Scatschada ei mazzament
Uestg Vitus Huonder sustegn l’iniziativa che pretenda che la finanziaziun dalla scatschada seigi caussa privata. El recamonda a tuts cartents da sustener l’iniziativa. Scatschar ei mazzar ed encunter il finanziar mazzaments stoppien ins far resistenza e quei ord raschuns da cunscienzia.
Uestg Vitus hagi tarmess a tuts ils varga 900 collavoraturs ina recumandaziun per la votaziun dils 9 da fevrer 2014, aschia communichescha igl uestgiu da Cuera. Ultra da quei hagien ses collavoraturs retschiert ulteriuras informaziuns per saver rispunder ad eventualas damondas. (ord novitads RR)
www.rtr.ch/…/Mintgin-duai-pa…
Uiii.... ussa stuein aunc emprender da leger "Romontsch Grischun"
quei lungatg bastardau
(Certas) dunnas da Breil vulan assistentas pastoralas
L'uniun da mumas e dunnas da Breil cumbatta per la pastoraziun da dunnas en la baselgia e rimna suttascripziuns persuenter.
Quei suenter che las assistentas pastoralas da la regiun pastorala Breil-Trun han demissiunau e ch’igl ei vegniu decidiu da sistir la collaboraziun pastorala denter las duas pleivs.
www.rtr.ch/…/Dunnas-duain-er…
Ellas stuessan plitost rimnar suttascripziuns ch'il Rein vegni era si Breil ch'ellas sappien mintgaton tener il tgau (en cass ch'ellas han in) en l'aua freida e secussegliar cun las litgivas senza stuer bandunar il vitg.
Regiun pastorala Breil-Trun fa naufragi
Tenor las novitads da miezdi ei il ballun gigantic dil Medelin ed anteriur plevon a Breil - sur Giusep Venzin - schluppaus. Quel fuva buca schi daditg vegnius sufflaus si e presentaus alla publizitad cun pumpa e gloria.
La regiun pastorala Breil-Trun vegn sistida per la fin da fevrer 2014. Il menaschi da pastoraziun seigi denton era pigl avegnir segiraus, aschia communicheschan ils responsabels dallas 5 pertuccadas pleivs.
Igl augsegner da Trun - sur Tomasz Drwal - che veva stuiu sesuttametter a quei buordi sa puspei trer flad pli ruasseivel e seconcentrar activamein sin las pleivs da Trun, Schlans e Zignau.
Uestg Vitus Huonder procura per tgaus cotschens
Uestg Vitus dat alla Baselgia da siu uestgiu novas ordras che pertuccan homosexuals, sparti e puspei maridai ed auters che vivan in stan irregular.
Tals astgan tenor la ductrina catolica tier la sontga messa buca retscheiver la sontga Communiun. Ils pertuccai che giavischan tonaton la benedicziun, duein denton passar avon igl augsegner e signalisar quei cun bratscha cruschada.
Per biars nuncapeivel fatg! - „Seblamar avon tuts?“ - „Infamont ed impertinent viers persunas che han fatg naufragi e vulan viver en nova relaziun?“
La teologa Jacqueline Keune da Luzern ha aunc cun autras dunnas protestau encunter quei decret ed appellau a monsignur Huonder da praticar ina Baselgia aviarta ed adequata al temps.
Da quei fatg rapportescha la pressa rehamein e procura per buca paucs tgaus cotschens!
www.kath.ch/index.php
bazonline.ch/…/22364887
www.kipa-apic.ch/index.php
Il tierz confiteor ei secapescha igl usit dalla Messa catolica, ch'ins vesa darar - sco ins vesa generalmein NEGIN confiteor ellas messas modernas.
Egl uestgiu da Cuera - ni da sogn Gagl - aud'ins il tierz confiteor ellas caplutas da sogn Pius X.
Oz ei sogn Marcel, roga per nus !
@Plaisch
Fetg pertinent.
Mo nua dat ei aunc in tierz Confiteor egl uestgiu auter ch'en nossa caplutta?
Forsa en quella digl uestg?
Temperaturas primavaunas
Il meins da schaner 2014 procuran caulds vents dalla Spagna per bunas temperaturas en Svizera tochen 15 grads.
Quei ei per la natira en ruaus d’unviern da grond disavantatg. Da quella bun’aura profitescha sulettamein l’utschleglia. Enzacu sut la ferdaglia dil fevrer vegn quei segir aunc a stuer pitir.
Mund strubegiau: D'ina vart fa ei primavera el schaner e da l'autra vart ha la glieud da miez fenadur aunc gl'unviern el cor ed ell'olma.
Romontsch, ei nies lungatg
La regiun romontscha dil Grischun cumpeglia tschun idioms e numerus dialects locals. Ils tschun idioms senumnan: sursilvan ella Surselva (17'000 persunas), sutsilvan ella Val Schons (1'200), surmiran ella vallada digl Albula ed a Surmir cun exepcziun da Bravuogn (3'000), putèr ell’Engiadina aulta ed a Bravuogn (3'500) ed il vallader ell’Engiadina bassa ed ella Val Müstair (5'500). 65 pertschien dalla populaziun grischuna discuora oz tudestg, 11 pertschien talian, 7 pertschien auters lungatgs e mo pli 17 pertschien romontsch.
Bia romontschs tratgan ch'els stoppien esser tudestgs per esser zatgi. Denton tenor miu meini dat ei avunda tudestgs. Mo Berlin ha 3.5 milliuns habitonts.
Pia, romontschs, buca fagei quitaus per ils tudestgs e discuri puspei romontsch.
Quels schinumnai idioms (sa sche quei plaid ha da far enzatgei cun idiots) ein effectivamein (sco Aluis Maissen schess) lungatgs.
Stai si defenda, ramontsch, tiu vegl lungatg.