Sogn Dionisi e ses cumpogns, marters. pdf: cheu l'entira historia / Ils 9 d’october: Sogn Dionisi e ses cumpogns, marters Sogn Dionisi Areopagita ei naschius ad Athena paucs dis suenter la naschientscha …Daplü
Sogn Dionisi e ses cumpogns, marters.
pdf: cheu l'entira historia /
Ils 9 d’october: Sogn Dionisi e ses cumpogns, marters
Sogn Dionisi Areopagita ei naschius ad Athena paucs dis suenter la naschientscha da Cristus. Quei perdert e sabi um ei sescolaus perfetgamein en filosofia ed astrologia e daventaus in dils emprems guvernaturs dil marcau. Sogn Dionisi seteneva si ell’ Egipta, cura che Jesus ei vegnius cruzifigaus. E leu vesa el la stermentusa stgirentada dil sulegl che veva cuzzau treis uras. El mira quella per enzatgei surnatural. El tuorna puspei en sia patria e daventa emprem derschader denter ils 12 derschaders dil tribunal grec d‘Aeropag. Denton arriva igl apiestel sogn Paul ad Athena ed entscheiva a perdegar il sogn evangeli en sinagogas e sin plazzas. La ductrina sur dalla sontga Trinitad, dalla incarnaziun, dalla passiun e levada dil fegl da Diu, gest quei ha il pievel pagaun buca vuliu capir. Perquei meinan els il sogn apiestel tiel tribunal, nua che Dionisi truava sco emprem derschader. Cheu ha sogn Paul rispundiu schi claramein davart sia ductrina che bein enqualin ein seconverti. Denter quels ei era Dionisi staus. El selai instruir els misteris dalla sontga cardientscha, vegn battegiaus ensemen cun sia dunna e daventa discipel da sogn Paul. Gia suenter treis onns retscheiva Dionisi il sacerdozi e daventa uestg d’Athena. Ils aunghels han lu menau il sogn a Gerusalem, per ch’el seigi leu presents tier la mort da Maria, la mumma da Diu. Silsuenter viseta el igl apiestel sogn Gion ch’era turnaus da l’insla Patmos ed ius ad Efesus. Lez cusseglia Dionisi d’encurir in successur ed ira a Ruma tier il papa. Papa Clemens I tarmetta lu el cun aunc dus cumpogns en Frontscha. Quels sogns missiunaris van a Paris a perdegar leu cun grond success. Quei pon ils sacerdots pagauns buca vertir e procuran che tuts treis vegnan avon il guvernatur Sisini. Per anflar els culpeivels, ha quel empruau da far adurar els ils dieus fauls, denton senza success. Sin quei lai il tiran torturar sogn Dionisi e ses cumpogns cun tut ils pusseivels turments. Tut quellas peinas suffrevan els cun cor legreivel e perquei vegnan els fiers avon ils liuns. Mo quels litgavan las plagas sco migeivels tschuts. Tut confundius siara il guvernatur sogn Dionisi en perschun ensemen culs auters perschuniers cristians. Quella notg ha el celebrau sia davosa sontga messa e pervergiau ils perschuniers. Duront quei survetsch divin ei Cristus cumparius ed empermess ad els la victoria. L’auter di, ils 9 d’october digl onn 119 ein quels cristians vegni scavazzai e ladinamein ei la miracla daventada. Il tgierp da sogn Dionisi leva en pei, pren siu tgau sin maun e porta quel tier la casa dalla devoziusa dunna Catulla. El surdat quel ad ella e semetta giu avon ses peis. La dunna zuppa quei grond scazzi e cumpra aunc ils corps dils dus auters cumpogns. En sia casa sur la fossa dils sogns marters lai ella baghegiar ina caplutta. Suenter la persecuziun ha il retg Dagobert I schau construir leu ina gronda baselgia ed ina claustra, dedicada a sogn Dionisi. Da leu naven ein tut ils retgs vegni satrai en quella baselgia ch’ei oz catedrala da Saint-Denis.
pdf: cheu l'entira historia /
Ils 9 d’october: Sogn Dionisi e ses cumpogns, marters
Sogn Dionisi Areopagita ei naschius ad Athena paucs dis suenter la naschientscha da Cristus. Quei perdert e sabi um ei sescolaus perfetgamein en filosofia ed astrologia e daventaus in dils emprems guvernaturs dil marcau. Sogn Dionisi seteneva si ell’ Egipta, cura che Jesus ei vegnius cruzifigaus. E leu vesa el la stermentusa stgirentada dil sulegl che veva cuzzau treis uras. El mira quella per enzatgei surnatural. El tuorna puspei en sia patria e daventa emprem derschader denter ils 12 derschaders dil tribunal grec d‘Aeropag. Denton arriva igl apiestel sogn Paul ad Athena ed entscheiva a perdegar il sogn evangeli en sinagogas e sin plazzas. La ductrina sur dalla sontga Trinitad, dalla incarnaziun, dalla passiun e levada dil fegl da Diu, gest quei ha il pievel pagaun buca vuliu capir. Perquei meinan els il sogn apiestel tiel tribunal, nua che Dionisi truava sco emprem derschader. Cheu ha sogn Paul rispundiu schi claramein davart sia ductrina che bein enqualin ein seconverti. Denter quels ei era Dionisi staus. El selai instruir els misteris dalla sontga cardientscha, vegn battegiaus ensemen cun sia dunna e daventa discipel da sogn Paul. Gia suenter treis onns retscheiva Dionisi il sacerdozi e daventa uestg d’Athena. Ils aunghels han lu menau il sogn a Gerusalem, per ch’el seigi leu presents tier la mort da Maria, la mumma da Diu. Silsuenter viseta el igl apiestel sogn Gion ch’era turnaus da l’insla Patmos ed ius ad Efesus. Lez cusseglia Dionisi d’encurir in successur ed ira a Ruma tier il papa. Papa Clemens I tarmetta lu el cun aunc dus cumpogns en Frontscha. Quels sogns missiunaris van a Paris a perdegar leu cun grond success. Quei pon ils sacerdots pagauns buca vertir e procuran che tuts treis vegnan avon il guvernatur Sisini. Per anflar els culpeivels, ha quel empruau da far adurar els ils dieus fauls, denton senza success. Sin quei lai il tiran torturar sogn Dionisi e ses cumpogns cun tut ils pusseivels turments. Tut quellas peinas suffrevan els cun cor legreivel e perquei vegnan els fiers avon ils liuns. Mo quels litgavan las plagas sco migeivels tschuts. Tut confundius siara il guvernatur sogn Dionisi en perschun ensemen culs auters perschuniers cristians. Quella notg ha el celebrau sia davosa sontga messa e pervergiau ils perschuniers. Duront quei survetsch divin ei Cristus cumparius ed empermess ad els la victoria. L’auter di, ils 9 d’october digl onn 119 ein quels cristians vegni scavazzai e ladinamein ei la miracla daventada. Il tgierp da sogn Dionisi leva en pei, pren siu tgau sin maun e porta quel tier la casa dalla devoziusa dunna Catulla. El surdat quel ad ella e semetta giu avon ses peis. La dunna zuppa quei grond scazzi e cumpra aunc ils corps dils dus auters cumpogns. En sia casa sur la fossa dils sogns marters lai ella baghegiar ina caplutta. Suenter la persecuziun ha il retg Dagobert I schau construir leu ina gronda baselgia ed ina claustra, dedicada a sogn Dionisi. Da leu naven ein tut ils retgs vegni satrai en quella baselgia ch’ei oz catedrala da Saint-Denis.