Sogn Pieder Alcantara, confessur. Cheu il video dil sogn / Ils 19 d’october: Sogn Pieder Alcantara, confessur Il sogn confessur ei naschius igl onn 1499 ad Alcantara sper Lissabon e perquei siu surnum …Daplü
Sogn Pieder Alcantara, confessur.
Cheu il video dil sogn /
Ils 19 d’october: Sogn Pieder Alcantara, confessur
Il sogn confessur ei naschius igl onn 1499 ad Alcantara sper Lissabon e perquei siu surnum. Bein educaus da ses buns geniturs era Pieder gia d‘affon fetg enclinaus da far oraziun ed adina vuleva el dir paternos a casa ed en baselgia. Aschia carscheva el buca mo els onns, mobein era en las vertids ed en ses studis. Per daventar in premurau suandonter da Cristus, entra il giuven da 16 onns egl uorden da sogn Franzestg a Maniavez. El cuort temps dil noviziat fageva el cun spért e tafradad smarvigliar tut ils paders. Ses egls ein mai stai drizzai sin persunas ni caussas e perquei enconuscheva el ses confrars sulettamein vid la vusch e suandava els era mo suenter il tun dils pass. Suenter siu profess sto Pieder midar claustra. Cun lubientscha da siu superiur astga el baghegiar en iert ina cella mo per el per saver menar ina veta schi penitenta e strentga sco pusseivel. Cheu senutrescha il sogn penitent mo da fretgs ed jarvas e quei mo cun ina tschavera per jamna. Silsuenter ein 3 onns suandai ch’el ei senutrius mo da paun ed aua. El convent survescha el a tuts cun far las pli sbittadas lavurs. Per buca plidar zatgei malnizeivel e per che sia lieunga vegni bein regida, tegn el adina en bucca zacons carpels. Mals e travaglias, persecuziuns e tentaziuns sufreva el per amur da Diu, schend: Quei ei la via, la pli cuorta e segira per contonscher la perfecziun. En sia stretga cella veva el nuot auter ch’in cruzifix, la bibla ed il brevier. E quella paupradad ei stada la pèrla evangelica ch’el prativaca per promover igl uorden da sogn Francestg. Savens ei il sogn staus culs patratgs retratgs tier Diu ed en oraziun cun cun bratscha stendida ora e cun l’egliada encunter tschiel. Cun siu fervent urar ha Pieder reteniu la muria, urbiu ora plievgia, dau la sanadad a nundumbreivels malsauns, medegau zops e tschocs ed aunc fatg biaras autras miraclas. Il fiug dalla carezia tier Diu arda schi fetg ch’el pretenda sco emprem, ch’ils paders prendien las pintgas cellas, nua ch’els han da viver retratgs cun peis bluts. Suenter che sia mort ei stada avisada, eis el vegnius visitaus da Nossadunna, da sogn Gion evangelist e da Niessegner sez che han lu purtau il sogn ils 18 d’october digl onn 1562 tiels aunghels dil parvis. Aschi preziusa ei pia la mort da sogn Pieder Ancaltara stada. En solemna processiun ei la bara vegnida purtada tier la baselgia da Arenas e papa Clemens IX canonisescha quei grond survient da Diu igl onn 1669.
Cheu il video dil sogn /
Ils 19 d’october: Sogn Pieder Alcantara, confessur
Il sogn confessur ei naschius igl onn 1499 ad Alcantara sper Lissabon e perquei siu surnum. Bein educaus da ses buns geniturs era Pieder gia d‘affon fetg enclinaus da far oraziun ed adina vuleva el dir paternos a casa ed en baselgia. Aschia carscheva el buca mo els onns, mobein era en las vertids ed en ses studis. Per daventar in premurau suandonter da Cristus, entra il giuven da 16 onns egl uorden da sogn Franzestg a Maniavez. El cuort temps dil noviziat fageva el cun spért e tafradad smarvigliar tut ils paders. Ses egls ein mai stai drizzai sin persunas ni caussas e perquei enconuscheva el ses confrars sulettamein vid la vusch e suandava els era mo suenter il tun dils pass. Suenter siu profess sto Pieder midar claustra. Cun lubientscha da siu superiur astga el baghegiar en iert ina cella mo per el per saver menar ina veta schi penitenta e strentga sco pusseivel. Cheu senutrescha il sogn penitent mo da fretgs ed jarvas e quei mo cun ina tschavera per jamna. Silsuenter ein 3 onns suandai ch’el ei senutrius mo da paun ed aua. El convent survescha el a tuts cun far las pli sbittadas lavurs. Per buca plidar zatgei malnizeivel e per che sia lieunga vegni bein regida, tegn el adina en bucca zacons carpels. Mals e travaglias, persecuziuns e tentaziuns sufreva el per amur da Diu, schend: Quei ei la via, la pli cuorta e segira per contonscher la perfecziun. En sia stretga cella veva el nuot auter ch’in cruzifix, la bibla ed il brevier. E quella paupradad ei stada la pèrla evangelica ch’el prativaca per promover igl uorden da sogn Francestg. Savens ei il sogn staus culs patratgs retratgs tier Diu ed en oraziun cun cun bratscha stendida ora e cun l’egliada encunter tschiel. Cun siu fervent urar ha Pieder reteniu la muria, urbiu ora plievgia, dau la sanadad a nundumbreivels malsauns, medegau zops e tschocs ed aunc fatg biaras autras miraclas. Il fiug dalla carezia tier Diu arda schi fetg ch’el pretenda sco emprem, ch’ils paders prendien las pintgas cellas, nua ch’els han da viver retratgs cun peis bluts. Suenter che sia mort ei stada avisada, eis el vegnius visitaus da Nossadunna, da sogn Gion evangelist e da Niessegner sez che han lu purtau il sogn ils 18 d’october digl onn 1562 tiels aunghels dil parvis. Aschi preziusa ei pia la mort da sogn Pieder Ancaltara stada. En solemna processiun ei la bara vegnida purtada tier la baselgia da Arenas e papa Clemens IX canonisescha quei grond survient da Diu igl onn 1669.