Huonder finescha igl onn dalla cardientscha a Cuera en catedrala

En siu priedi da ventschidas pigl onn dalla cardientscha ha uestg Vitus fatg negina menziun d‘enzennas e mussaments da perdetgas da cardientscha, schabegiadas en siu uestgiu.

Sulettamein lamentaschuns che las baselgias sesvidien pli e pli e quei malgrad che laics e teologs sestentien da far ord l’eucaristia in event.

Events carmalien per regla la giuventetgna neutier; daco buca tier events da cadientscha?
Ed el sedamonda, nua che la Baselgia fetschi cheu sbagls?

Munconza d’instrucziun religiusa e d’entelgientscha!!

In ver event eis ei stau pil pievel cartent, da saver alla fin dalla sontga Messa festiva cun augsegners e prelats bitschar ni tuccar las reliquias da sogn Glieci, patrun digl uestgiu da Cuera.