Sogn Didactus ni Diego, confessur. pdf: cheu l'entira historia / Ils 14 da november: Sogn Didactus ni Diego, confessur Sogn Diego, naschius ad Alcalà en Spagna entuorn ils onns 1400, ei daventaus fra …Daplü
Sogn Didactus ni Diego, confessur.
pdf: cheu l'entira historia /
Ils 14 da november: Sogn Didactus ni Diego, confessur
Sogn Diego, naschius ad Alcalà en Spagna entuorn ils onns 1400, ei daventaus fra digl uorden da sogn Francestg Serafic. Cun siu devozius viver gia da pign ensi, setegn il giuven ussa si tier in spiritual eremit. Retratgs dil mund e vestgius cul habit d’eremit sa Diego semetter cheu entiramein en la veta spirituala cun urar, giginar, semortificar e meditar. Dasperas sefatschentan ils dus eremits cun lur jert e cun far vischala da lenn per dar als paupers. Plein desideri da daventar conventual digl uorden franciscan, serenda Diego tiels paders minorits dalla claustra da Arizafa. Cheu entscheiva el il noviziat e metta lu giu il profess tenor la regla da sogn Francestg. Igl onn 1441 vegn fra Diego tarmess cun aunc in pader sin las inslas da Canaria per purtar leu il sogn evangeli. Cun grond success ha il sogn claustral missiunau e menau biars pagauns tier Cristus. Era sch’el fuva buc in bein studegiau, saveva el declarar las caussas spiritualas ch‘ils pli sabis teologs mo smarvegliavan. Bugen fuss el ius sin la gronda insla dallas Canaras per daventar leu marter. Mo Diu ha disponiu auter. Ils navaturs meinan buca la nav sco il sogn leva ed aschia ei Diego puspei setschentaus en sia claustra. El banduna quella e va vi en Spagna en la claustra da Nossadunna da Loreto damaneivel da Seviglia. Igl onn 1450 che fuva declaraus per onn sogn, vegn Diego tarmess a Ruma. En la claustra da Aracelli eran da quei temps 3800 paders da sogn Francestg seradunai ord tut las parts dil mund per gudignar il perdun digl onn sogn ed assister alla solemna canonisaziun da sogn Bernardin da Siena. Treis meins restan quels buns paders a Ruma. Mo denton ein ils biars vegni malsauns e la claustra pareva d’esser in ver spital. Ussa ha Diego entschiet a tgirar quels pazients cun tutta premura e senza schar muncar ni vivonda ni medicaments. Il sogn tuorna puspei en Spagna e tarlischa leu vinavon cun vertids e sontgadad. Il pli bugen meditava sogn Diego la passiun da Cristus; mo veva era speciala devoziun tier il sontgissim Sacrament digl altar e tier Nossadunna. Perquei giginava el las vigelgias adina cun paun ed aua, recureva en tuts basegns tier Nossadunna e medegava ils malsauns cugl ieli dalla ampla ardenta avon la statua. Sia carezia pil proxim fuva veramein ardenta. Quella grondezia da siu sogn survient ha Diu era pliras ga palesau cun schar tier bialas miraclas. Suenter haver contonschiu ina biala vegliadetgna ha Diu clamau il sogn pader tier la perpetna beadientscha. Sogn Diego vegn malsauns ed ina nauscha apostema en in bratsch caschuna ad el grondas dolurs. Il malsaun retscheiva ils sogns Sacraments dils moribunds, roga ses confrars per perdun e supplichescha da dar ad el ina rassa ed ina corda per saver suandar siu patriarc sogn Francestg e murir en humilitonza e pupira. En ses mauns tegn il sogn ina crusch da lenn, betscha e salida quella culs plaids: „dulce lignum, dulces clavos, dulcia ferens pondera“. Cun quels plaids eis el sedurmentaus en Cristus ils 14 da november digl onn 1463. Siu tgierp ei staus ditg en bara per ch’il grond pievel sappi prender cummiau. Muort las miraclas daventadas tras ils merets da sogn Diego, ha papa Sixtus V igl onn 1588 canonisau quei grond confessur da Cristus.
