Sontga Hedvica, vieua. pdf: cheu l'entira historia / Ils 17 d’october: Sontga Hedvica, vieua Quella sontga ei naschida igl onn 1174 en Baviera sco feglia da duca Bertold IV. Hedvica veva aunc siat …Daplü
Sontga Hedvica, vieua.
pdf: cheu l'entira historia /
Ils 17 d’october: Sontga Hedvica, vieua
Quella sontga ei naschida igl onn 1174 en Baviera sco feglia da duca Bertold IV.
Hedvica veva aunc siat fargliuns. Cun 12 onns ha il bab spusau la feglia Hedvica cun duca Hendri I dalla Schlesia. Ord quella virtuusa lètg ein treis feglias e treis fegls naschi. Quels ha la sontga mumma educau en gronda pietad. Lu han Hedvica e siu mariu fatg il vut da perpetna castiadad ed els ein vivi sco frar e sora entochen la mort. Scaldada dalla carezia divina, baghegia Hedvica ussa a Trebniza ina claustra da muniessas Cisterciensas per sustener vieuas. Ina da sias feglias ha suandau la mumma e daventada abadessa da quella claustra. Cheu educavan las muniessas era feglias bandunadas e senza geniturs. Hedvica pota era il habit, denton il profess metta ella buca giu, per saver restar leu sco survienta. Ella fuva in ver spieghel da sontgadad, visitava malsauns, gidava orfans e vieuas e praticava aunc biaras autras ovras da misericordia. Duront 40 onns ha la sontga giginau las mesjamnas ed ils venderdis cun paun ed aua e durmeva u sin la tiara ni sin in’aissa cun strom. La sontga urava di e notg e quei adina en schaniglias entochen che la schanuglia unflava. Savens vegneva ella culs senns retratga tier Diu che sia fatscha tarlischava sc’in aunghel. Las sontgas messas tedlava Hedvica cun gronda devoziun e suenter messa rugava ella il spiritual da metter ses mauns sin siu tgau e dar la benedicziun. Diu veva era regalau alla sontga il dun da far miraclas. Cun in maletg da Nossadunna signava ella ils malsauns cun l’enzenna dalla sontga crusch ed els eran puspei sauns. En sias oraziuns ha ella schizun clamau en veta dus morts che fuvan vid la fuortga. In di ch’ella rugava il Segner per grazias, aulza il cruzifix il maun dretg, dat la benedicziun e di cun aulta vusch: Jeu hai udiu tia oraziun; ti vegns a contonscher quei che ti has dumandau. Savens vegneva Hedvica bastunada, gheslegiada e maltractada dil demuni; mo adina ha ella victorisau cun far l’enzenna dalla sontga crusch. Sontga Hedvica possedeva era il dun da profetisar e da leger ils patratgs zuppai dils auters. Cun talas favurs e duns seretrai ella en sia claustra a Trebniza per saver sepreparar sin la mort. Hedvica vegn malsauna e retscheiva ils sogns Sacraments. Sin quei vegn ella visitada da Diu, da sogns e sontgas dil parvis ch’embratschan ella tier las nozzas celestialas, ils 15 d’october digl onn 1243. Papa Clemens IV ha canonisau la sontga princessa igl onn 1267 e per perdetga da sia sontgadad ha Diu sin quei di dau la vesida ad ina giuvna tschocca.
pdf: cheu l'entira historia /
Ils 17 d’october: Sontga Hedvica, vieua
Quella sontga ei naschida igl onn 1174 en Baviera sco feglia da duca Bertold IV.
Hedvica veva aunc siat fargliuns. Cun 12 onns ha il bab spusau la feglia Hedvica cun duca Hendri I dalla Schlesia. Ord quella virtuusa lètg ein treis feglias e treis fegls naschi. Quels ha la sontga mumma educau en gronda pietad. Lu han Hedvica e siu mariu fatg il vut da perpetna castiadad ed els ein vivi sco frar e sora entochen la mort. Scaldada dalla carezia divina, baghegia Hedvica ussa a Trebniza ina claustra da muniessas Cisterciensas per sustener vieuas. Ina da sias feglias ha suandau la mumma e daventada abadessa da quella claustra. Cheu educavan las muniessas era feglias bandunadas e senza geniturs. Hedvica pota era il habit, denton il profess metta ella buca giu, per saver restar leu sco survienta. Ella fuva in ver spieghel da sontgadad, visitava malsauns, gidava orfans e vieuas e praticava aunc biaras autras ovras da misericordia. Duront 40 onns ha la sontga giginau las mesjamnas ed ils venderdis cun paun ed aua e durmeva u sin la tiara ni sin in’aissa cun strom. La sontga urava di e notg e quei adina en schaniglias entochen che la schanuglia unflava. Savens vegneva ella culs senns retratga tier Diu che sia fatscha tarlischava sc’in aunghel. Las sontgas messas tedlava Hedvica cun gronda devoziun e suenter messa rugava ella il spiritual da metter ses mauns sin siu tgau e dar la benedicziun. Diu veva era regalau alla sontga il dun da far miraclas. Cun in maletg da Nossadunna signava ella ils malsauns cun l’enzenna dalla sontga crusch ed els eran puspei sauns. En sias oraziuns ha ella schizun clamau en veta dus morts che fuvan vid la fuortga. In di ch’ella rugava il Segner per grazias, aulza il cruzifix il maun dretg, dat la benedicziun e di cun aulta vusch: Jeu hai udiu tia oraziun; ti vegns a contonscher quei che ti has dumandau. Savens vegneva Hedvica bastunada, gheslegiada e maltractada dil demuni; mo adina ha ella victorisau cun far l’enzenna dalla sontga crusch. Sontga Hedvica possedeva era il dun da profetisar e da leger ils patratgs zuppai dils auters. Cun talas favurs e duns seretrai ella en sia claustra a Trebniza per saver sepreparar sin la mort. Hedvica vegn malsauna e retscheiva ils sogns Sacraments. Sin quei vegn ella visitada da Diu, da sogns e sontgas dil parvis ch’embratschan ella tier las nozzas celestialas, ils 15 d’october digl onn 1243. Papa Clemens IV ha canonisau la sontga princessa igl onn 1267 e per perdetga da sia sontgadad ha Diu sin quei di dau la vesida ad ina giuvna tschocca.