La scavazzada da sogn Gion Battesta. pdf: cheu l'entira historia / La scavazzada da sogn Gion Battesta Ils 29 d’uost: La scavazzada da sogn Gion Battesta Sogn Gion Battesta il mess da Cristus e …Altro
La scavazzada da sogn Gion Battesta.
pdf: cheu l'entira historia / La scavazzada da sogn Gion Battesta
Ils 29 d’uost: La scavazzada da sogn Gion Battesta
Sogn Gion Battesta il mess da Cristus e predicatur dalla penetienzia ei gia da pign entraus el desiert e viviu leu entuorn 25 onns en rigurusa penetienzia. El purtava ina rassa ord peil camel ed ina tschenta da curom entuorn veta. Da saleps e mèl selvadi eis el senutrius entochen ch’el ha giu contonschiu la vegliadetgna da 29 onns. Lu vegn el avisaus dil sogn Spért dad ir a perdegar la penetienzia, sinaquei ch’il pievel prepari la via dil Segner e Salvader dil mund. Envidaus da ton ardiment e vestgius cun pial camel ed a pei blut, vegn el ord il desiert alla riva dil flum Jordan. Cun aulta vusch ed inflamaus dalla carezia, entscheiva el a perdegar: Fagei penetienzia, pertgei il reginavel da tschiel ei damaneivel! El camonda da dar si puccaus e vezis, da far penetienzia e da preparar la via dil Segner. Pertgei quel che prendi naven ils puccaus dil mund seigi gia vegnius. El muossa da far ovras da misericordia e co viver. Gion Battesta instruescha e battegia quels che vegnan tier el per seschar instruir per la vegnida dil Messias. Sia sontga veta e ferventa ductrina sederasa cun tutta forza per l’entira Giudea. Da tuttas varts arriva la glieud per tedlar ses plaids e biars daventan ses discipels. Denter quels sesanflan farisès e sadducès ed era gedius che manegian ch’el seigi il Mesias. Mo Gion Battesta sco grond mussader da tuttas vertids, resta humiliteivels e numna sesez nuot auter ch’ina vusch dad in che cloma el desiert: Preparei la via dil Segner! Ed el confessa ch’el seigi buca vengonz da snuar las curegias da ses calzers. Ferton che sogn Gion Battesta battegia e perdegia, ei Jesus da Nazaret vegnius tiel Jordan per seschar battegiar. Gion Battesta enconuscha tras ina glisch surnaturala il Salvader dil mund. El sestgisa da battegiar il tschut da Diu, schend: Jeu hai da basegns da vegnir battegiaus da tei e ti vegns tier mei? Mo Jesus ha rispundiu: Quei sto esser aschia per che la giustia secumpleini. Sogn Gion Battesta ha obediu e battegiau siu divin Salvader. Da cheu naven ha el buca schau sut da palesar al pievel la buna nova. Da quei temps veva il retg Herodes Antipa priu tier el Herodias, la dunna da siu frar Filipp per concubina ed els menavan ina veta scandalusa. Sogn Gion Battesta perdegia ussa senza tema encunter quei scandel ed el di: Igl ei buca lubiu a ti da ver la dunna da tiu frar! Entras ella lai Herodes metter a ferm il sogn, pertgei Herodias encureva da far vendetga encunter sogn Gion Battesta. Il di che Herodes festivescha solemnamein siu natalezi, cumpara Salome, la feglia da Herodias. Per divertir la rimnada ha ella entschiet a saltar schi gentilmein che Herodes ha empermess da dar ad ella tgei ch’ella mo giavischi. Salome sevolva tier la mumma per cussegl; e lezza garegia ussa nuot auter ch’il tgau da sogn Gion Battesta. Herodes sto star da plaid e lai scavazzar il sogn. Sin ina scadiala surdat in ufficial dil retg il tgau a Salome per presentar el al retg ed a sia mumma. Buca ditg suenter ei Herodes cun sia concubina vegnius bandischaus ord la tiara ed omisdus ein morts a Lyon. Sogn Gion Battesta veva entuorn 32 onns cura ch’el ei vegnius scavazzaus. Ses disipels che audan dil fatg, vegnan e satiaran il tgierp a Samaria el marcau da Sebaste sper las fossas dils profets Eliseus ed Abdias. Biaras miraclas ein sinquei daventadas e perquei lai igl imperatur Julian Apostata barschar ina part da quei sogn tgierp. Ina part dalla ossa dil sogn han zacons fideivels saviu spindrar e parter ora en l‘Italia, Frontscha, Malta, Turin e Veniescha. Il tgau da sogn Gion Battesta han ins ditg suenter anflau el palaz da Herodes. Dapi igl onn 460 vegn la sontga reliquia venerada a Ruma en la baselgia da sogn Silvester.