pdf: cheu l'entira historia /
Ils 14 da november: Sogn Didactus ni Diego, confessur
Sogn Diego, naschius ad Alcalà en Spagna entuorn ils onns 1400, ei daventaus fra digl uorden da sogn Francestg Serafic. Cun siu devozius viver gia da pign ensi, setegn il giuven ussa si tier in spiritual eremit. Retratgs dil mund e vestgius cul habit d’eremit sa Diego semetter cheu entiramein en la veta spirituala cun urar, giginar, semortificar e meditar. Dasperas sefatschentan ils dus eremits cun lur jert e cun far vischala da lenn per dar als paupers. Plein desideri da daventar conventual digl uorden franciscan, serenda Diego tiels paders minorits dalla claustra da Arizafa. Cheu entscheiva el il noviziat e metta lu giu il profess tenor la regla da sogn Francestg. Igl onn 1441 vegn fra Diego tarmess cun aunc in pader sin las inslas da Canaria per purtar leu il sogn evangeli. Cun grond success ha il sogn claustral missiunau e menau biars pagauns tier Cristus. Era sch’el fuva buc in bein studegiau, saveva el declarar las caussas spiritualas ch‘ils pli sabis teologs mo smarvegliavan. Bugen fuss el ius sin la gronda insla dallas Canaras per daventar leu marter. Mo Diu ha disponiu auter. Ils navaturs meinan buca la nav sco il sogn leva ed aschia ei Diego puspei setschentaus en sia claustra. El banduna quella e va vi en Spagna en la claustra da Nossadunna da Loreto damaneivel da Seviglia. Igl onn 1450 che fuva declaraus per onn sogn, vegn Diego tarmess a Ruma. En la claustra da Aracelli eran da quei temps 3800 paders da sogn Francestg seradunai ord tut las parts dil mund per gudignar il perdun digl onn sogn ed assister alla solemna canonisaziun da sogn Bernardin da Siena. Treis meins restan quels buns paders a Ruma. Mo denton ein ils biars vegni malsauns e la claustra pareva d’esser in ver spital. Ussa ha Diego entschiet a tgirar quels pazients cun tutta premura e senza schar muncar ni vivonda ni medicaments. Il sogn tuorna puspei en Spagna e tarlischa leu vinavon cun vertids e sontgadad. Il pli bugen meditava sogn Diego la passiun da Cristus; mo veva era speciala devoziun tier il sontgissim Sacrament digl altar e tier Nossadunna. Perquei giginava el las vigelgias adina cun paun ed aua, recureva en tuts basegns tier Nossadunna e medegava ils malsauns cugl ieli dalla ampla ardenta avon la statua. Sia carezia pil proxim fuva veramein ardenta. Quella grondezia da siu sogn survient ha Diu era pliras ga palesau cun schar tier bialas miraclas. Suenter haver contonschiu ina biala vegliadetgna ha Diu clamau il sogn pader tier la perpetna beadientscha. Sogn Diego vegn malsauns ed ina nauscha apostema en in bratsch caschuna ad el grondas dolurs. Il malsaun retscheiva ils sogns Sacraments dils moribunds, roga ses confrars per perdun e supplichescha da dar ad el ina rassa ed ina corda per saver suandar siu patriarc sogn Francestg e murir en humilitonza e pupira. En ses mauns tegn il sogn ina crusch da lenn, betscha e salida quella culs plaids: „dulce lignum, dulces clavos, dulcia ferens pondera“. Cun quels plaids eis el sedurmentaus en Cristus ils 14 da november digl onn 1463. Siu tgierp ei staus ditg en bara per ch’il grond pievel sappi prender cummiau. Muort las miraclas daventadas tras ils merets da sogn Diego, ha papa Sixtus V igl onn 1588 canonisau quei grond confessur da Cristus.