Sogn Ursicin, uestg e confessur. pdf: cheu l'entira historia Ils 2 d’october: Sogn Ursicin, uestg e confessur Entuorn igl onn 709 ei sogn Ursicin naschius a Cuera ord ina nobla casa dils conts che …Daplü
Sogn Ursicin, uestg e confessur.
pdf: cheu l'entira historia
Ils 2 d’october: Sogn Ursicin, uestg e confessur
Entuorn igl onn 709 ei sogn Ursicin naschius a Cuera ord ina nobla casa dils conts che regevan nossa Rhezia sut il retg dalla Frontscha. Cun grond quitau e vegliontadad ei sogn Ursicin vegnius tratgs si dils dus uestgs da Cuera Paschalis e Victor, ch‘eran ses datier parents. Igl intelligent Ursicin alzava savens siu cor tier Diu e fuva fetg inclinaus tier il bien spiritual.
Da quei temps ei Carolus Martellus, major e principal minister dalla Frontscha, passaus cun ina gronda armada tras Mustér per ira en Tiaratudestga encunter siu inimitg. La claustra da Mustér fuva lu dil tut ruinada dils Huns che vevan mazzacrau pli che 30 paders. Mo paucs muntgs havevan surviviu e vivevan el contuorn. Ils surviturs da Carli Martellus han senza prender autra informaziun mess lur cavals sur notg denter la miraglia dalla baselgia ruinada. L’autra damaun fuvan ils cavals carpai. Cura che Carli Martellus ha giu saviu tgei baghetg quei seigi stau ed a tgei quel hagi surviu, sche ha el empermess da metter quei liug en siu esser ed ha puspei schau ereger leu la baselgia da Nossadunna sco era l’entira claustra.
Quei cass ei vegnius enconuschents a sogn Ursicin. Quei sogn liug sco era la veta dils pader ha imponiu il giuven Ursicin ch’el ha dau si il mund e vegnius a Mustér per survir a Diu ensemen culs muntgs. El fagieva grondas giginas e mortificava fetg sesez. Enviers tuts purtava el carezia e vegneva aschia era stimaus e reverius da tuts. Lu eis el daventaus avat ed ha cun tutta stenta promoviu il baghetg dalla claustra. Denton ei igl uestg da Cuera morts. Ils canonis han considerau la sontga veta da sogn Ursicin e tscherniu ora el per uestg da Cuera. El ha lu regiu duront plirs onns igl uestgiu da Cuera ensemen cun la claustra da Mustér.
Duront che Ursicin fuva uestg ed avat, ei il cont Wido da Lomello e Milaun, arrivaus a Mustér, per ira Cuera e reverir leu il retg Pipinus. Sin quei viadi vegn il cont grevamein malsauns. Ursicin cun ses paders fan oraziun tier lur patruns sogn Martin e sogn Sigisbert. Els urbeschan ora da Diu ch’il cont ei bein prest staus medegaus e saviu ira vinavon a Cuera. Pli tard ei cont Wido puspei turnaus a Mustér, mo quella gada eis el morts leu.
Plinavon sa scadin cumprender en tgei bien stan ch’igl uestgiu da Cuera sesanflava da gliez temps e con bia fretg spiritual che sogn Ursicin ha fatg per las olmas cun dar adina siu bien exempel.
Cura ch’el ha giu mess la claustra da Mustér en in bien stan e sontga disciplina ed empalau igl uestgiu da Cuera, eis el pleins da merets e bunas ovras morts beadamein entuorn igl onn 760.
pdf: cheu l'entira historia
Ils 2 d’october: Sogn Ursicin, uestg e confessur
Entuorn igl onn 709 ei sogn Ursicin naschius a Cuera ord ina nobla casa dils conts che regevan nossa Rhezia sut il retg dalla Frontscha. Cun grond quitau e vegliontadad ei sogn Ursicin vegnius tratgs si dils dus uestgs da Cuera Paschalis e Victor, ch‘eran ses datier parents. Igl intelligent Ursicin alzava savens siu cor tier Diu e fuva fetg inclinaus tier il bien spiritual.
Da quei temps ei Carolus Martellus, major e principal minister dalla Frontscha, passaus cun ina gronda armada tras Mustér per ira en Tiaratudestga encunter siu inimitg. La claustra da Mustér fuva lu dil tut ruinada dils Huns che vevan mazzacrau pli che 30 paders. Mo paucs muntgs havevan surviviu e vivevan el contuorn. Ils surviturs da Carli Martellus han senza prender autra informaziun mess lur cavals sur notg denter la miraglia dalla baselgia ruinada. L’autra damaun fuvan ils cavals carpai. Cura che Carli Martellus ha giu saviu tgei baghetg quei seigi stau ed a tgei quel hagi surviu, sche ha el empermess da metter quei liug en siu esser ed ha puspei schau ereger leu la baselgia da Nossadunna sco era l’entira claustra.
Quei cass ei vegnius enconuschents a sogn Ursicin. Quei sogn liug sco era la veta dils pader ha imponiu il giuven Ursicin ch’el ha dau si il mund e vegnius a Mustér per survir a Diu ensemen culs muntgs. El fagieva grondas giginas e mortificava fetg sesez. Enviers tuts purtava el carezia e vegneva aschia era stimaus e reverius da tuts. Lu eis el daventaus avat ed ha cun tutta stenta promoviu il baghetg dalla claustra. Denton ei igl uestg da Cuera morts. Ils canonis han considerau la sontga veta da sogn Ursicin e tscherniu ora el per uestg da Cuera. El ha lu regiu duront plirs onns igl uestgiu da Cuera ensemen cun la claustra da Mustér.
Duront che Ursicin fuva uestg ed avat, ei il cont Wido da Lomello e Milaun, arrivaus a Mustér, per ira Cuera e reverir leu il retg Pipinus. Sin quei viadi vegn il cont grevamein malsauns. Ursicin cun ses paders fan oraziun tier lur patruns sogn Martin e sogn Sigisbert. Els urbeschan ora da Diu ch’il cont ei bein prest staus medegaus e saviu ira vinavon a Cuera. Pli tard ei cont Wido puspei turnaus a Mustér, mo quella gada eis el morts leu.
Plinavon sa scadin cumprender en tgei bien stan ch’igl uestgiu da Cuera sesanflava da gliez temps e con bia fretg spiritual che sogn Ursicin ha fatg per las olmas cun dar adina siu bien exempel.
Cura ch’el ha giu mess la claustra da Mustér en in bien stan e sontga disciplina ed empalau igl uestgiu da Cuera, eis el pleins da merets e bunas ovras morts beadamein entuorn igl onn 760.