Sogn Marius e sontga Marta.
pdf: cheu l’entira historia
Ils 19 da schaner: Sogn Marius e sontga Marta cun lur dus fegls Audifax ed Abacum, marters
Entuorn igl onn 268 dil temps digl imperatur Claudius il secund, viveva en Persia in niebel cavalier cul num Marius. Ensemen cun sia dunna Marta ed ils dus fegls eis el ius a Ruma per visitar ils sanctuaris, las reliquias e las fossas dils sogns, particularmein quellas da sogn Pieder e sogn Paul. Els visitavan e gidavan era ils cristians en las perschuns, devan almosnas e satravan ils morts.
Da quei temps vegnevan ils fideivels fetg persequitai e marterisai. Sin camond digl imperatur ein ils quater devozius vegni mess a ferm, perquei ch’ei era vegniu ad ureglia al tiran, che quels devozius pelegrins setegnien si a Ruma e fetschien ovras da misericordia. Lu damonda Claudius danunder els vegnien, ord tgei motivs els seigien vegni a Ruma, sut tgei condiziuns e tgei rauba u daners ch’els hagien.
Udend il tiran la risposta da Marius che sia rauba …Daplü