യുവജനസൂനഹദോസിൽ ഞാൻ പറയാൻ ആഗ്രഹിക്കുന്ന മൂന്ന് കാര്യങ്ങൾ - സംഗീതജ്ഞനായ ഔറേലിയോ പോർഫീറി

ഒരുപാടുപേർക്ക് ഇതറിയില്ലായിരിക്കാം. പക്ഷേ, ഞാൻ മുമ്പ് നിരവധി തവണ വത്തിക്കാൻ സൂനഹദോസുകളിൽ പങ്കെടുത്തിട്ടുണ്ട്.

അല്ല, ഞാനൊരിക്കലും സൂനഹദോസ് പിതാവല്ല. പക്ഷേ ഞാൻ ഓറ തീർത്ത്യയുടെ വേളയിൽ, സൂനഹദോസ് പിതാക്കന്മാരെ അനുഗമിച്ചിരുന്ന ഓർഗനിസ്റ്റായിരുന്നു. അത്തരം കൂടിക്കാഴ്ചകളിൽ ഇടപെടാൻ എനിക്കൊരിക്കലും അവസരം ലഭിച്ചിരുന്നില്ല. വർഷങ്ങളായി ഞാനിതിനെക്കുറിച്ച് എഴുതിയിരുന്നു. ഭാവിയിൽ അപ്രകാരം ചെയ്യാൻ എന്നെ അനുവദിക്കുമെന്ന് ഞാൻ കരുതുന്നില്ല.

ഇപ്പോൾ ഞാൻ മധ്യവയസ്കനായിരിക്കുന്ന വേളയിൽ, അടുത്ത യുവജനസൂനഹദോസിനെക്കുറിച്ച് എനിക്ക് ചിലത് പറയാനുണ്ട്. തീർച്ചയായും, കുറഞ്ഞത് മൂന്ന് കാര്യങ്ങൾ. സൂനഹദോസിന്റെ വേളയിൽ എനിക്കത് പ്രകടിപ്പിക്കാൻ സാധിക്കാത്തതിനാൽ, ഞാനത് ഇവിടെ ചെയ്യുന്നു.

1) യുവജനങ്ങളേ, നിങ്ങളുടെ യുവത്വത്തെ പൂർണ്ണമാക്കരുത്. അതൊരു കടന്നുപോകലാണ്, യൗവനാവസ്ഥയിലേക്കുള്ള പക്വത പ്രാപിക്കലാണ്. യുവത്വത്തെ അതിൽ തന്നെ പുകഴ്ത്തുന്നവർ ഒന്നുകിൽ ദോഷൈകദൃക്കുകളോ പ്രായമേറെയുള്ളവരോ ആകാം. അതിനാലാണ് എനിക്ക് "യുവജന കുർബ്ബാനകളെ" അനുകൂലിക്കാൻ സാധിക്കാത്തത്. കുർബ്ബാനകൾ എല്ലാവർക്കുമുള്ളതാണ്, ദൈവജനത്തിലെ ഒരു വിഭാഗത്തിന് മാത്രമുള്ളതല്ല.

2) യുവജനങ്ങളേ, നിങ്ങളുടെ ചരിത്രത്തിന്റെ പോരാളികളായിരിക്കാൻ മാർപാപ്പ നിങ്ങളോട് പറഞ്ഞത് ഓർമ്മിക്കുക. നമ്മുടെ തിരുസഭയിലുള്ള ചിലത് ഉൾപ്പടെ നിങ്ങളെ വിശ്വസിപ്പിക്കാനായി പ്രമുഖ വിവരണങ്ങളിൽ നൽകിയിരിക്കുന്നവ അതേപടി സ്വീകരിക്കരുത്. ലോകത്തെ വെല്ലുവിളിക്കാനും, ആവശ്യമെങ്കിൽ ചോദ്യങ്ങൾ ചോദിക്കാനും, ലോകത്തിന്റെ ധാർമ്മിക ആശ്ലേഷത്തിൽ തന്നെതന്നെ ലയിപ്പിക്കരുതെന്നും സഭയോട് ആവശ്യപ്പെടുക.

3) യുവജനങ്ങളേ, പാരമ്പര്യത്തെ അനുഭവിക്കുക. ഞാൻ "പാരമ്പര്യവാദം" എന്നല്ല മറിച്ച് നമ്മുടെ പിതാക്കന്മാർ നമുക്ക് കൈമാറിയിട്ടുള്ള പാരമ്പര്യം, കല, സൗന്ദര്യം, ആത്മീയത, പ്രാർത്ഥന, സംസ്കാരം എന്നാണ് പറയുക. ഓർമ്മിക്കുക, പാരമ്പര്യത്തെ മുറുകെപിടിക്കുന്നവർ, കൂടുതലായി കാണും. ഓരോ ദിവസവും ഭൂമിയിലെ ജീവിതം എത്രയധികം ഹൃസ്വമായിക്കൊണ്ടിരിക്കുകയാണെന്ന് ഞാൻ കാണുന്നു. നിങ്ങളാണ് എന്റെ പ്രതീക്ഷ. എനിക്കും നിങ്ങൾക്കും ലഭിച്ചിട്ടുള്ളവ കൊണ്ടുനടക്കാനുള്ള കാലുകൾ നിങ്ങളാണ്.

ചിത്രം: © Mazur/catholicnews.org.uk, CC BY-NC-SA, #newsXqepddornb