Sogn Hiacint, confessur. pdf: cheu l'entira historia / / Sogn Hiacint, confessur Ils 17 d’uost: Sogn Hiacint, confessur Sogn Hiacint vegneva tenius per special ornament digl uorden da sogn Dumeni. …Daplü
Sogn Hiacint, confessur.
pdf: cheu l'entira historia / / Sogn Hiacint, confessur
Ils 17 d’uost: Sogn Hiacint, confessur
Sogn Hiacint vegneva tenius per special ornament digl uorden da sogn Dumeni. Naschius fuva el igl onn 1181 en Pologna el casti da Sasso che sesanfla egl uestgiu da Breslau. Ses studis ha el giu absolviu a Krakau, Prag ed a Bologna. Muort sia gronda pietad e sabientscha eis el daventaus canoni en la baselgia gronda da Krakau, nua che siu aug Ivo fuva uestg. Cun sia exemplarica veta tarlischava Hiacint denter ils canonis sco il sulegl denter las steilas. Era tier Nossadunna purtava el speciala veneraziun. Uestg Ivo che va a Ruma per lugar diversas fatschentas, pren cun el siu nevs Hiacint e quei gest il temps che sogn Dumeni veva leventau da mort en veta il nevs da cardinal Stiafen. Igl uestg damonda sogn Dumeni per zacons paders per la Pologna. Sogn Hiacint cun aunc treis da ses cumpogns han lu dumandau d’entrar sco paders egl uorden da sogn Dumeni. Cun legherment ha el priu si els e sez vestgiu sogn Hiacint el convent da sontga Sabina. En cuort temps ha sogn Dumeni viu tier tgei perfecziun siu noviz fussi arrivaus. Cun lubientscha dil papa metter el giu il profess. Cun la benedicziun da sogn Dumeni banduna el Ruma. Cun aunc treis gidonters traversescha las alps. Egl uestgiu da Salzburg setegn el si in temps e baghegia leu ina gronda claustra per saver retscheiver ils biars novizs. Quella surdat el lu ad in da ses cumpogns e va culs auters dus viers Krakau. En cuort temps ha Hiacint baghegiau en Pologna aunc quater autras claustras digl uorden da sogn Dumeni. El fuva adina favorisaus cun tut quei che fageva da basegns, pertgei la Regina dil tschiel fuva adina sia protectura. Igl onn 1221 duront che Hiacint meditava ils misteris dall’Assumziun ei Nossadunna cumparida en cumpignia da biars aunghels e detg: Selegra, pertgei tias oraziuns ein fetg amureivlas ton a miu Fegl sco a mi. Sin mia intercessiun vegns ti a retscheiver da miu Fegl tut quei che ti damondas. Tut consolaus cuntinuescha el da derasar il sogn uorden en Boemia e Schlesia. A Cujavie veva el convertiu biars herets e baghegiau ina claustra dedicada alla mumma da Diu. Cura ch’ils Tartars ein lu ruts en el marcau, ha Hiacint priu il sontgissim Sacrament digl altar e la statua da Nossadunna e fugius dils persequitaders viers Krakau. Entras ina miracla fuva la statua d’alabaster daventada schi leva ch’el ha saviu purtar quella mo cun in maun. Aunc cun biaras autras miraclas ha Diu honorau siu survient sin intercessiun da Maria. La bulla da sia canonisaziun fa schizun menziun da 1200 miraclas. Cun ardiment apostolic ei sogn Hiacint duront circa 40 onns, di e notg sestentaus da converter tier Cristus herets, schismats e pagauns. Bein provedius culs sogns sacraments ha el lu rendiu si’olma al divin Scaffider, ils 15 d’uost digl onn 1557. Igl onn 1594 eis el vegnius canonisaus da papa Clemens VIII.
pdf: cheu l'entira historia / / Sogn Hiacint, confessur
Ils 17 d’uost: Sogn Hiacint, confessur
Sogn Hiacint vegneva tenius per special ornament digl uorden da sogn Dumeni. Naschius fuva el igl onn 1181 en Pologna el casti da Sasso che sesanfla egl uestgiu da Breslau. Ses studis ha el giu absolviu a Krakau, Prag ed a Bologna. Muort sia gronda pietad e sabientscha eis el daventaus canoni en la baselgia gronda da Krakau, nua che siu aug Ivo fuva uestg. Cun sia exemplarica veta tarlischava Hiacint denter ils canonis sco il sulegl denter las steilas. Era tier Nossadunna purtava el speciala veneraziun. Uestg Ivo che va a Ruma per lugar diversas fatschentas, pren cun el siu nevs Hiacint e quei gest il temps che sogn Dumeni veva leventau da mort en veta il nevs da cardinal Stiafen. Igl uestg damonda sogn Dumeni per zacons paders per la Pologna. Sogn Hiacint cun aunc treis da ses cumpogns han lu dumandau d’entrar sco paders egl uorden da sogn Dumeni. Cun legherment ha el priu si els e sez vestgiu sogn Hiacint el convent da sontga Sabina. En cuort temps ha sogn Dumeni viu tier tgei perfecziun siu noviz fussi arrivaus. Cun lubientscha dil papa metter el giu il profess. Cun la benedicziun da sogn Dumeni banduna el Ruma. Cun aunc treis gidonters traversescha las alps. Egl uestgiu da Salzburg setegn el si in temps e baghegia leu ina gronda claustra per saver retscheiver ils biars novizs. Quella surdat el lu ad in da ses cumpogns e va culs auters dus viers Krakau. En cuort temps ha Hiacint baghegiau en Pologna aunc quater autras claustras digl uorden da sogn Dumeni. El fuva adina favorisaus cun tut quei che fageva da basegns, pertgei la Regina dil tschiel fuva adina sia protectura. Igl onn 1221 duront che Hiacint meditava ils misteris dall’Assumziun ei Nossadunna cumparida en cumpignia da biars aunghels e detg: Selegra, pertgei tias oraziuns ein fetg amureivlas ton a miu Fegl sco a mi. Sin mia intercessiun vegns ti a retscheiver da miu Fegl tut quei che ti damondas. Tut consolaus cuntinuescha el da derasar il sogn uorden en Boemia e Schlesia. A Cujavie veva el convertiu biars herets e baghegiau ina claustra dedicada alla mumma da Diu. Cura ch’ils Tartars ein lu ruts en el marcau, ha Hiacint priu il sontgissim Sacrament digl altar e la statua da Nossadunna e fugius dils persequitaders viers Krakau. Entras ina miracla fuva la statua d’alabaster daventada schi leva ch’el ha saviu purtar quella mo cun in maun. Aunc cun biaras autras miraclas ha Diu honorau siu survient sin intercessiun da Maria. La bulla da sia canonisaziun fa schizun menziun da 1200 miraclas. Cun ardiment apostolic ei sogn Hiacint duront circa 40 onns, di e notg sestentaus da converter tier Cristus herets, schismats e pagauns. Bein provedius culs sogns sacraments ha el lu rendiu si’olma al divin Scaffider, ils 15 d’uost digl onn 1557. Igl onn 1594 eis el vegnius canonisaus da papa Clemens VIII.