Ọchịchị Assad bụ "Ezigbo oge nyere ndị òtù Kraịst"

Ndị òtù Kraịst nna-alaghachị na Syria, nke Russia zọpụtara, ma na ọ bụghị Iraq nke U.S. na-achị, ka William Murray si dee na worldnetdaily.com, "Ndị òtù Kraịst nọ na obodo ọwụwa anyanwụ na-atunyere ọchịchị nkịtị nke President Assad na Syria." N'afọ a, ndị Syria karịrị 600,000, ma ndị otu Kraịst na ndị Alakụba, lọghachịrị na be ha, ka ndị ọsụọ ọnaa nke ndị U.S. na Saudi Arabia kwadoro buzi ndị e meriri e meri. Ọ dịghị ka Iraq na obodo Alakụba ndị ọzọ, Syria nwere iwu nkịtị. Iwu Shariah abughi iwu eji achị obodo ahụ. Ndị na achikota ndị otu Kraịst na Syria na-akpọ oge ọchịchị ndị ezinúlọ ndị be Assad "ezigbo oge nyere ndị òtù Kraịst."

Ọtụtụ ndị Kraịst na Syria na-enwe mwute na ozigbo Assad pụrụ, ha ga-ahụ ụdị ihe ndị otu Kraịst na Iraq hụrụ mgbe Saddam Hussein dara.

Na Iraq, ọchịchị ndị ọdịda anyanwụ ewepụtala obodo ọ bụ ụka Alakụba bụ ụka iwu obodo kwadoro. Iwu ọbụla gajọrọ iwu Alakụba agaghị e nwe isi. Ọ ga-abụ arụ ma onye Alakụba gbanwee bụrụ onye otu Kraịst, " i kwujọ ụka Alakụba" ga-abụ arụ, nakwa onweghi nwa a ga-ede aha ya na asambodo ọmụmụ ma aha ahụ adịghị na Quran. Ọtụtụ ụmụaka na Iraq na-aza Joseph ma ọ bụ Mary maka na aha ndị a dị na Quran. Ndị òtù Kraịst na Iraq ahụsiela anya kamgbe U.S. buru agha busa Saddam Hussein na 2003.

Foto: Bashar al-Assad, © Kremlin.ru, CC BY, #newsHfbanifhgu