Sontga Culastia, purschala. pdf: cheu l’entira historia Ils 10 da fevrer: Sontga Culastia, purschala Sontga Scholastica, naschida a Norcia en l’Italia, fuva ina vera sora dil patriarc sogn Benedetg.…Daplü
Sontga Culastia, purschala.
pdf: cheu l’entira historia
Ils 10 da fevrer: Sontga Culastia, purschala
Sontga Scholastica, naschida a Norcia en l’Italia, fuva ina vera sora dil patriarc sogn Benedetg. Els eran ils sulets affons ord quella nobla famiglia da Spoleto. Gia da buobetta fugeva Scholastica il spassatemps e legeva il pli bugien cudischs spirituals. Suenter la mort dils geniturs vegneva Scholastica muort sia rihezia e noblezia garegiada dils cavaliers principals per spusa. Mo ella che veva gia baul unfriu si a Diu siu purschaladi, leva survir sulet a Jesus Cristus. Siu frar Benedetg veva baghegiau sil cuolm Cassino ina claustra e viveva leu cun ses confrars ina veta sontga. Cheu ha Scholastica giu ina inspiraziun che era femnas possien retscheiver la perfecziun dil sogn evangeli. Ina tarlischur surnaturala muenta ella da parter ora sia rauba als paupers e suandar igl exempel da siu frar. Scholastica obedescha al clom e semetta sin via viers il cuolm Cassino cun aunc ina autra dunschala. Leu paleisa ella a siu frar siu giavisch. Duront ch’els vevan endamen, nua ch’els savessen baghegiar ina claustra da muniessas, vegnan els sclari d’ina glisch celestiala che mussa vi sin in liug plascheivel a Diu. Sogn Benedetg procura lu per sia sora ina cella damaneivel dil cuolm. Ensemen cun sia cumpogna entscheivan ellas cheu cun lur fritgeivla lavur, pertgei biaras purschalas vegnan neutier e garegiavan da daventar muniessas. Perquei han ellas sco emprem stuiu baghegiar in baghetg pli grond. Sontga Scholastica menava sco abadessa quella sempla claustra tenor la regla da sogn Benedetg cun urar e giginar. En cuort temps fuva lu il diember dallas claustras da muniessas sut la regla da sogn Benedetg carschius egl Occident sin 14‘000. Sontga Scholastica che veva atgnamein aunc mess giu negin profess veva la resalva d‘ina gada ad onn astgar sentupar cun siu frar per render quen da quei che passava e per retscheiver novas ordinaziuns e buns cussegls. Aschia gidavan els in l’auter tier la vera perfecziun. Cul temps senta sontga Scholastica che si‘ura s‘avischina e vul lu aunc ina gada visitar siu frar. Il glorius patriarc Sogn Benedetg retscheiva sia sora el liug usitau. Leu meinan els l’entira notg discuors spirituals, fan oraziun, contan psalms ed han endamen dils beins dalla veta celestiala e dil sogn parvis. La damaun ei mintgin returnaus en sia claustra. Treis dis pli tard, duront far oraziun en sia cella, ha sogn Benedetg viu l’olma da sia sora Scholastica a sgulond encunter la gloria dil sogn parvis en figura d’ina biala tarlischonta columba. El camonda a ses confrars dad ir e purtar il tgierp da sia sora sil cuolm Cassino en la claustra e satrar el en quella fossa ch’el veva schau semtgar per el. Sontga Scholastica ei morta en la vegliadetgna da 60 onns igl onn dil Segner 543.
pdf: cheu l’entira historia
Ils 10 da fevrer: Sontga Culastia, purschala
Sontga Scholastica, naschida a Norcia en l’Italia, fuva ina vera sora dil patriarc sogn Benedetg. Els eran ils sulets affons ord quella nobla famiglia da Spoleto. Gia da buobetta fugeva Scholastica il spassatemps e legeva il pli bugien cudischs spirituals. Suenter la mort dils geniturs vegneva Scholastica muort sia rihezia e noblezia garegiada dils cavaliers principals per spusa. Mo ella che veva gia baul unfriu si a Diu siu purschaladi, leva survir sulet a Jesus Cristus. Siu frar Benedetg veva baghegiau sil cuolm Cassino ina claustra e viveva leu cun ses confrars ina veta sontga. Cheu ha Scholastica giu ina inspiraziun che era femnas possien retscheiver la perfecziun dil sogn evangeli. Ina tarlischur surnaturala muenta ella da parter ora sia rauba als paupers e suandar igl exempel da siu frar. Scholastica obedescha al clom e semetta sin via viers il cuolm Cassino cun aunc ina autra dunschala. Leu paleisa ella a siu frar siu giavisch. Duront ch’els vevan endamen, nua ch’els savessen baghegiar ina claustra da muniessas, vegnan els sclari d’ina glisch celestiala che mussa vi sin in liug plascheivel a Diu. Sogn Benedetg procura lu per sia sora ina cella damaneivel dil cuolm. Ensemen cun sia cumpogna entscheivan ellas cheu cun lur fritgeivla lavur, pertgei biaras purschalas vegnan neutier e garegiavan da daventar muniessas. Perquei han ellas sco emprem stuiu baghegiar in baghetg pli grond. Sontga Scholastica menava sco abadessa quella sempla claustra tenor la regla da sogn Benedetg cun urar e giginar. En cuort temps fuva lu il diember dallas claustras da muniessas sut la regla da sogn Benedetg carschius egl Occident sin 14‘000. Sontga Scholastica che veva atgnamein aunc mess giu negin profess veva la resalva d‘ina gada ad onn astgar sentupar cun siu frar per render quen da quei che passava e per retscheiver novas ordinaziuns e buns cussegls. Aschia gidavan els in l’auter tier la vera perfecziun. Cul temps senta sontga Scholastica che si‘ura s‘avischina e vul lu aunc ina gada visitar siu frar. Il glorius patriarc Sogn Benedetg retscheiva sia sora el liug usitau. Leu meinan els l’entira notg discuors spirituals, fan oraziun, contan psalms ed han endamen dils beins dalla veta celestiala e dil sogn parvis. La damaun ei mintgin returnaus en sia claustra. Treis dis pli tard, duront far oraziun en sia cella, ha sogn Benedetg viu l’olma da sia sora Scholastica a sgulond encunter la gloria dil sogn parvis en figura d’ina biala tarlischonta columba. El camonda a ses confrars dad ir e purtar il tgierp da sia sora sil cuolm Cassino en la claustra e satrar el en quella fossa ch’el veva schau semtgar per el. Sontga Scholastica ei morta en la vegliadetgna da 60 onns igl onn dil Segner 543.
