Sogn Gion Columbin, confessur. pdf: cheu l'entira historia / Sogn Gion Columbin, confessur Ils 24 d’october: Sogn Gion Columbin, confessur Sogn Gion Columbin ei naschius entuorn igl onn 1300 a Siena …Daplü
Sogn Gion Columbin, confessur.
pdf: cheu l'entira historia / Sogn Gion Columbin, confessur
Ils 24 d’october: Sogn Gion Columbin, confessur
Sogn Gion Columbin ei naschius entuorn igl onn 1300 a Siena. Cu el ei staus carschius, sche ha el retschiert ils emprems uffecis denter ils burgheis e sespusaus cun ina nobla e virtuusa feglia. Sco um da fatschenta entscheiva Gion tec a tec a raffar rauba e daners. Tras quei croda el els latschs dil demuni e sefa beispert malgests en nunlubidas fatschentas. Mo las vias dil Diu misericordeivel ein zuppadas. In di spitgond sil gentar, porscha sia dunna al mariu il cudisch dils sogns per lectura. Nuidis mo tuttina dat el ina egliada lien e quei casualmein sur dad ina scandalusa pucconta che fuva seconvertida e fatg penetienzia. Quella lectura muenta siu cor ch’el daventa gest en quei mument tut in auter um. Tuccaus dalla grazia divina, lai Gion Columbin tuts quitaus mundans d’ina vart e va savens en baselgia e tiels sogns Sacraments. Sper giginas e bunas ovras roga igl um sia dunna da vuler viver dad ussa naven en castiadad sco frar e sora entochen la mort. Per amur da Diu entscheivan omisdus a parter ora lur rihezias denter ils paupers. In di ei Gion vegnius malsauns. Per buca guder il bien da casa, serenda el el spital dils paupers, per esser tractaus leu tuttina sco lezs. En quei temps ei il fegl da 12 onns morts. Liberaus da quei quitau pigl affon, entscheiva Gion a porscher aunc dapli agid als paupers malsauns. Schizun in pauper leprus plein rugna porta il sogn a casa per saver tgirar quel endretg. Duront che Gion era a messa, vul sia dunna mirar dil malsaun. Mo cheu anfla ella il letg vits e schubers e la combra plein odur, sco sche negin fuss staus lien. Ord quei han els enconuschiu ch’il leprus ei staus Jesus Cristus sez ed els laudan ed engrazian a Diu. Da cheu naven sesprova il sogn dad esser aunc in pli fervent suandonter da Cristus. Ensemen cun siu amitg Francestg vendan els igl onn 1363 tut lur fatg e sustegnan cun quels daners spitals, baselgias e claustras. Ussa van omisdus sco rugadurs a rugond casa per casa pil da viver, fagend persuenter alla glieud buns survetschs. Perquei che era auters suondan tal exempel, catschan ils magistrats tut quels ord il marcau sco glieud da pauc valzen. Strusch stai ord Siena ch’ina sgarscheivla tempiasta cun tun e cametg sederscha sur dil marcau. Ils signurs da Siena ein schi fetg tementai, ch’els cloman puspei tuts anavos. Da Siena anora han els aschia saviu visitar auters loghens e marcaus e gudignar olmas per la penetienzia. Papa Urban V lai plascher lur moda da viver e vestgescha els cun in habit alv. Quella cumpignia ei denton carschida tier la gronda congregaziun dils Jesuits. La finamira da quei uorden ei da ludar il Num da Jesus e mortificar sesez. Il temps arriva che Cristus lai senti il sogn la fin da sia veta. Malsauns d’ina ferma febra, retscheiva sogn Gion Columbin ils sogns Sacraments, admonescha ses cumpogns tier carezia e sontga mortificaziun e passa lu beadamein il davos fenadur digl onn 1367 vi ella perpetnadad. Cun biaras miraclas ha Diu glorificau siu sogn survient.
pdf: cheu l'entira historia / Sogn Gion Columbin, confessur
Ils 24 d’october: Sogn Gion Columbin, confessur
Sogn Gion Columbin ei naschius entuorn igl onn 1300 a Siena. Cu el ei staus carschius, sche ha el retschiert ils emprems uffecis denter ils burgheis e sespusaus cun ina nobla e virtuusa feglia. Sco um da fatschenta entscheiva Gion tec a tec a raffar rauba e daners. Tras quei croda el els latschs dil demuni e sefa beispert malgests en nunlubidas fatschentas. Mo las vias dil Diu misericordeivel ein zuppadas. In di spitgond sil gentar, porscha sia dunna al mariu il cudisch dils sogns per lectura. Nuidis mo tuttina dat el ina egliada lien e quei casualmein sur dad ina scandalusa pucconta che fuva seconvertida e fatg penetienzia. Quella lectura muenta siu cor ch’el daventa gest en quei mument tut in auter um. Tuccaus dalla grazia divina, lai Gion Columbin tuts quitaus mundans d’ina vart e va savens en baselgia e tiels sogns Sacraments. Sper giginas e bunas ovras roga igl um sia dunna da vuler viver dad ussa naven en castiadad sco frar e sora entochen la mort. Per amur da Diu entscheivan omisdus a parter ora lur rihezias denter ils paupers. In di ei Gion vegnius malsauns. Per buca guder il bien da casa, serenda el el spital dils paupers, per esser tractaus leu tuttina sco lezs. En quei temps ei il fegl da 12 onns morts. Liberaus da quei quitau pigl affon, entscheiva Gion a porscher aunc dapli agid als paupers malsauns. Schizun in pauper leprus plein rugna porta il sogn a casa per saver tgirar quel endretg. Duront che Gion era a messa, vul sia dunna mirar dil malsaun. Mo cheu anfla ella il letg vits e schubers e la combra plein odur, sco sche negin fuss staus lien. Ord quei han els enconuschiu ch’il leprus ei staus Jesus Cristus sez ed els laudan ed engrazian a Diu. Da cheu naven sesprova il sogn dad esser aunc in pli fervent suandonter da Cristus. Ensemen cun siu amitg Francestg vendan els igl onn 1363 tut lur fatg e sustegnan cun quels daners spitals, baselgias e claustras. Ussa van omisdus sco rugadurs a rugond casa per casa pil da viver, fagend persuenter alla glieud buns survetschs. Perquei che era auters suondan tal exempel, catschan ils magistrats tut quels ord il marcau sco glieud da pauc valzen. Strusch stai ord Siena ch’ina sgarscheivla tempiasta cun tun e cametg sederscha sur dil marcau. Ils signurs da Siena ein schi fetg tementai, ch’els cloman puspei tuts anavos. Da Siena anora han els aschia saviu visitar auters loghens e marcaus e gudignar olmas per la penetienzia. Papa Urban V lai plascher lur moda da viver e vestgescha els cun in habit alv. Quella cumpignia ei denton carschida tier la gronda congregaziun dils Jesuits. La finamira da quei uorden ei da ludar il Num da Jesus e mortificar sesez. Il temps arriva che Cristus lai senti il sogn la fin da sia veta. Malsauns d’ina ferma febra, retscheiva sogn Gion Columbin ils sogns Sacraments, admonescha ses cumpogns tier carezia e sontga mortificaziun e passa lu beadamein il davos fenadur digl onn 1367 vi ella perpetnadad. Cun biaras miraclas ha Diu glorificau siu sogn survient.