Sogn Tschamun ni Simon e sogn Giudas, apostels. pdf: cheu l'entira historia / Sogn Tschamun ni Simon e sogn Giudas, apostels Ils 28 d’october: Sogn Tschamun ni Simon e sogn Giudas, apostels Quels dus …Daplü
Sogn Tschamun ni Simon e sogn Giudas, apostels.
pdf: cheu l'entira historia / Sogn Tschamun ni Simon e sogn Giudas, apostels
Ils 28 d’october: Sogn Tschamun ni Simon e sogn Giudas, apostels
Quels dus sogns ein stai fegls da Maria Cleofa, la cusrina da Nossadunna e frars da Giachen il pign. Per differenziar Simon da Simon Pieder, numnavan ins el il Cananè; e Giudas purtava il tiernum Tadeus, per distinguer el dil traditur Giudas Iscariot. Era els dus ein stai clamai da Cristus per ses apostels. Suenter la vegnida dil sogn Spért partan ils apostels si il territori denter els. A sogn Simon tucca ei l’Egipta ed a Tadeus la Mesopotamia. Sco tut ils auters perdegian era els dus il sogn evangeli en Giudea, fan miraclas, convertan pagauns e suffieran persecuziuns. Suenter ver convertiu las tiaras dadas ad els, seradunan ils giuvnals en Persia. Tier lur arrivada daventan ils demunis mets e san buca pli plidar entras ils fauls idols els tempels. Da quei peglian ils pagauns tema e san buca tgei tertgar. Baradac, il capitani dil retg da Babilon che vess da menar ina uiara encunter las Indias, retscheiva cheutras negina risposta dils fauls dieus. El vul saver las raschuns ed endriescha ch’ils dieus restien mets, aschiditg che Simon e Giudas setegnien si el marcau. Perquei lai Barabac arrestar ils dus sogns per examinar els suenter lur derivonza, religiun ed auter. Ils sogns prendan la caschun e declaran ils misteris dalla cardientscha catolica schi perschuadend ch’il capitani lai plascher lur plaids. Era profetiseschan ils apostels ch’ils ambassadurs dallas Indias sepresentien damaun e roghien el per la pasch. Mo per esser segirs e vegnir tier la verdad, lai Baradac arrestar ils dus aposels. L’auter di cumparan ils ambassadurs e rogan veramein per la pasch. Sin quei vul il capitani schar scavazzar ils sacerdots e ministers pagauns. Mo ils dus sogns defendan els culs plaids: Nus essan buca vegni per purtar la mort, mobein per cumpartgir la vera veta. Baradac vess ussa honorau els cun aur ed argien, mo ils sogns renvieschan tuts schenghetgs. Plein smarvegl meina el ils sogns umens tiel retg a Babilon. En la cuort roiala da Babilon teneva il retg dus striuns ch’igl apiestel Mattiu veva da lezzas uras catschau ord igl Orient. Quels teman ussa ch’els vegnien era scatschai ord Babilon. Cun agid dil demuni rimnan els in grond diember siarps tussegadas per prender la veta als sogns predicaturs. Mo lezs camondan en num da Cristus allas siarps da siglir en als striuns, denton senza dar la murdida mortala. Las siarps obedeschan ed ils striuns prendan la fuigia. Tras quella ed autras miraclas han officiers, schuldada e l’entira cuort roiala priu la cardientscha da Cristus. Dad ussa naven san ils dus sogns apostels Simon e Giudas perdegar il sogn evangeli en tutta libertad e converter ils pagauns. Cura che Babilon ei staus stabilisaus enten la sontga cardientscha seretrain ils sogns en autras provinzias e seferman el marcau da Se Namur. Danovamein sentaupen ils sogns cun ils dus striuns ch’eran fugi ord Babilon. Quels stigan ussa si sacerdots e pievel entochen che Simon e Giudas ein stai mess a ferm. L’auter di snegan ils dus sogns igl adurar ils fauls dieus. Perquei lain ils sacerdots pagauns runar ils dus apostels ord il tempel sin la plazza da mort. Sogn Simon pendan ils sbiers si cul tgau engiu e resgian el vivs permiez, ferton che sogn Giudas Tadeus vegn scavazzaus cun ina sigir. Quei sgarscheivel marteri ei staus ils 28 d’october entuorn igl onn 31, pia duront che Cristus viveva aunc. Ina stgiradetgna enzuglia sinquei la cuntrada ed ina ferma tempiasta arsenta e destruescha tut ils tempels dil marcau. Ils corps dils sogns marters retscheiva il retg a Babilon ed lai baghegiar ina baselgia sur lur fossas. Suenter liung temps ei quei prezius scazi vegnius purtaus a Ruma en la baselgia da sogn Pieder.
