Glossa: Sur Camenisch scriva sur «Don Candinas»
Sur Silvio Camenisch ha titulau il cusseglier naziunal Martin Candinas ils 3 da fenadur ella Cazzetta Rontscha sco augsegner («Don Candinas») Daco buc «Sur Candinas»?
Quei ha Sur Silvio fatg sco beffa. Esser in augsegner ei oz numnadamein ina zanur. Quei san perfin ils augsegners che sezuppan perquei davos cravattas, monduras, tschontschas vitas e venters pleins.
Tgei ha motivau Sur Silvio – che porta perfin ina tonsura – a tal meini? Quei ei grev da dir. La buglia ch’el ha scret ella Gasetta Rontscha sco ‘Plaid per la dumengia’ ei liunga e fetg tschuora.
Ei va per in text dalla campagna dubiusa «Stop-aids». Quei text ei staus translataus per pachistani, tamil e albanes denton buca per romontsch. Dapli san ins buca capir. Candinas ha pari reclamau che quella translaziun ei buca vegnida fatga.
Tonscha quei per haver meritau il tetel «Don»?
Nun che Sur Silvio havess manegiau «’Don’ per un mafioso e non per un sacerdote»? Ella Sicilia numnan ins buca mo ils augsegners «Don» (per exempel: Don Camillo) mobeina era ils capos dalla mafia, per exempel: «Don Corleone».
Denton: Tgei ha in prospectet cun purtgerias da far cun la mafia taliana? Ils mafiosos ein forsa assassins denton buca tartogns.
Lein sperar che silmeins il capo dalla Cazzetta Rontscha, Martin Cabalzar, hagi capiu il priedi da Sur Silvio. Amen.
Quei ha Sur Silvio fatg sco beffa. Esser in augsegner ei oz numnadamein ina zanur. Quei san perfin ils augsegners che sezuppan perquei davos cravattas, monduras, tschontschas vitas e venters pleins.
Tgei ha motivau Sur Silvio – che porta perfin ina tonsura – a tal meini? Quei ei grev da dir. La buglia ch’el ha scret ella Gasetta Rontscha sco ‘Plaid per la dumengia’ ei liunga e fetg tschuora.
Ei va per in text dalla campagna dubiusa «Stop-aids». Quei text ei staus translataus per pachistani, tamil e albanes denton buca per romontsch. Dapli san ins buca capir. Candinas ha pari reclamau che quella translaziun ei buca vegnida fatga.
Tonscha quei per haver meritau il tetel «Don»?
Nun che Sur Silvio havess manegiau «’Don’ per un mafioso e non per un sacerdote»? Ella Sicilia numnan ins buca mo ils augsegners «Don» (per exempel: Don Camillo) mobeina era ils capos dalla mafia, per exempel: «Don Corleone».
Denton: Tgei ha in prospectet cun purtgerias da far cun la mafia taliana? Ils mafiosos ein forsa assassins denton buca tartogns.
Lein sperar che silmeins il capo dalla Cazzetta Rontscha, Martin Cabalzar, hagi capiu il priedi da Sur Silvio. Amen.