Sogn Flurin, augsegner da Ramosch, confessur. pdf: cheu l'entira historia / Sogn Flurin, augsegner da Ramosch, confessur Ils 17 da november: Sogn Flurin, augsegner da Ramosch, confessur Il bab da sogn …Daplü
Sogn Flurin, augsegner da Ramosch, confessur.
pdf: cheu l'entira historia / Sogn Flurin, augsegner da Ramosch, confessur
Ils 17 da november: Sogn Flurin, augsegner da Ramosch, confessur
Il bab da sogn Flurin fuva in englès e la mumma ina gediua. Omisdus eran i a Ruma sco pelegrins e leu sentupai tier visitar las reliquias dils sogns. Returnond da Ruma han el passau il Tirol dil sid e lu secasai en la Val Venusta ni oz Vintschgau. Diu ha benediu quella lètg cun in fegl ch’els han el sogn Batten numnau Flurin. Quei affon han els educau cun tutta premura en la pietad e tema da Diu. Flurin vegn scolaus a Ramosch ell‘Engiadina bassa dil spiritual Alexander, tier il qual el steva era en dunsena. Muort sias bunas vertits ha el lu schizun astgau surprender il guvern dalla casa. El casti damaneivel da Ramosch vegneva il da viver deponius per segirtad encunter ils Tudestgs che sblundergiavan savens la tiara. Quei ch’igl augsegner duvrava per viver, stueva Flurin procurar neu dil casti. Tras quei entupava el savens paupers sin via, als quals el deva almosnas. Quei veva la guardia dil casti observau e tgisau al spiritual Alexander. Perquei ch’el veva dau inaga il vin ad ina paupra dunna, ha la guadia buca pli schau turnar el el casti per auter vin. Flurin ha sefidau sin Diu ed empleniu il ruog cun aua. In dils guardians vesa quei e cuora ordavon e tgisa tut al spiritual. Da gentar porta Flurin il ruog e roga da dar ina benedicziun avon che derscher ora. Igl augsegner schagia ussa cul meini ch’ei savessi esser mo aua. Mo el sto sincerar ch’el hagi aunc mai buiu in schi bien vin. El s’enclina avon Flurin e di: Jeu sun buca vengonz che ti seigies miu survient. Dad uss naven vi jeu surdar a ti il guvern dallas olmas, sche ti retscheivas il sacerdozi. Sinquei seretrai sogn Flurin en in liug solitari per viver leu sco eremit ina veta strentga e sontga. Cun ditg rugar ha Alexander dumignau che Flurin ha lu acceptau il stan sacerdotal. Cuort suenter la mort digl augsegner Alexander ha igl entir pievel vuliu Flurin per lur spiritual. Suenter biars onns da pastoraziun ha el sentiu la fin da sia veta ed ha aunc mussau a siu pievel il liug, nua e co el lessi vegnir satraus. El vul dus vischals: In per siu tgierp che duei vegnir satraus sco emprem. L’auter cun la paramenta, duei vegnir enferraus cun tscherchels e guottas e lu tschentaus cun tratsch sil miu. Pertgei in di vegnan mes parents a vuler prender mei a Mals e lu veis vus negins fastedis, cura ch’els anflan quei vischi. Ils 17 da november digl onn 856 ei il sogn morts ed fuva vegnius satraus tenor siu giavisch. E veramein, ils parents ein lu vegni ed ins ha aviert la fossa. Cura ch’ils da Mals han viu il vischi enferrau, han els cun legherment purtau quel en lur pleiv, cartend ch’els hagien survegniu il sogn. Quella innocenta malezia ha sogn Flurin giu ordinau, per ch’el resti tier sias nuorsas e ch‘ei vegni buca spos saung pervia da siu tgierp. Culs onns fuva sogn Flurin ius en emblidonza e negin saveva pli dalla fossa. Ina notg ei il sogn cumparius agl augsegner dalla pleiv e detg nua ch’ins anfli el e ch’ins duei satrar el en baselgia da sogn Pieder davos gl’altar. Pér tier la tiarza visiun cloma il spiritual ensemen ils resposabels e camonda alla pleiv da far treis dis gigina ed oraziun, per che Diu laschi enconuscher sia divina voluntad. Lura serendan tuts en processiun cun candeilas ardentas ed intschenser sin santeri. Els arvan la fossa ed anflan per grond smarvegl il sogn aunc bials ed entirs el vischi. El ei lu vegnius lavaus giu cun vin cauld e silsuenter satraus en in niev vischi davos igl altar da sogn Pieder, sco ei fuva cumandau. Il vin ch’ins veva duvrau da schubergiar il tgierp ei vegnius salvaus si en ina butteglia sur sia fossa. Tuts malsauns e mendus che retschevevan mo in daguot da quei vin, daventavan puspei sauns. Perquei vegn sogn Flurin savens malegiaus cun ina butteglia enta maun.
