അസിയ ബീബിയുടെ കുറ്റവിമോചനം നീട്ടിവെച്ചു

ദൈവനിന്ദയുടെ പേരിൽ ആരോപണം നേരിടുന്ന, അഞ്ച് മക്കളുടെ അമ്മയായ, അസിയ ബീബിയുടെ കുറ്റവിമോചനം പുനഃപരിശോധിക്കാൻ പാക്കിസ്ഥാൻ സുപ്രീം കോടതി ആവശ്യപ്പെട്ടു. വധശിക്ഷയ്ക്ക് വിധിക്കപ്പെട്ട അവർ എട്ട് വർഷമായി ജയിൽവാസം അനുഭവിക്കുന്നു.

മതഭ്രാന്തരായ മുസ്ലിം TLP പാർട്ടിയിലെ അംഗങ്ങൾ വിധിക്കെതിരെ രാജ്യവ്യാപകമായ പ്രതിഷേധം നടത്തിയിരുന്നു. അവരെ തൃപ്തരാക്കാനായി, ബീബി രാജ്യത്തിന് പുറത്തുപോകുന്നത് തടയാനും പുനഃപരിശോധനയ്ക്കും സർക്കാർ തയ്യാറായി.

കുറ്റവിമോചനം തകിടം മറിയാൻ സാധ്യത കുറവാണ്. എന്നാൽ, പുനഃപരിശോധനയ്ക്ക് വർഷങ്ങളെടുക്കും. അത്രയും കാലം ബീബി ജയിലിൽ കഴിയേണ്ടതായും വരും.

ബീബിയുടെ കുറ്റവിമോചനത്തിന് പരിശ്രമിച്ച മൂന്ന് സുപ്രീം കോടതി ജഡ്ജിമാരെ വധിക്കാൻ TLP ആഹ്വാനം ചെയ്തിരുന്നു. ബീബിയെ വധിക്കാൻ ശ്രമിച്ച രണ്ട് ജയിൽവാസികളെ പോലീസ് അറസ്റ്റ് ചെയ്തു. ജയിലിൽ നിന്ന് പുറത്ത് വന്നാൽ ബീബിക്കും അവരുടെ കുടുംബത്തിനും പാകിസ്ഥാനിൽ കഴിയാനുള്ള സാധ്യതകൾ ഒന്നും തന്നെയില്ല.

അവർക്ക് വേണ്ടി നിലകൊണ്ടതിനും ദൈവനിന്ദയുമായി ബന്ധപ്പെട്ട നിയമങ്ങൾക്ക് എതിര് നിന്നതിന്റെയും പേരിൽ കത്തോലിക്കനായ ന്യൂനപക്ഷ മന്ത്രി ഷഹബാസ് ഭട്ടിയും പഞ്ചാബ് ഗവർണ്ണർ സൽമാൻ തസീറും കൊല ചെയ്യപ്പെട്ടിരുന്നു. ബീബിയുടെ അഭിഭാഷകനും മുസ്ലിം മതവിശ്വാസിയുമായ സെയ്‌ഫ് മുലൂക്, സുരക്ഷാകാരങ്ങളാൽ രാജ്യം വിട്ടു.

#newsGsqwstcvcg