Sogn Zenobius, arzuestg e confessur. pdf: cheu l’entira historia Ils 24 da matg: Sogn Zenobius, arzuestg e confessur Sogn Zenobius ei naschius igl onn 335 a Florenza da geniturs pagauns. Gia da pign …Daplü
Sogn Zenobius, arzuestg e confessur.
pdf: cheu l’entira historia
Ils 24 da matg: Sogn Zenobius, arzuestg e confessur
Sogn Zenobius ei naschius igl onn 335 a Florenza da geniturs pagauns. Gia da pign semussava el mudests, tgeus, fetg quiets e da buns talents. Cun 20 onns levan ils geniturs ch’el maridi. Mo Zenobius sedosta e sevolva per sustegn tier igl uestg Teodor da Florenza. Lez dat sustegn al giuven ed omisdus san metter avon als geniturs schi bein la verdad dalla cardientscha catolica ch’els ein sin quei seconverti e vegni battegiai ensemen cun lur fegl. Mo cun quei fuva Zenobius aunc buca cuntents. El ei lu entraus el stan sacerdotal e daventaus canoni dalla baselgia principala. El fuva fetg pietus, misericordeivels ed in ferm inimitg dallas heresias. Sin siu viadi da Milaun a Ruma ei sogn Ambrosi passaus tras Florenz e fatg stretga amicezia cul sogn. A Ruma metta sogn Ambrosi avon a papa Damasus I. las qualitads da siu amitg e sin quei cloma il papa Zenobius a Ruma e nominescha el cardinal. En preschientscha dil papa ha il sogn dau la sanadad al fegl schirau dil prefect da Ruma. Per lugar las grondas fatschentas cugl imperatur, ei sogn Zenobius serendius per in temps a Constantinopel. Denton era Teodorus, uestg da Florenza morts e tut ils Florentins han garegiau da papa Damasus cardinal Zenobius per lur uestg. Encunter sia veglia eis el lu vegnius ordinaus uestg da Florenza ed aunc leutier stuiu surprender il tgamun dils uestgs dall’entira Toscana. Cun ses 41 onns ha el entschiet siu uffeci d’arzuestg cun gronda premura e quitau. Enras sia buna demanonza e sia sontga ductrina, accumpignada da biaras miraclas, tarlischava el lunsch entuorn sco in clar sulegl. Denter auter vegn ei scret ch’ina vieua pagauna vevi tratg si ses dus fegls cun ina fallida carezia che quels hagien lu en gretta maltractau lur mumma. En tutta furia veva quella mumma smalediu giu lur fegls. Per castitg ein omisdus daventai malspirtai e semurdevan sco ravgiai. La paupra mumma che veva tratg la smaledicziun sur da ses fegls, ha menau els tier sogn Zenobius e rugau da scatschar quels hosps infernals. Il sogn prelat declara che Diu hagi schau tier quei castitg, pertgei ella hagi falliu cun tener memia car ses affons. Suenter duas uras oraziun ein ils dus fegls stai deliberai dils demunis e sin quei ein tuts treis seconverti e daventai buns cristifideivels. Da tut quei vegneva il sogn prelat veneraus dils buns e temius dils schliats. Cun ina gronda part dallas unfrendas ha sogn Zenobius lu fundau damaneivel da Florenza ina claustra per paders. Finalmein, arrivaus sils onns e staunchels dallas travaglias, stentas e bein ornaus cun merets e vertids, eis el vegnius malsauns e fatg da saver siu di da mort. Lu admonescha el aunc tuts presents religius da temer e carezar Diu, dat la benedicziun e finescha beadamein ses dis da fadigia, ils 25 da matg digl onn 424 en la vegliadetgna da 90 onns. Siu tgierp ei suenter zacons onns vegnius mess dalla baselgia Ambrosiana vi en la baselgia principala da Florenza. …
pdf: cheu l’entira historia
Ils 24 da matg: Sogn Zenobius, arzuestg e confessur
Sogn Zenobius ei naschius igl onn 335 a Florenza da geniturs pagauns. Gia da pign semussava el mudests, tgeus, fetg quiets e da buns talents. Cun 20 onns levan ils geniturs ch’el maridi. Mo Zenobius sedosta e sevolva per sustegn tier igl uestg Teodor da Florenza. Lez dat sustegn al giuven ed omisdus san metter avon als geniturs schi bein la verdad dalla cardientscha catolica ch’els ein sin quei seconverti e vegni battegiai ensemen cun lur fegl. Mo cun quei fuva Zenobius aunc buca cuntents. El ei lu entraus el stan sacerdotal e daventaus canoni dalla baselgia principala. El fuva fetg pietus, misericordeivels ed in ferm inimitg dallas heresias. Sin siu viadi da Milaun a Ruma ei sogn Ambrosi passaus tras Florenz e fatg stretga amicezia cul sogn. A Ruma metta sogn Ambrosi avon a papa Damasus I. las qualitads da siu amitg e sin quei cloma il papa Zenobius a Ruma e nominescha el cardinal. En preschientscha dil papa ha il sogn dau la sanadad al fegl schirau dil prefect da Ruma. Per lugar las grondas fatschentas cugl imperatur, ei sogn Zenobius serendius per in temps a Constantinopel. Denton era Teodorus, uestg da Florenza morts e tut ils Florentins han garegiau da papa Damasus cardinal Zenobius per lur uestg. Encunter sia veglia eis el lu vegnius ordinaus uestg da Florenza ed aunc leutier stuiu surprender il tgamun dils uestgs dall’entira Toscana. Cun ses 41 onns ha el entschiet siu uffeci d’arzuestg cun gronda premura e quitau. Enras sia buna demanonza e sia sontga ductrina, accumpignada da biaras miraclas, tarlischava el lunsch entuorn sco in clar sulegl. Denter auter vegn ei scret ch’ina vieua pagauna vevi tratg si ses dus fegls cun ina fallida carezia che quels hagien lu en gretta maltractau lur mumma. En tutta furia veva quella mumma smalediu giu lur fegls. Per castitg ein omisdus daventai malspirtai e semurdevan sco ravgiai. La paupra mumma che veva tratg la smaledicziun sur da ses fegls, ha menau els tier sogn Zenobius e rugau da scatschar quels hosps infernals. Il sogn prelat declara che Diu hagi schau tier quei castitg, pertgei ella hagi falliu cun tener memia car ses affons. Suenter duas uras oraziun ein ils dus fegls stai deliberai dils demunis e sin quei ein tuts treis seconverti e daventai buns cristifideivels. Da tut quei vegneva il sogn prelat veneraus dils buns e temius dils schliats. Cun ina gronda part dallas unfrendas ha sogn Zenobius lu fundau damaneivel da Florenza ina claustra per paders. Finalmein, arrivaus sils onns e staunchels dallas travaglias, stentas e bein ornaus cun merets e vertids, eis el vegnius malsauns e fatg da saver siu di da mort. Lu admonescha el aunc tuts presents religius da temer e carezar Diu, dat la benedicziun e finescha beadamein ses dis da fadigia, ils 25 da matg digl onn 424 en la vegliadetgna da 90 onns. Siu tgierp ei suenter zacons onns vegnius mess dalla baselgia Ambrosiana vi en la baselgia principala da Florenza. …