La solemnitad dil sogn Rusari. pdf: cheu l’entira historia Ils 7 d’october: La solemnitad dil Sogn Rusari L’emprema dumengia d’october festivescha la Baselgia catolica la solemnitad dil sogn Rusari.…Daplü
La solemnitad dil sogn Rusari.
pdf: cheu l’entira historia
Ils 7 d’october: La solemnitad dil Sogn Rusari
L’emprema dumengia d’october festivescha la Baselgia catolica la solemnitad dil sogn Rusari. Nossadunna sezza veva avisau sogn Dumeni da mussar e derasar tala devoziun encunter ils Albiganes che attaccavan groppamein la honur e la pussonza dalla Regina dil tschiel.
Ils Tercs cun lur pussonza e lur armas victoriusas vevan gia daditg e pliras ga smanatschau e tementau la carstgaunadad da sepatrunar dall’entira Europa e tschentar sia bandiera enamiez il marcau da Ruma. Selim il secund, fegl da Sultan Suliman sesenteva ussa schi gagliards e ferms ch’el carteva che negin possi far frunt ad el. El semetta sin la mar cun ina stermentusa armada cul meini da puder tier l’entira Italia. Ils cristians ein vegni da metter ensemen mo ina pintga armada che vess naturalmein giu negina speronza da puder dumignar igl inimitg. Cheu ha sogn papa Pius V. admoniu ils fideivels da rugar Diu per agid e specialmein prender refugi tier Maria, la Regina dil tschiel. Ils Tercs ch’ein vegni avisai ch’ils cristians seigien parti da Corfu per vegnir encunter, mo rievan e fagevan gia ils plans co tschinclar en las navs e sfundrar ellas. Las armadas crodan beingleit ina encunter l’autra. Ils cristians cloman sur dad els la protecziun dalla beada purschala Maria e semettan en schanuglias avon il maletg da Nossadunna ch’era tschentaus sin mintga nav. La schuldada salida lu la bandiera cul maletg da Jesus Cristus ch’il papa veva dau ad els.
Il vent suffla en favur dils Tercs. Ils cristians rogan ussa aunc pli fervent Nossadunna da po star tier a quella pintga e fleivla armada. E tut anetg semida il vent encunter ils Tercs aschia ch’ils cristians han tschaffau curascha ed en cuort pigliau il surmaun. Il general Ali Bassa vegn mazzaus ed ils Tercs seretrain encunter la tiara e piardan ina galera suenter l‘autra. La victoria vegn proclamada gest en quei mument che la confraternitad dil sogn Rusari fageva a Ruma las usitadas supplicas ed oraziuns per urbir ora da Maria la benedicziun divina sin las armas dils cristians. Sin fundament da quei, ha papa Pius V. introduciu la fiasta dil sogn Rusari sut il num da Nossadunna dalla victoria. Papa Gregor VIII. ha lu fixau la fiasta da Maria, Regina dil sogn Rusari sin l’emprema dumengia d’october, essend che la victoria fuva succedida ils 7 d’october.
pdf: cheu l’entira historia
Ils 7 d’october: La solemnitad dil Sogn Rusari
L’emprema dumengia d’october festivescha la Baselgia catolica la solemnitad dil sogn Rusari. Nossadunna sezza veva avisau sogn Dumeni da mussar e derasar tala devoziun encunter ils Albiganes che attaccavan groppamein la honur e la pussonza dalla Regina dil tschiel.
Ils Tercs cun lur pussonza e lur armas victoriusas vevan gia daditg e pliras ga smanatschau e tementau la carstgaunadad da sepatrunar dall’entira Europa e tschentar sia bandiera enamiez il marcau da Ruma. Selim il secund, fegl da Sultan Suliman sesenteva ussa schi gagliards e ferms ch’el carteva che negin possi far frunt ad el. El semetta sin la mar cun ina stermentusa armada cul meini da puder tier l’entira Italia. Ils cristians ein vegni da metter ensemen mo ina pintga armada che vess naturalmein giu negina speronza da puder dumignar igl inimitg. Cheu ha sogn papa Pius V. admoniu ils fideivels da rugar Diu per agid e specialmein prender refugi tier Maria, la Regina dil tschiel. Ils Tercs ch’ein vegni avisai ch’ils cristians seigien parti da Corfu per vegnir encunter, mo rievan e fagevan gia ils plans co tschinclar en las navs e sfundrar ellas. Las armadas crodan beingleit ina encunter l’autra. Ils cristians cloman sur dad els la protecziun dalla beada purschala Maria e semettan en schanuglias avon il maletg da Nossadunna ch’era tschentaus sin mintga nav. La schuldada salida lu la bandiera cul maletg da Jesus Cristus ch’il papa veva dau ad els.
Il vent suffla en favur dils Tercs. Ils cristians rogan ussa aunc pli fervent Nossadunna da po star tier a quella pintga e fleivla armada. E tut anetg semida il vent encunter ils Tercs aschia ch’ils cristians han tschaffau curascha ed en cuort pigliau il surmaun. Il general Ali Bassa vegn mazzaus ed ils Tercs seretrain encunter la tiara e piardan ina galera suenter l‘autra. La victoria vegn proclamada gest en quei mument che la confraternitad dil sogn Rusari fageva a Ruma las usitadas supplicas ed oraziuns per urbir ora da Maria la benedicziun divina sin las armas dils cristians. Sin fundament da quei, ha papa Pius V. introduciu la fiasta dil sogn Rusari sut il num da Nossadunna dalla victoria. Papa Gregor VIII. ha lu fixau la fiasta da Maria, Regina dil sogn Rusari sin l’emprema dumengia d’october, essend che la victoria fuva succedida ils 7 d’october.
Ina bellezzia e fetg instructiva presentaziun:
"Nossadunna sezza have avisau sogn Dumeni da mussar e derasar tala devoziun encunter ils albegines che attaccavan groppamein la honur e la pussonza dalla Regina dil Tschiel."
Lein duvrar il sogn rusari oz encunter ils albegines moderns!Daplü
Ina bellezzia e fetg instructiva presentaziun:
"Nossadunna sezza have avisau sogn Dumeni da mussar e derasar tala devoziun encunter ils albegines che attaccavan groppamein la honur e la pussonza dalla Regina dil Tschiel."
Lein duvrar il sogn rusari oz encunter ils albegines moderns!
"Nossadunna sezza have avisau sogn Dumeni da mussar e derasar tala devoziun encunter ils albegines che attaccavan groppamein la honur e la pussonza dalla Regina dil Tschiel."
Lein duvrar il sogn rusari oz encunter ils albegines moderns!