Sancte Míchael Archángele, defénde nos in prǽlio; contra nequítiam et insídias diáboli esto præsídium. Imperet illi Deus, súpplices deprecámur: tuque, Princeps milítiæ Cæléstis, sátanam aliósque spíritus malígnos, qui ad perditiónem animárum pervagántur in mundo, divína virtúte in inférnum detrúde. Amen.
Glória ✠ Patri ✠ et Fílio ✠ et Spirítui Sancto, sicut erat in princípio et nunc et semper et in sǽcula sæculórum. Amen.
