Sontga Franzisca Romana, vieua. pdf: cheu l’entira historia Ils 9 da mars: Sontga Franzisca Romana, vieua Sontga Franzisca ei exempel a tuttas dunnas. Ella ei naschida a Ruma igl onn 1384 ord nobla …Daplü
Sontga Franzisca Romana, vieua.
pdf: cheu l’entira historia
Ils 9 da mars: Sontga Franzisca Romana, vieua
Sontga Franzisca ei exempel a tuttas dunnas. Ella ei naschida a Ruma igl onn 1384 ord nobla casa. Gia d‘affon sedepurtava ella pli da muniessa che da dunschala. Franzisca steva bugen persula e veva siu plascher da far oraziun tier Nossadunna. Cun 11 onns ha ella vuliu ir en claustra, mo ses geniturs han impediu quei. Cun 12 onns han els spusau la buoba cun in giuven Roman. Mo strusch stada en casa dil mariu, eis ella vegnida fetg malsauna e pér suenter dus onns vegnida sauna entras sogn Alexi ch’era cumparius ad ella. Puspei sauna, ha ella considerau per ina honur, da saver viver ussa sontgamein. En tuttas caussas fuva ella obedeivla e perfetga. Diu ha benediu els cun 6 affons, mo ils biars dad els ein lu morts da giuven. Aschia teneva ella sia survitut sco per agens. Era sche Franzisca fuva nobla e reha, fageva ella adina cun tuts las oraziuns dalla sera e viveva schi mudest che perfin autras damas e signuras suandavan siu exempel. Per enzenna che Franzisca fussi cara a Diu, ha lez schau tier ad ella biaras cruschs. Igl onn 1413 ei il retg da Neapel, sepatrunaus dil marcau da Ruma e semussaus sco grond tiran. Il mariu da sontga Franzisca ei vegnius blessaus e bandischaus ord la tiara e la casa sblundergiada. Ditg suenter ha siu mariu saviu turnar a Ruma e per engraziament fan els il vut da viver dad ussa naven sco frar e sora. Els han purtau gronds sacifecis e merets,
cun baghegiar la claustra dallas Obladas per dunnas e vieuas che levan viver tenor la regla da sogn Benedetg. Sontga Franzisca la fundatura, fuva ver exempel a tuts, visitava ils malsauns el spital e mirava ch’els hagien las necessarias medischinas, ton spiritualas sco corporalas. Igl onn 1436 ei siu mariu morts e Franzisca ei ida sco survienta en sia claustra e cuort suenter daventada superiura. Diu ha honorau la humiliteiva survienta cun particulars dunns. Ella enconuscheva caussas zuppadas els cors, profetisava, fageva miraclas e gudeva savens la veseivla preschientscha da Jesus, da Maria ed auters sogns dil parvis. Era siu aunghel pertgirader veseva ella, vestgius en alv e tarlischonts, denton mo sch’ella fageva ricla sur da sias mendas.
Pliras gadas ha il demuni adumbatten pitgau e tratg ella per tiara e fatg autras emprovas per ch’ella fetschi buca dil bien. Lu victorisava ella culs plaids: O Jesus, segies miu agid! Suenter biars merets e grondas fadigias ha ina greva febra surpriu sontga Franzisca en la vegliadetgna da 56 onns. Diu ha dau schau saver ella l‘ura ed il di ch’ella hagi da murir. Cun gronda reverenza ha ella lu retschiert ils sogn Sacraments, dau allas soras buns cussegls per viver en pasch e carezia e co observar lur regla. Duront far oraziun renda ella sia olma a Diu, la gievgia dils 9 da mars 1440. Igl onn 1608 ei Franzisca Romana vegnida declarada sontga da papa Pius V. Las reliquias vegnan veneradas el bi sactuari da sontga Franzisca spel Forum Romanum a Ruma.
pdf: cheu l’entira historia
Ils 9 da mars: Sontga Franzisca Romana, vieua
Sontga Franzisca ei exempel a tuttas dunnas. Ella ei naschida a Ruma igl onn 1384 ord nobla casa. Gia d‘affon sedepurtava ella pli da muniessa che da dunschala. Franzisca steva bugen persula e veva siu plascher da far oraziun tier Nossadunna. Cun 11 onns ha ella vuliu ir en claustra, mo ses geniturs han impediu quei. Cun 12 onns han els spusau la buoba cun in giuven Roman. Mo strusch stada en casa dil mariu, eis ella vegnida fetg malsauna e pér suenter dus onns vegnida sauna entras sogn Alexi ch’era cumparius ad ella. Puspei sauna, ha ella considerau per ina honur, da saver viver ussa sontgamein. En tuttas caussas fuva ella obedeivla e perfetga. Diu ha benediu els cun 6 affons, mo ils biars dad els ein lu morts da giuven. Aschia teneva ella sia survitut sco per agens. Era sche Franzisca fuva nobla e reha, fageva ella adina cun tuts las oraziuns dalla sera e viveva schi mudest che perfin autras damas e signuras suandavan siu exempel. Per enzenna che Franzisca fussi cara a Diu, ha lez schau tier ad ella biaras cruschs. Igl onn 1413 ei il retg da Neapel, sepatrunaus dil marcau da Ruma e semussaus sco grond tiran. Il mariu da sontga Franzisca ei vegnius blessaus e bandischaus ord la tiara e la casa sblundergiada. Ditg suenter ha siu mariu saviu turnar a Ruma e per engraziament fan els il vut da viver dad ussa naven sco frar e sora. Els han purtau gronds sacifecis e merets,
cun baghegiar la claustra dallas Obladas per dunnas e vieuas che levan viver tenor la regla da sogn Benedetg. Sontga Franzisca la fundatura, fuva ver exempel a tuts, visitava ils malsauns el spital e mirava ch’els hagien las necessarias medischinas, ton spiritualas sco corporalas. Igl onn 1436 ei siu mariu morts e Franzisca ei ida sco survienta en sia claustra e cuort suenter daventada superiura. Diu ha honorau la humiliteiva survienta cun particulars dunns. Ella enconuscheva caussas zuppadas els cors, profetisava, fageva miraclas e gudeva savens la veseivla preschientscha da Jesus, da Maria ed auters sogns dil parvis. Era siu aunghel pertgirader veseva ella, vestgius en alv e tarlischonts, denton mo sch’ella fageva ricla sur da sias mendas.
Pliras gadas ha il demuni adumbatten pitgau e tratg ella per tiara e fatg autras emprovas per ch’ella fetschi buca dil bien. Lu victorisava ella culs plaids: O Jesus, segies miu agid! Suenter biars merets e grondas fadigias ha ina greva febra surpriu sontga Franzisca en la vegliadetgna da 56 onns. Diu ha dau schau saver ella l‘ura ed il di ch’ella hagi da murir. Cun gronda reverenza ha ella lu retschiert ils sogn Sacraments, dau allas soras buns cussegls per viver en pasch e carezia e co observar lur regla. Duront far oraziun renda ella sia olma a Diu, la gievgia dils 9 da mars 1440. Igl onn 1608 ei Franzisca Romana vegnida declarada sontga da papa Pius V. Las reliquias vegnan veneradas el bi sactuari da sontga Franzisca spel Forum Romanum a Ruma.