Sogn Giachen, confessur. pdf: cheu l'entira historia / Sogn Giachen, confessur Ils 12 d’october: Sogn Giachen, confessur Sogn Giachen ch‘ei naschius ad Ulm vegn tras quei era numnaus Giachen il …Daplü
Sogn Giachen, confessur.
pdf: cheu l'entira historia / Sogn Giachen, confessur
Ils 12 d’october: Sogn Giachen, confessur
Sogn Giachen ch‘ei naschius ad Ulm vegn tras quei era numnaus Giachen il Tudestg. Siu bab ei staus per el da pign ensi in bien exempel. Giachen prefereva il visitar baselgias, ils sogns Sacraments, urar e tedlar il plaid da Diu e fugir il puccau. Cun la benedicziun dil bab va il giuven da 25 onns a Ruma. Suenter haver visitau las baselgias, entra el a Neapel en survetsch d‘uiara. Per tema ch’el vegni surmenaus da ses paucs buns camerats, dat el si las armas e va a Capua en survetsch tier in cavalier. Entgins onns pli tard trai Giachen en la vestgadira ch’el veva priu da casa e fui discusamein da notg tochen a Bologna cun l’intenziun da puder da leu en sia patria. Cun visitar claustras e baselgias vegn il bien um tuccaus dil maun da Diu ch’el emblida patria ed ils da casa ed entra tiels dominicans en claustra. Cun ses 34 onns vul Giachen denton restar leu mo sco fra ed era surprender ils pli bass pensums claustrals. Di per di ha il sogn fra cun siu sedepurtar giu caschun da dar a tuts bien exempel. Naturalmein han ils prelats era empruau sia obedientscha. Mo fra Giachen obedescha adina tschoccamein tut alla grada. Sia castiadad pertgira el adina bein. Era il tgiep mortifichescha el cun vegilar, urar, giginar e cun penetienzias. Tier mintga tentaziun drezza fra Giachen sia egliada sil cruzifix e patratga vid la passiun da Cristus. Era viers ils malsauns porta el gronda carezia e survescha els cun pazienzia e quitau. Beinsavens enten consolar ed urar, ein malsauns puspei vegni sauns. Sco emprem en baselgia ura il sogn senza fin per vivs e morts. Silsuenter ademplescha el las lavurs en silenzi. Siu perfetg survient ha Diu era favorisau cun specialas grazias. Retratgs tier Diu tarlischa sia fatscha mintgamai cun splendur celestiala. In tal survient dil Segner lai il demuni naturalmein buca en ruaus. Quei malmund cumpara meinsvart en da tuttas macortas figuras per bastunar, morder e sgreflar il bien Giachen. Bein enqualga fuva sia cella emplenida da monsters infernals. Denton cun ina sontga crusch e cun urar igl uffeci da Nossadunna stuevan els capitular. Sco bien veneratur da Nossadunna, entscheiva e finescha il sogn il di cun salidar Maria, la mumma da Diu. En la vegliadetgna da mo 48 onns croda Giachen en sia davosa malsogna mortala. El metta giu ina confessiun generala, fa ricla, retscheiva ils sogns Sacraments e metta ils mauns en crusch sil pèz sco da durmir. Sia beada olma sgola sin quei en bratscha a siu divin Scaffider igl onn 1461. Biaras miraclas han affirmau la gronda gloria che quei sogn survient da Diu gauda en tschiel.
pdf: cheu l'entira historia / Sogn Giachen, confessur
Ils 12 d’october: Sogn Giachen, confessur
Sogn Giachen ch‘ei naschius ad Ulm vegn tras quei era numnaus Giachen il Tudestg. Siu bab ei staus per el da pign ensi in bien exempel. Giachen prefereva il visitar baselgias, ils sogns Sacraments, urar e tedlar il plaid da Diu e fugir il puccau. Cun la benedicziun dil bab va il giuven da 25 onns a Ruma. Suenter haver visitau las baselgias, entra el a Neapel en survetsch d‘uiara. Per tema ch’el vegni surmenaus da ses paucs buns camerats, dat el si las armas e va a Capua en survetsch tier in cavalier. Entgins onns pli tard trai Giachen en la vestgadira ch’el veva priu da casa e fui discusamein da notg tochen a Bologna cun l’intenziun da puder da leu en sia patria. Cun visitar claustras e baselgias vegn il bien um tuccaus dil maun da Diu ch’el emblida patria ed ils da casa ed entra tiels dominicans en claustra. Cun ses 34 onns vul Giachen denton restar leu mo sco fra ed era surprender ils pli bass pensums claustrals. Di per di ha il sogn fra cun siu sedepurtar giu caschun da dar a tuts bien exempel. Naturalmein han ils prelats era empruau sia obedientscha. Mo fra Giachen obedescha adina tschoccamein tut alla grada. Sia castiadad pertgira el adina bein. Era il tgiep mortifichescha el cun vegilar, urar, giginar e cun penetienzias. Tier mintga tentaziun drezza fra Giachen sia egliada sil cruzifix e patratga vid la passiun da Cristus. Era viers ils malsauns porta el gronda carezia e survescha els cun pazienzia e quitau. Beinsavens enten consolar ed urar, ein malsauns puspei vegni sauns. Sco emprem en baselgia ura il sogn senza fin per vivs e morts. Silsuenter ademplescha el las lavurs en silenzi. Siu perfetg survient ha Diu era favorisau cun specialas grazias. Retratgs tier Diu tarlischa sia fatscha mintgamai cun splendur celestiala. In tal survient dil Segner lai il demuni naturalmein buca en ruaus. Quei malmund cumpara meinsvart en da tuttas macortas figuras per bastunar, morder e sgreflar il bien Giachen. Bein enqualga fuva sia cella emplenida da monsters infernals. Denton cun ina sontga crusch e cun urar igl uffeci da Nossadunna stuevan els capitular. Sco bien veneratur da Nossadunna, entscheiva e finescha il sogn il di cun salidar Maria, la mumma da Diu. En la vegliadetgna da mo 48 onns croda Giachen en sia davosa malsogna mortala. El metta giu ina confessiun generala, fa ricla, retscheiva ils sogns Sacraments e metta ils mauns en crusch sil pèz sco da durmir. Sia beada olma sgola sin quei en bratscha a siu divin Scaffider igl onn 1461. Biaras miraclas han affirmau la gronda gloria che quei sogn survient da Diu gauda en tschiel.