"ഇൻസ്റ്റിറ്റ്യൂട്ട് ഫോർ മാര്യേജ് ആൻഡ് ദി ഫാമിലിയെ" വധിച്ച് ഫ്രാൻസിസ് മാർപാപ്പ

ക്രൈസ്തവവിവാഹത്തിന്റെ അഭേദ്യതയെ സംരക്ഷിക്കാനും ഗർഭഛിദ്രത്തിനെതിരെ പോരാടാനുമായി വി. ജോൺ പോൾ രണ്ടാമൻ മാർപാപ്പ സ്ഥാപിച്ച പൊന്തിഫിക്കൽ ഇൻസ്റ്റിറ്റ്യൂട്ട് ഫോർ മാര്യേജ് ആൻഡ് ഫാമിലി, ഫ്രാൻസിസ് മാർപാപ്പ സമീപകാലത്ത് പുറത്തിറക്കിയ ഒരു സ്വാധികാര പ്രബോധനത്തിലൂടെ ഇന്നത്തെ രൂപത്തിൽ നിന്നും നശിപ്പിക്കപ്പെട്ടിരിക്കുകയാണ്. "ജോൺ പോൾ II പൊന്തിഫിക്കൽ തിയോളജിക്കൽ ഇൻസ്റ്റിറ്റ്യൂട്ട് ഫോർ മാര്യേജ് ആൻഡ് ഫാമിലി സയൻസസ്" എന്നായിരിക്കും സ്ഥാപനം ഇനി അറിയപ്പെടുക. കുടുംബത്തെകുറിച്ചുള്ള സൂനഹദോസിന്റെ സമയത്ത്, സ്ഥാപനത്തെ അതിൽ നിന്നും ഒഴിവാക്കിയിരുന്നെങ്കിലും, കത്തോലിക്ക പ്രമാണങ്ങളെ സംരക്ഷിക്കാൻ ശ്രമിച്ചത് മൂലം ഫ്രാൻസിസ് മാർപാപ്പയുടെ ദേഷ്യത്തിന് അത് ഇരയായിരുന്നു.

ഇപ്പോൾ സ്ഥാപനത്തിലൂടെ, ക്രൈസ്തവവിവാഹത്തിന്റെ അഭേദ്യതയെ ആപേക്ഷികമാക്കുന്ന, തന്റെ വിവാദ അപ്പസ്തോലിക ലേഖനമായ അമോറിസ്‌ ലെത്തീസ്യ പ്രചരിപ്പിക്കാൻ ഫ്രാൻസിസ് മാർപാപ്പ ആഗ്രഹിക്കുന്നു. വി. ജോൺ പോൾ രണ്ടാമൻ മാർപാപ്പയുടെ മുഖത്തേക്കുള്ള ഒരടിപ്പോലെയാണതെന്ന് പരക്കെ കരുതപ്പെടുന്നു.

ഫലത്തിൽ, സ്വാധികാര പ്രബോധനം കത്തോലിക്കാ പ്രമാണത്തെയും അജപാലന പ്രവർത്തനങ്ങളെയും പരിത്യജിക്കുകയും "പഴയകാല മാതൃകകളും ഘടനകളുമായി കണക്കാക്കുകയും ചെയ്യുന്നു", വാദങ്ങളെ നേരിടാതെ എതിരാളിയുടെ സ്ഥാനം ഇല്ലാതാക്കാനുള്ള പൊതുവായ ഉപായം.

സെപ്റ്റംബർ 19-ന് പുറത്തിറക്കിയ സ്വാധികാര പ്രബോധനത്തിൽ തിയ്യതി നൽകിയിരിക്കുന്നത് സെപ്റ്റംബർ 8 ആണ്. അമോറിസ്‌ ലെത്തീസ്യയുടെ സൂക്ഷമദർശിയായ വിമർശകനും സ്ഥാപനത്തിന്റെ സ്ഥാപന പ്രസിഡന്റുമായ ദുബിയ കർദ്ദിനാൾ കാർലോ കഫാറയുടെ മരണത്തിന് രണ്ട് ദിവസങ്ങൾക്ക് ശേഷമാണിത്.

ഇതുവഴി കത്തോലിക്കാസഭയിൽ അമോറിസ്‌ ലെത്തീസ്യ ഭിന്നിപ്പിന് ഫ്രാൻസിസ് മാർപാപ്പ അൽപ്പംകൂടി ആഴം കൂട്ടി.

#newsXzzkidcyff