Francis Awabembeleza "Vijana" Bandia Wa Mrengo Wa Kushoto

Kwa kauli yake ya kawaia ya "Zungumza kwa ujasiri, usione aibu", Papa Francis alihutubia mkutano wa matayarisho ya sinodi uliokuwa umehudhuriwa na wapinduzi 300 wakali wa mrengo wa kushoto ambao walichaguliwa na kualikwa na Francis ili kuwawakilisha "vijana". Wakati wa mkutano wao wa kwanza mnamo tarehe 19 mwezi Machi huko Rome, aliwaambia wasema "wanachohisi".

Francis alitoa mwito kwa Kanisa liwasikilize "vijana" ambao yeye mwenyewe hakuwachagua miongoni mwa Wakatoliki ila miongoni mwa watu wasiosadiki uwepo wa Mungu na wachukia serikali. Hivi, Francis anajaribu kuelewa anachokitaka "Mungu" kutoka kwa Kanisa "la leo".

Sio jambo la kushangaza kuwa mjumbe wa Australia Angela Markas aliambia mkutano huo wa matayarisho ya Sinodi kwamba anataka mjadala kuhusu jinsia, ndoa za kishoga na jukumu la wanawake, yaani masuala ya kawaida ambayo hukuzwa na vyombo vya habari vya kibiashara ambavyo hufaana nayo.

Mvatikani Cindy wooden aliandika kwenye mtandao wa Twitter kwamba Francis alijibu swali kwa kusema vijana hawafai "kuogopa tattoo" huku akiongeza kuwa, "ila msizidishe, sawa?" Au alisema kwamba "Michezo imepoteza furaha kwa ajili ya utaalamu."

Tukio hilo ambalo lilipeperushwa moja kwa moja kwenye mitandao ya kijamii halikupata watazamaji angalau 800 kwa jumla. Tayari katika asubuhi ya kwanza ya mkutano huo wa matayarisho ya sinodi, "vijana" waliokuwa wamechaguliwa walionekana kuchoshwa na maeneo ya kawaida ya Francis.

#newsNhwitismxs