pdf: cheu l'entira historia / La scavazzada da sogn Gion Battesta
Ils 29 d’uost: La scavazzada da sogn Gion Battesta
Sogn Gion Battesta il mess da Cristus e predicatur dalla penetienzia ei gia da pign entraus el desiert e viviu leu entuorn 25 onns en rigurusa penetienzia. El purtava ina rassa ord peil camel ed ina tschenta da curom entuorn veta. Da saleps e mèl selvadi eis el senutrius entochen ch’el ha giu contonschiu la vegliadetgna da 29 onns. Lu vegn el avisaus dil sogn Spért dad ir a perdegar la penetienzia, sinaquei ch’il pievel prepari la via dil Segner e Salvader dil mund. Envidaus da ton ardiment e vestgius cun pial camel ed a pei blut, vegn el ord il desiert alla riva dil flum Jordan. Cun aulta vusch ed inflamaus dalla carezia, entscheiva el a perdegar: Fagei penetienzia, pertgei il reginavel da tschiel ei damaneivel! El camonda da dar si puccaus e vezis, da far penetienzia e da preparar la via dil Segner. Pertgei quel che prendi naven ils puccaus dil mund seigi gia vegnius. El muossa da far ovras da misericordia e co viver. Gion Battesta instruescha e battegia quels che vegnan tier el per seschar instruir per la vegnida dil Messias. Sia sontga veta e ferventa ductrina sederasa cun tutta forza per l’entira Giudea. Da tuttas varts arriva la glieud per tedlar ses plaids e biars daventan ses discipels. Denter quels sesanflan farisès e sadducès ed era gedius che manegian ch’el seigi il Mesias. Mo Gion Battesta sco grond mussader da tuttas vertids, resta humiliteivels e numna sesez nuot auter ch’ina vusch dad in che cloma el desiert: Preparei la via dil Segner! Ed el confessa ch’el seigi buca vengonz da snuar las curegias da ses calzers. Ferton che sogn Gion Battesta battegia e perdegia, ei Jesus da Nazaret vegnius tiel Jordan per seschar battegiar. Gion Battesta enconuscha tras ina glisch surnaturala il Salvader dil mund. El sestgisa da battegiar il tschut da Diu, schend: Jeu hai da basegns da vegnir battegiaus da tei e ti vegns tier mei? Mo Jesus ha rispundiu: Quei sto esser aschia per che la giustia secumpleini. Sogn Gion Battesta ha obediu e battegiau siu divin Salvader. Da cheu naven ha el buca schau sut da palesar al pievel la buna nova. Da quei temps veva il retg Herodes Antipa priu tier el Herodias, la dunna da siu frar Filipp per concubina ed els menavan ina veta scandalusa. Sogn Gion Battesta perdegia ussa senza tema encunter quei scandel ed el di: Igl ei buca lubiu a ti da ver la dunna da tiu frar! Entras ella lai Herodes metter a ferm il sogn, pertgei Herodias encureva da far vendetga encunter sogn Gion Battesta. Il di che Herodes festivescha solemnamein siu natalezi, cumpara Salome, la feglia da Herodias. Per divertir la rimnada ha ella entschiet a saltar schi gentilmein che Herodes ha empermess da dar ad ella tgei ch’ella mo giavischi. Salome sevolva tier la mumma per cussegl; e lezza garegia ussa nuot auter ch’il tgau da sogn Gion Battesta. Herodes sto star da plaid e lai scavazzar il sogn. Sin ina scadiala surdat in ufficial dil retg il tgau a Salome per presentar el al retg ed a sia mumma. Buca ditg suenter ei Herodes cun sia concubina vegnius bandischaus ord la tiara ed omisdus ein morts a Lyon. Sogn Gion Battesta veva entuorn 32 onns cura ch’el ei vegnius scavazzaus. Ses disipels che audan dil fatg, vegnan e satiaran il tgierp a Samaria el marcau da Sebaste sper las fossas dils profets Eliseus ed Abdias. Biaras miraclas ein sinquei daventadas e perquei lai igl imperatur Julian Apostata barschar ina part da quei sogn tgierp. Ina part dalla ossa dil sogn han zacons fideivels saviu spindrar e parter ora en l‘Italia, Frontscha, Malta, Turin e Veniescha. Il tgau da sogn Gion Battesta han ins ditg suenter anflau el palaz da Herodes. Dapi igl onn 460 vegn la sontga reliquia venerada a Ruma en la baselgia da sogn Silvester.