Christmas Campaign: Financial Insights
Clicks727
Sacerdos Hyacinthus
Veni Creator - Hymnus. Veni Creátor Spíritus, mentes tuórum vísita, imple supérna grátia, quæ tu creásti péctora. Qui díceris Paráclitus, Altíssimi donum Dei, fons vivus, ignis cáritas, et spiritális…More
Veni Creator - Hymnus.

Veni Creátor Spíritus,
mentes tuórum vísita,
imple supérna grátia,
quæ tu creásti péctora.

Qui díceris Paráclitus,
Altíssimi donum Dei,
fons vivus, ignis cáritas,
et spiritális únctio.

Tu septifórmis múnere,
dígitus patérnæ déxteræ,
tu rite promíssum Patris
sermóne ditans gúttura.

Accénde lumen sénsibus,
infúnde amórem córdibus,
infirma nostri córporis
virtúte firmans pérpeti.

Hostem repéllas lóngius
pacémque dones prótinus;
ductóre sic te prǽvio
vitémus omne nóxium.

Per Te sciámus da Patrem
noscámus atque Fílium,
teque utriúsque Spíritum
credámus omni témpore.

Deo Patri sit glória,
et Fílio, qui a mórtuis
surréxit, ac Paráclito,
in sæculórum sǽcula.

Amen.

Véni Sáncte Spíritus, réple tuórum córda fidélium, et túi amóris in éis ígnem accénde.
V. Emítte Spíritum túum et creabúntur;
R. Et renovábis fáciem térrae.
Oremus:
Déus, qui córda fidélium Sáncti Spíritus illustratióne docuísti: da nóbis in eódem Spíritu récta sápere, et de éius sémper consolatióne gaudére. Per Chrístum Dóminum nóstrum. Amen.

Cantus:
Veni Creator

- - -

Vedi quoque:

sacerdoshyacinthus.wordpress.com/lingua-latina/

sacerdoshyacinthus.wordpress.com/dicta/