pdf: cheu l'entira historia / Sogn Flurin, augsegner da Ramosch, confessur
Ils 17 da november: Sogn Flurin, augsegner da Ramosch, confessur
Il bab da sogn Flurin fuva in englès e la mumma ina gediua. Omisdus eran i a Ruma sco pelegrins e leu sentupai tier visitar las reliquias dils sogns. Returnond da Ruma han el passau il Tirol dil sid e lu secasai en la Val Venusta ni oz Vintschgau. Diu ha benediu quella lètg cun in fegl ch’els han el sogn Batten numnau Flurin. Quei affon han els educau cun tutta premura en la pietad e tema da Diu. Flurin vegn scolaus a Ramosch ell‘Engiadina bassa dil spiritual Alexander, tier il qual el steva era en dunsena. Muort sias bunas vertits ha el lu schizun astgau surprender il guvern dalla casa. El casti damaneivel da Ramosch vegneva il da viver deponius per segirtad encunter ils Tudestgs che sblundergiavan savens la tiara. Quei ch’igl augsegner duvrava per viver, stueva Flurin procurar neu dil casti. Tras quei entupava el savens paupers sin via, als quals el deva almosnas. Quei veva la guardia dil casti observau e tgisau al spiritual Alexander. Perquei ch’el veva dau inaga il vin ad ina paupra dunna, ha la guadia buca pli schau turnar el el casti per auter vin. Flurin ha sefidau sin Diu ed empleniu il ruog cun aua. In dils guardians vesa quei e cuora ordavon e tgisa tut al spiritual. Da gentar porta Flurin il ruog e roga da dar ina benedicziun avon che derscher ora. Igl augsegner schagia ussa cul meini ch’ei savessi esser mo aua. Mo el sto sincerar ch’el hagi aunc mai buiu in schi bien vin. El s’enclina avon Flurin e di: Jeu sun buca vengonz che ti seigies miu survient. Dad uss naven vi jeu surdar a ti il guvern dallas olmas, sche ti retscheivas il sacerdozi. Sinquei seretrai sogn Flurin en in liug solitari per viver leu sco eremit ina veta strentga e sontga. Cun ditg rugar ha Alexander dumignau che Flurin ha lu acceptau il stan sacerdotal. Cuort suenter la mort digl augsegner Alexander ha igl entir pievel vuliu Flurin per lur spiritual. Suenter biars onns da pastoraziun ha el sentiu la fin da sia veta ed ha aunc mussau a siu pievel il liug, nua e co el lessi vegnir satraus. El vul dus vischals: In per siu tgierp che duei vegnir satraus sco emprem. L’auter cun la paramenta, duei vegnir enferraus cun tscherchels e guottas e lu tschentaus cun tratsch sil miu. Pertgei in di vegnan mes parents a vuler prender mei a Mals e lu veis vus negins fastedis, cura ch’els anflan quei vischi. Ils 17 da november digl onn 856 ei il sogn morts ed fuva vegnius satraus tenor siu giavisch. E veramein, ils parents ein lu vegni ed ins ha aviert la fossa. Cura ch’ils da Mals han viu il vischi enferrau, han els cun legherment purtau quel en lur pleiv, cartend ch’els hagien survegniu il sogn. Quella innocenta malezia ha sogn Flurin giu ordinau, per ch’el resti tier sias nuorsas e ch‘ei vegni buca spos saung pervia da siu tgierp. Culs onns fuva sogn Flurin ius en emblidonza e negin saveva pli dalla fossa. Ina notg ei il sogn cumparius agl augsegner dalla pleiv e detg nua ch’ins anfli el e ch’ins duei satrar el en baselgia da sogn Pieder davos gl’altar. Pér tier la tiarza visiun cloma il spiritual ensemen ils resposabels e camonda alla pleiv da far treis dis gigina ed oraziun, per che Diu laschi enconuscher sia divina voluntad. Lura serendan tuts en processiun cun candeilas ardentas ed intschenser sin santeri. Els arvan la fossa ed anflan per grond smarvegl il sogn aunc bials ed entirs el vischi. El ei lu vegnius lavaus giu cun vin cauld e silsuenter satraus en in niev vischi davos igl altar da sogn Pieder, sco ei fuva cumandau. Il vin ch’ins veva duvrau da schubergiar il tgierp ei vegnius salvaus si en ina butteglia sur sia fossa. Tuts malsauns e mendus che retschevevan mo in daguot da quei vin, daventavan puspei sauns. Perquei vegn sogn Flurin savens malegiaus cun ina butteglia enta maun.
