschentau sia fiasta sils 25 da settember.
pdf: cheu l'entira historia / Sogn Tumaisch da Vilanova, uestg e confessur
Ils 25 da settember: Sogn Tumaisch da Vilanova, uestg e confessur
Sogn Tumaisch ei naschius en Spagna igl onn 1488. Ses geniturs ein stai nobels e rehs, denton virtuus e da gronda carezia enviers tuts basignus. Era lur fegl Tumaisch mussava gia da pop particulara pietad visavi paupra glieud. Meinsvart turnava el a casa senza caltscheuls ni senza calzers, pertgei quels veva el dau a paupers affons. Era ha il giuvenot beinsavens rugau il bab d’esser buntadeivels cun ses debiturs paupers che savevan buca pagar lur deivets. Siu sedepurtar e plidar era adina mudests, sincers e da cor. Sia emprema ductrina dada dalla mumma ei stada da saver pronunziar ils sogns nums Jesus e Maria. Aschia ei Tumaisch daventaus in grond veneratur da Nossadunna ed ins numnava el fegl da Maria. Suenter la scola bassa frequenta il talentau giuven l’universitad e daventa docter e professer dalla teologia. Lu sedecida il sogn um da 30 onns per la veta claustrala ed entra a Salamanca egl uorden da sogn Augustin e quei gest il di che Martin Luther banduna quei uorden e daventa chezer e heret. Per el sco novit ei il semortificar, giginar ed urar stau negin fastedi, pertgei la mumma veva da pign ensi mussau quei. Suenter haver retschiert il stan sacerdotal ei Tumasch daventaus in schi fervent predicatur, ch’el ha survegniu il surnum: apiestel dalla Spagna. Il pli grond plascher veva il sogn da setener si en sia combra, en baselgia, sigl altar, en stanza da leger e tiels malsauns. Muort l’aulta sabientscha e las tarlischontas vertids daventa el pader superiur dalla claustra. Dad ussa naven flurescha la disciplina claustrala. Ils survetschs divins ston vegnir celebrai tenor l’ordinaziun dalla sontga Baselgia e digl uorden da sogn Augustin. Dils conventuals spetga el pasch, concordia e carezia fraterna. Imperatur Carli V elegia il sogn schizun per siu teolog e predicatur persunal e vul aunc surdar ad el igl arzuestgiu da Granada. Mo quei ha el buca vuliu. Denton per buca esser malobedeivels alla veglia da Diu ed a ses superiurs, surpren sogn Tumaisch igl onn 1544 igl uestgiu da Velenzia. Cumpignaus d’in sulet pader e dus survients e vestgius cun siu vegl habit claustral, pren il sogn possess da siu arzuestgiu. Ils canonis han malpuccau e regalan ad el 4‘000 ducatas. Mo quels daners dat il sogn al spital. Sogn Tumaisch desista da tutta beinstonza, per saver viver en paupradad e sustener glieud basignusa. Il patratg e la tema da buca far avunda las obligaziuns e d’esser condemnaus, smaccan di per di siu cor. Bugen vess el dau giu siu buordi, mo negin tedlava siu rugar e sias raschuns. Cheu recuora sogn Tumaisch tier il cruzifigau Jesus e roga da prender quei malnizeivel pastur ord igl uestgiu. E daveras, Cristus plaida tar il cruzifix: Tumaisch, hagies pazienzia; sil di da naschientscha da mia mumma vegns ti a retscheiver la pagaglia. Ils 29 d’uost croda il sogn en ina greva malsogna e vegn provedius culs sogns sacraments. Ils 8 da settember digl onn 1555, suenter haver tedlau la sontga messa e clamau ils sogns nums Jesus e Maria, renda Tumaisch dultschamein siu spért a Diu. Biaras miraclas han lu confirmau sia sontgadad. Suenter 33 onns ei il tgierp vegnius exhumaus bials ed entirs. Papa Alexander VII ha lu canonisau quei grond survient da Diu e tschentau sia fiasta sils 25 da settember.