pdf: cheu l'entira historia / Sogn Tschamun ni Simon e sogn Giudas, apostels
Ils 28 d’october: Sogn Tschamun ni Simon e sogn Giudas, apostels
Quels dus sogns ein stai fegls da Maria Cleofa, la cusrina da Nossadunna e frars da Giachen il pign. Per differenziar Simon da Simon Pieder, numnavan ins el il Cananè; e Giudas purtava il tiernum Tadeus, per distinguer el dil traditur Giudas Iscariot. Era els dus ein stai clamai da Cristus per ses apostels. Suenter la vegnida dil sogn Spért partan ils apostels si il territori denter els. A sogn Simon tucca ei l’Egipta ed a Tadeus la Mesopotamia. Sco tut ils auters perdegian era els dus il sogn evangeli en Giudea, fan miraclas, convertan pagauns e suffieran persecuziuns. Suenter ver convertiu las tiaras dadas ad els, seradunan ils giuvnals en Persia. Tier lur arrivada daventan ils demunis mets e san buca pli plidar entras ils fauls idols els tempels. Da quei peglian ils pagauns tema e san buca tgei tertgar. Baradac, il capitani dil retg da Babilon che vess da menar ina uiara encunter las Indias, retscheiva cheutras negina risposta dils fauls dieus. El vul saver las raschuns ed endriescha ch’ils dieus restien mets, aschiditg che Simon e Giudas setegnien si el marcau. Perquei lai Barabac arrestar ils dus sogns per examinar els suenter lur derivonza, religiun ed auter. Ils sogns prendan la caschun e declaran ils misteris dalla cardientscha catolica schi perschuadend ch’il capitani lai plascher lur plaids. Era profetiseschan ils apostels ch’ils ambassadurs dallas Indias sepresentien damaun e roghien el per la pasch. Mo per esser segirs e vegnir tier la verdad, lai Baradac arrestar ils dus aposels. L’auter di cumparan ils ambassadurs e rogan veramein per la pasch. Sin quei vul il capitani schar scavazzar ils sacerdots e ministers pagauns. Mo ils dus sogns defendan els culs plaids: Nus essan buca vegni per purtar la mort, mobein per cumpartgir la vera veta. Baradac vess ussa honorau els cun aur ed argien, mo ils sogns renvieschan tuts schenghetgs. Plein smarvegl meina el ils sogns umens tiel retg a Babilon. En la cuort roiala da Babilon teneva il retg dus striuns ch’igl apiestel Mattiu veva da lezzas uras catschau ord igl Orient. Quels teman ussa ch’els vegnien era scatschai ord Babilon. Cun agid dil demuni rimnan els in grond diember siarps tussegadas per prender la veta als sogns predicaturs. Mo lezs camondan en num da Cristus allas siarps da siglir en als striuns, denton senza dar la murdida mortala. Las siarps obedeschan ed ils striuns prendan la fuigia. Tras quella ed autras miraclas han officiers, schuldada e l’entira cuort roiala priu la cardientscha da Cristus. Dad ussa naven san ils dus sogns apostels Simon e Giudas perdegar il sogn evangeli en tutta libertad e converter ils pagauns. Cura che Babilon ei staus stabilisaus enten la sontga cardientscha seretrain ils sogns en autras provinzias e seferman el marcau da Se Namur. Danovamein sentaupen ils sogns cun ils dus striuns ch’eran fugi ord Babilon. Quels stigan ussa si sacerdots e pievel entochen che Simon e Giudas ein stai mess a ferm. L’auter di snegan ils dus sogns igl adurar ils fauls dieus. Perquei lain ils sacerdots pagauns runar ils dus apostels ord il tempel sin la plazza da mort. Sogn Simon pendan ils sbiers si cul tgau engiu e resgian el vivs permiez, ferton che sogn Giudas Tadeus vegn scavazzaus cun ina sigir. Quei sgarscheivel marteri ei staus ils 28 d’october entuorn igl onn 31, pia duront che Cristus viveva aunc. Ina stgiradetgna enzuglia sinquei la cuntrada ed ina ferma tempiasta arsenta e destruescha tut ils tempels dil marcau. Ils corps dils sogns marters retscheiva il retg a Babilon ed lai baghegiar ina baselgia sur lur fossas. Suenter liung temps ei quei prezius scazi vegnius purtaus a Ruma en la baselgia da sogn Pieder.